لكل مهموم

[مشكلتي]

السلام عليكم ...
أنا أعتبر كلامي نصيحة أكثر من ماهي تجربة
المهم أنا شاب 23 في عمري ..العام اللي فات فالصيف بعد رمضان كنت أحس بالام في رجلي اليمنى المهم مع أني نلعب كرة القدم بزاف قلت مشي مشكل أألام و تروح و لكن المشكل مبغاش يروح داك الألم حتى قررت نقول للأب تاعي أنو لازم ندير الراديو نشوف واش بيه كراعي ..وهناك كانت المفاجئة و التي حد الأن مازلت مستوعبتهاش وهي بعد السكانار قالولي راه فيك السرطان في جزء من رجلك عند (اليمولى) و لكن قالولي ماتقلكش تقدر تداوا بإذن الله ..و أنا في تلك الأيام فوتها مدمر بزاااف خاصة بعد ما قالولي بأن العملية تكلف حوالي 600 مليون و المشكل أنه أنتا و زهرك لتنجح ..في داك الوقت عرفت نعمة الصحة قعدت نقول ندير كلش غيل نتداوى وصايي ماسحقيت أي حاجة و قعدو يبانولي صوالح لخرين غيل أمور تافهة و .. المهم بعد شهر من ذلك تواصلنا مع طبيب هنا في المدينة لي نسكن فيها و قالي غادي نرسلك لتركيا و الدولة راح تتكفل ب30% من مصاريف علاجك ..أنا الحمد لله ميسوري الحال عاونوني خاوتي ساكنين بالخارج و الوالد التاعي دار المستحيل من أجلي حتى لمينا المال المطلوب و رحت و درت العملية و راني الحمد الله ..
و تعلمت حاجة في حياتي أنه رغم كل المشاكل الشخصية و الدنيوية هي تنحل لا محالة و تسهل و لكن الصحة و الله لا تقدر بثمن و ما يحس بيها غيل اللي جربها

[meriem algerie]

الحمد لله حمدا كثيرا كما ينبغي لوجهه وعظيم سلطانه على نعمة السمع والبصر وصحة الجسم والعقل

الحمد لله على سلامتك ربي يكملك ان شاءالله ،وربي يحفظلك والديك و اخوتك وربي يدوم الخير في الناس

[roza montero]

عندك حق اخي لا يعرف قيمة الصحة الا من ذاق مرارة الخوف على فقدانها
الحمد لله على سلامتك اخي ربي يعطيك الصحة و العافية

[كاميلا]

والله صح يا اخي

[imenemalak]

عندك الحق خويا لي يحس بالشيء غير المجرب ,,,, والحمد لله لي رجعت لصحتك ,,,

[crazy manolista]

Wlh gir sah y'a 5oya ++mrc pour conseil

[اخت الرجل]

سبحان الله
الي مايقدر قيمة الصة ويلعب بيها مين تقيسو
شكرا نحن نتعلم منكم ومن تجاربكم وابعد الله عنك كل بلاء:-)

[saida4O]

الحمد لله على سلامتك خويا

[الواثق]

شفاك الله اخي .......والله انها دنيا فانية اخي ولو علمنا اجر المصاب وصبره لما تذمرنا من شيء واعلم انها مكفرة للذنوب فاحتسب الاجر .......وتيقن ان الله يبتلي عباده المؤمنين واعظم شيء وجب علينا تذكره ان احسن الناس وافضلهم ابتلاهم الله باشد من ذلك .........وهم الرسول والانبياء.......
طهور ان شاء الله .....ونسأل الله ان يشفي جميع مرضى المسلمين .......وانت ماشاء الله وجدت عائلة تقف معك وتساندك فهناك من ابتلاه الله بالمرض ولاتجد عنده ابسط الامور والله المستعان

[abdelka22]

كلام جميل ..شكرا

[houssem zizou]

الحمد لله ربي يدومها نعمة

بارك الله فيك على النصيحة

الصحة تاج يراه المرضى فوق رؤوس الأصحاء

[rose de sable s]

حمد لله علي سلامتك ربي يبتلي عبده ليري صبره

[~أميرة أميري~]

الحمد لله لي ريحت والله كلامك اثر فيا بزاف
الحمد لله على كل حال
تقريبا صرات نفس القصة لاخي واليوم راه الحمد لله
وكان كيفك يلعب البالون بزاف
بارك الله فيك هكدا باش الناس تفطن شويا

[~ دروب الخير ~]

الحمد لله ،، بارك الله فيك

[RACHID 07]

السلام عليكم ورحمة الله وبركاته

الحمد لله على سلامتك اخي طهور ان شاء الله

أحد السلف كان أقرع الرأس ، أبرص البدن ، أعمى العينين ، مشلول القدمين واليدين ، وكان يقول : "الحمد لله الذي عافاني مما ابتلى به كثيراً ممن خلق وفضلني تفضيلاً " فَمَرّ بِهِ رجل فقال له : مِمَّ عافاك ؟ أعمى وأبرص وأقرع ومشلول . فَمِمَّ عافاك ؟

فقال : ويحك يا رجل ! جَعَلَ لي لساناً ذاكراً ، وقلباً شاكراً ، وبَدَناً على البلاء صابراً !

سبحان الله أما إنه أُعطي أوسع عطاء