كيف أحوالكم مع الرياضيات خدمتو ماخدمتوش وماي اخر الاخبار حولها من مراكز التصحيح.

[avocat82]

كيف أحوالكم مع الرياضيات خدمتو ماخدمتوش وماي اخر الاخبار حولها من مراكز التصحيح.صراحة هي أكبر مادة مخوفني فالباك هذا ربي يجيبها على خير وخلاص ..

[الطالب النبيل]

يصراحة نهار عقبنا غاشي كامل مخدمش قلت المصيبة كي تعم تخف ...لكن بارح مع الاستاذ رؤوف؟بانتلي 18 و17 و19 يجيبوهاا كيوالوا..معنتها ميطير والوا فالتخصصات

[avocat82]

ربي يستر وخلاص أخي أنا شخصيا متوقع ندي تحت 15 وخايف تهبطلي المعدل ربي يجيب الخير وخلاص أخي ..

[boutaina21]

ان شاء الله فيها خير يارب

[* حبّ الله *]

نتوقع ندي بين 19 و 19,75

[asma-forever]

ههههههه عادي كاين لي يقول مخدمتش يدي19,75 راك فاهم هو كان ناوي عشرين يسمى هردها ياوووو الصح نهار النتائج تما نشوفو ربي يوفق الجميع وصح فطوركم

[raouf07boy]

المشاركة الأصلية كتبت بواسطة asma-forever

ههههههه عادي كاين لي يقول مخدمتش يدي19,75 راك فاهم هو كان ناوي عشرين يسمى هردها ياوووو الصح نهار النتائج تما نشوفو ربي يوفق الجميع وصح فطوركم

على حساب ما صححت لا اعتقد ان هناك من يتحصل على 20 وحتى العلامات المرتفعة نادرة جدا اكبر علامة لحد الان هي 16 واحد فقط جابها

[* حبّ الله *]

يا أستاذ انا ماقلتش أني ما خدمتش بالعكس حليت بزاف مواضيع ولما شفت. الزملا يقولو الموضوع صعيب احترت هو يحتاج الخدمة وكيما قال استاذي زويش يحتاج واحد عقلو في راسو يا أستاذ رؤوف راني جبت جميع الاجابات صحيحة عدا التحقق في تمرين الإعداد المركبة الموضوع الاول علوم تجريبية ومانيش متاكد من الدالة الأصلية رغم أني لقيت c=0 وانت قوللي يا أستاذ شحال ندي في رأيك الله يحفظك

[raouf07boy]

المشاركة الأصلية كتبت بواسطة حبّ

يا أستاذ انا ماقلتش أني ما خدمتش بالعكس حليت بزاف مواضيع ولما شفت. الزملا يقولو الموضوع صعيب احترت هو يحتاج الخدمة وكيما قال استاذي زويش يحتاج واحد عقلو في راسو يا أستاذ رؤوف راني جبت جميع الاجابات صحيحة عدا التحقق في تمرين الإعداد المركبة الموضوع الاول علوم تجريبية ومانيش متاكد من الدالة الأصلية رغم أني لقيت c=0 وانت قوللي يا أستاذ شحال ندي في رأيك الله يحفظك

صراحة لست ادري كيف كان العمل تاعك كنت نفضل نصحح الورقة تاعك لكن ان كانت اجابتك مثل ما قلت لي اتوقع ان تاخد19 او19,5

[* حبّ الله *]

يا أستاذ إجابتي كانت مثل الإجابة النموذجية حت سوْال إيجاد المركزين فاني أجبت وفق الطريقة الاستنتاجية وشكرا عَل الرد يا استاذي

[raouf07boy]

المشاركة الأصلية كتبت بواسطة حبّ

يا أستاذ إجابتي كانت مثل الإجابة النموذجية حت سوْال إيجاد المركزين فاني أجبت وفق الطريقة الاستنتاجية وشكرا عَل الرد يا استاذي

نتمنى تتحصل على العلامة الكاملة ؟ انا عندنا شفت التنقيط الوزاري تحمست بزاف ضننت ان التلاميد معظمهم سيتصل على المعدل لكن عندما بدات التصحاح اندهشت كاين تلاميد وفقو في اجاباتهم لكن منهم من نسي اسئلة ومنهم من اخطا في الحسابات الخ المهم ربي يجيب الخير

[* حبّ الله *]

يا أستاذ علابالي بلي كثرت عليك مي تقدر تسقسي اساتذة الفيزيا عن اوضاع التصحيح وايضاً اي ولاية قمت بتصحيح أوراق تلاميذها وشكرا

[حسنى مروى]

استاذ انا غلطت في الاعداد المركبة في الموضوع 2في zc نسيت الناقص و كملت خدمت بيها التمرين كامل كيفاه يحاسبوني و قداه تروحلي??? هل يحاسب على الخطا مرة واحدة و لا كيفاه ?? قتلي سقسيلك

[asma-forever]

يا استاذرؤوف على حساب راي الشخصي المضوع بالرغم من سهولته لا يوجد نقاط مرتفعه كثيرة ولوكان نقولكم حاجة تضحكو والله انا استاذة فيزيا والمفروض الرياضيات سهلة بالنسبه ليا بالرغم من اني لم اراجعها يعني خفيفة المراجعه وراني شاكه نقطتي 11 لانه السهل الممتنع خاصة الموضوع الثاني لهذا توقعت من البداية ان المعدلات لن تكون مرتفعه خاصة شعبة الرياضيات والتقني

[جزائرية و لي الفخر]

استاذ رؤوف ،، السؤال التالي في التمرين تاع المتتاليات في الموضوع الاول شحال عليه ؟ هو الوحيد اللي مخرجليش ،، الموضوع عموما ساهل بصح فيه حساب بزاف خاصة فالاعداد المركبة ،،