خبز الفرماج من مطبخي

الأمنيات · 2014-03-11, 10:13

هادي وصفة خبز الفرماج دارتها في قناة سميره
وطلبوا مني ام ماجد وام ريمه نحط الوصفه حبيباتي
انا الوصفه صراحة ما لحقتش عليها راني درتها من عندي ادا كيفها ونعم وادا لا
دبروا روسكم حبيتوا تجربوا تاعي ولا تاع القناة

المهم عندي جربوها راها هايله هايله

طريقه والمقادير
عبرت الفرينة بعلبة مارغارين كبيره وحده
زدت 2ونصف معالق كبار لحظة حليب غبرة
2معالق كبار زيت -ملح ملعقة كبيره سكر
ملعقة كبيره خمارة الخبز
ماء فاتر -فرماج الي متوفر
نعجن الجميع كي الخبز كي تلتلم العجينة نعجنها بشوي زيت في اليد احسن
نحطها تخمر 45دقيقه
نعاود نفتحها ونحاول نشكلها على شكل اوفال oval
وندير خطور في الوسط خمسة5 ونحشيهم بالفرماج هي دارت كوممبير
ونغلق مليح ونرجعها تخمر 15ربع ساعة نرش فوقها شوي فرينة ونطيبها في فرن سخون هاهي

هاهي علبة الي كيلت بيها

اغلقيها عادي بلا بيض

هنا رجعتها خمرت ربع ساعه

هاهو شكلها من داخل هشيش وطري تقول بريوش هههههههههه نشكر روحي
والله عن جد جربوها

لبنات قيموني راني بكرت عليها باش نحطها لكم

أم إناس · 2014-03-11, 10:20

ماشاء الله خبز رووووووووووعه كيم. خبر يقلول الفقاس
وَبَارِكْ الله فيك

نخله. · 2014-03-11, 10:24

الله الله الله كلشي من يديك يشهي ماشالله

و شكرا على الوصفه والشرح

مريم الاميرة · 2014-03-11, 10:26

يعطيك الصحة الامنيات و الله ماشاء الله عليك تعجبني فحولتك الله يبارك ربي يحفضك و يقدرك حنونة
ااااااا نسيت ههههههه الخبز روووووووووووووووووووعة و يبان من داخل كي لقطن يستحق التجربة فعلا