التوكسولازموس

[kika85]

السلام عليكم ورحمة الله تعالى وبركاته
حبيت نسقسي الاخوات الكريمات على هاد الداء
انا راني حامل في الشهر الثالث ودرت التحاليل لما ديتها للطبيبة لقاتلي التوكسو ايجابي ونسبة igg طالعة 498 بصح igm ماداروهوليش ....فعطاتني الطبيبة تحليل اخر باش نعودو على جال igm وقالتلي عاوديه بعد عشرين يوم من التحليل الاول...
انا درك راني خايفة من هاد التحليل...خايفة يلقاولي المرض حكمني بعد الحمل فحبيت نسقسي اسكو هاد الداء عندو دواء فعال الي يحمي الجنين من اي خطر ممكن يصيبو بسبب هاد الفيروس....
طمنوني تعيشو والله راني خاااايفة بالبزاف على البيبي ديالي
ادعيولي

[منارة الوفاء]

السلام عليكم ورحمة الله تعالى وبركاته
لاباس اعليك أختي ما يكون غير الخير ان شاء الله
نطمنك ونقلك ماتخافيش هاد الحالة عندها دواء وعلى حساب التحاليل الي تخرجلك مثلا أنا حكمتني التوكسو + في فترة الحمل واعطاتني الطبيبة الدواء كنت نشرب يوميا من الشهر الرابع و النصف حتى بقالي 20 يوم لوقت الولادة باش حبستو و الحمد لله ربي اعطالي طفلة ماشاء الله عندها 6 أشهر صح كنت خايفة بزاف بصح الحمد لله اذا مدتلك الطبيبة الدواء اشربيه وماتتهاونيش وماتنسايهش يالوكان نهار نورمالمو طبيبتك تفهمك ربي يطلعك على خير ان شاء الله حبيبتي ونسمعو اعليك خبار الخير يارب

[kika85]

يعطيك الصحة على الرد ديالك....ما تعرفيش شحال راني مقلقة ونورمالمو غدوة نعاود ندير التحاليل ما نعرف واش يخرجلي راني مقلقة بالبزاف...انشا الله ما يكون غير الخير ...ربي يفرحك ببنتك ويطولك في عمرها يااااارب..ربي يطمنك كيما طمنتيني