ساعدوني

ميرال النوي · 2015-06-21, 18:18

سلام الله عليكم من فضلكم ابنتي تعاني من احمرار في المنطقة لانها تنوض الاسنان ارجوكم عييت درت الزيت و بوماد دوس بصح مازال وهي عندها سنة في عمرها

*سيرين نور عيني * · 2015-06-21, 23:55

السلام عليكم ورحمة الله وبركاته و صح رمضانك حبيبتي
شوفي ديريلها الدوا الحمر ايوزين و خليها تتهوى حتى تنشف مليح مبعد ديريلها بوماد اسمها ميكوسيد و زيدي خليها تتهوى و تدخل مليح البوماد في الجلد و رديلي بالخبر روووعة و باشفا عليها
و ف الايام العادية ديريلها في كل تبديلة طالك تع نيفيا هااااايل او زيت الحوت و بوثيهالي سلام

*أم جابر* · 2015-06-22, 23:37

السلام عليكم و رحمة الله و بركاته
اختي ميرال
انا ولادي بين 2 يعانيو من المشكل تصدقي وليدي حتي نحيتلو ليكوش باش برا و الحمد لله كان يلحق و ين الدم يسيل و الطبيب قالي جلده حساس و ما يبراش حتى يكبر لكن اعطالي مسكنات
شوفي اغسليلها بصابون طرف (صابون حجرة تع الحوايج)امبعد ديريلها دوا لحمر كيما قالت ندى و كي تنشف ديريلها بوماد فنازول ماكاش كيفها و اللهى مجربة و لاباس طهور لها باذن الله و اسال الله ان يجعلها من الصالحات و الله يحفظهالك

ايمان2009 · 2015-06-23, 10:00

ربي يشفيها وبالصحة السنينات تاع الجوهر انا ثاني ننصحك بالدواء الاحمر وفنازول هدا بيماه داويت وليدي

*ام بثينة* · 2015-06-23, 10:35

الاخوات كفاو و وفاو و نزيدلك تجربتي

انا في بناتي كنشوف لحمورية نغسللهم بصابون حجرة او صابون مارساي و نشفلهم المنطقة بالمنشفة و نخليهم يتهووا ينشفو مليح مليح و ندير مرهم اسمو dermocuivre ولكن هاذو الايام مكانش في الصيدليات و الصيدلي اقترح البديل مرهم oxyplastine ندهنلها بيه و هو يدير شغل طبقة عازلة بيضاء و نستعلو مرتين في اليوم و ندير الحفاضة و نغيرلهم الخفاضات دوريا يعني متخليش طول بالحفاظة و بين تبديلة وتبديلة نحليهم شي ساعة بدون خفاضات
و ربي يجيب الشفاء

ميرال النوي · 2015-06-23, 22:02

ششششششششكرا اخواتي بارك الله فيكن راح ناخذ بنصائحكم استفدت كثيرا ربي يحفظنا اولادنا

سماح 88 · 2015-06-25, 14:37

زيت المائده المقلى فيه البطاطا مرة واحدة وتزديه النشاء

ريحانة24 · 2015-06-26, 13:22

شوفي اختي لازم تنحيلها الحفاض باه تتهوي مليح وباه ينفعها العلاج