طلب مساعدة من ام اماني وكل من عنده خبرة في الباتيسري

ميمي ميميا · 2015-07-11, 16:27

مساء الخير انا نحوس نخدم باتيسري لطهارة خوييا اعطيوني مقادير مجربينها اناجربت وحدة طيب نورمال بصح كي نخرجها من الفرن نلقاها هبطتلي وفي النصف نلقاها فارغ علاه واشنو السبب تعيشو عاونوني راحا نطهروه في ليلة 27 وجزاكم الله خيرا

أم عبد الله ياسين2 · 2015-07-11, 16:47

السلام عليكم أختي ، مبروك على خوك ، ديري كيكة الدانون ديريها في سنيوة صغيرة مربعة الشكل ديري 2مربع و حطي وحدة فوق وحدة و حشيهم بلاكرام شونتيي و ملفوق ديري شونتي و فواكه و لوني شوية شونتتي بملون غذائي أزرق ديري غير شوية و كتبيلو إسمو هذي محاولة مني ، أدعي لوليدي غدوة راح نختنو

ام رويدة · 2015-07-11, 16:54

الف مبروك
يا اختي شوفي طريقة فلة في الجواز روووعة ومضمونة بإذن الله

تبعي الطريقة حرفيا وكي تطيبيها ما تحليش عليها الفرن باش ما تهبطش

ميمي ميميا · 2015-07-11, 22:10

شكرا لكم نجرب ونردلكم خبر

Nami31 · 2015-07-11, 23:13

اقتباس:

المشاركة الأصلية كتبت بواسطة ام رويدة

الف مبروك
يا اختي شوفي طريقة فلة في الجواز روووعة ومضمونة بإذن الله

تبعي الطريقة حرفيا وكي تطيبيها ما تحليش عليها الفرن باش ما تهبطش

نعم كي تحلي الفرن تهبط

oum anouar · 2015-07-11, 23:55

أختي من الاحسن ديريها مستطيل او مربع يبالي تصلح أحسن من الدائري وهاكي تاع أم إبراهيم ربي يحفظها ويفرجها عليهاراهي ملكة الباتيسري