مساعدة في الارز

[BJR]

صح رمضانكم بنااااااات
ان شاءلله تكونو بخير


تعيشو بنات قولولي وشنو هي احسن طريقة لطبخ الارز نفورو ولا نغليه في الماء وماهي المقادير المضبوطة اذا كان نغليه
وقولولي وشنو احسن نوعية للارز واذا ممكن صور

جزاكم اللله خيراااااا ا

[زهرة الريف*]

انا نحب نفوره ونطيبلو مرقة حمرا بطرف جاج وندير و في بلا ونجمرو في الفور
الروز عندو عدة طرق والأكل أذواق انت كل مرة جربي طريقة ولي تعجبك وتعجب العائلة اعتامديها

[نسمات الريح]

صح فطوركم،الأرز عندي طريقتين:
الاولى ديري مرقة بيضاء نتاع الدجاج وبعد ما يطيب نحي طراف الدجاج بجيه
وعبري كأس روز بزوج كيسان وشوية نتاع مرق نحطهم فالكوكوط إيه فالكوكوط ونغلق عليها جيست
تصفر نطفي على النار وما تنحيش الصفارة حتى بعد ربع ساعة ولا 20 دقيقة،لما نفتح عليها نلقاه حبة
بحبة نضيفلو شوية زعفران مانكثرش ونخلط غير شوية يولي لونو أصفر وأبيض،نروح للدجاج نحمرو
في الكوشة ثم نحط في صحن التقديم وكل وحدة وذوقها.إذا عجبتكم الفكرة نزيد نحطلكم الطريقة الثانية

[noureddine abdelli]

طريقة تحضير لرز ابيض
2 كيسان ماء
ملح
2 م زيت
كاس ارز
نضع الماء يغلي مع الزيت و الملح ثم نضيف لها الارز نحركه في المرة الاولى فقط ومبعد ما يطيب اغسليه بالماء البارد و قطريه
و اذا لم ينضج عاودي فوريه و ان شاء الله ينجحلك

[إلهام07]

حبيبتي احسن ارز هو الارز البسمتي الاطباق بيه فن فعلا
اما طريقة تحضيره فالاحسن ننصحك ماتفوريه ماتغليه يجي سامط كي يطيب في الماء ننصحك طيبيه مباشرة في المرق وهذي طريقتي ونتحى وحدة تقولي جربتها وماعتمدتش الوصفة ومالحسوش الصحون فعلا رائع :
https://www.djelfa.info/vb/showthread.php?t=1649711

[BJR]

مشكوووووووووووووووورين اخواتي بارك الله فيكم
واذا ممكن الاخت نسمات الريح الطريقة الثانية
مشكورة اخت الهام نجرب ونردلك الخبر

صح فطوووووركم بنات

[bola76]

شكرا أختي الكريم بوركت

[نسمات الريح]

صباح الخيرات، بصراحة الأخت bjr الطريقة الثانية راني معتمدتها من عند شيخي
الله يرحمو كان يحب الطياب والأرز حالة خاصة عندو كانو كي يطيبوهلو ما يجيش كيما
راه حاب هو،دائما يرجعو وما ياكلوش.حتى مرة بقينا كامل نتساءلو وش هو السر في الأرز؟؟؟..
الطريقة الثانية قالنا عليها هو:
في طنجرة حطي كمية من الزيت يسخن +ثوم مقطع رقيق قليه شوية+كمشة يد شعشرية
قليها حتى يتغير لونها+الأرز حسب عدد العائلة نتاعك المهم كل كاس أرز بزوج كيسان ونص ماء
قليهم كامل مع بعض حتى الارز يتغير شوية لونو،ومن جهة أخرى غلي الماء بزاف وضيفيه عليه
أغلقي الطنجرة.وسخني الطاجين نتاع الطين نتاع المطلوع مليح مليح و حطي الطنجرة فوقو
ونقصي للنار وكي يولي قريب يطيب ما تحركيش الروز لكن بالملعقة البلا هزي من التحت
واقلبي باش الارز اللي من الفوق يطيب كيما اللي لتحت وعاودي أغلقي الطنجرة حتى يتشرب
كامل الماء.فالأخير راح تلقايه طايب هايل حبة بحبة والشعيرية تعطي لون للأرز.
نتمنى تجربوه و تدعو لشيخي بالرحمة وصح فطوركم أجمعين...

[نسمات الريح]

أسمحولي راني نسيت الملح للأرز الله غالب بي الصيام