من يعاني نفس المشكلة

hind-algerie · 2015-08-30, 18:51

مرحبأ اريد ان اسأ ل الاعضاء من يعاني نفس مشكلتي ماعمباليش اذا غير باه نصبر روحي المهم مشكلتي انو اليوم العشية قلت بقات سمانة على القراية هات نجبد نراجع شويا الدوال و النهايات................. مع انو مستوايا مش ممتاز و مش ضعيف معدلي في المادة 15.75 ومالا كي جبدت لقيت روحي ناسية كل شيء حتى مجموعة التعريف نضت نبكي و مالقيت ماندير حسيت تاع الصح انو مخي تبلوكا alors est ce que c est normal???
و ثاني ضرككا كيفاه الحل طاحلي المورال و ملي كنت نطمح لل16 ضركا اني نتمنى في 14 راني خايفة و قلقانة تاع الصح عاونوني

العاتري12 · 2015-08-30, 19:03

اولا السلام عليكم اريد ان اقول لك سمي الانسان لكثرة النسيان الناس كامل تنسى حاولي انك تعاودي ترجعي شوية للكراس والا تشوفي تمرين كيفاه يتحل على خاطر نحنا كامل جاتنا العطلة الصيفية ومطليناش على الكراريس وباذن الله راح تتفكري وتعرفي كيفاه تلقاي مجموعة التعريف وما تخافيش وخلي المعدل اللي تطمحي ليه دائما في ذاكرتك وتوكلي على الله واعزمي انك قادرة على تحقيقه يعني اذا قلتي 16 يعني 16 مش 14 رغم كل الصعاب كوني شجاعة وقوية وباذن الله راح يكون معدلك 16 فما فوق اجتهدي ثم اجتهدي وموفقة باذن الله

♥ليزا البريئة♥ · 2015-08-30, 19:10

اختي حبيبتي صاحبة الموضوع انصحك بالغامل الاول في التفوق نعم هناك سر يا اختي
استصغر الباك فالعظام في عين العظيم صغائر
اسجدي و بللي سجادتكي دمعا و ربي سترتاح ستستوعب الكثير في وقت قليل
ستشعر بالراحة نعم انه الله فوالله يا اختي من خلال ملاحظاتي جميع المتفوقين الدين تحصلو
على معدلات ال 18 كان عاملهم الاول الله الله الله و عدم مفارقته ارجوكي يا اختي لا تقطعي صلتك بالله
و ادعوه يستجب لكم اولم يقل و ادا سالك عبادي عني فاني قريب اجيب دعوة الداع ادا دعاني فليستجيبو لي و ليؤمنو بي لعلهم يرشدون
و الله ولي التوفيق اختاه

طفرة ㋡ · 2015-08-30, 21:07

السلام عليكم ورحمة الله تعالى وبركاته
نعم اختاه
لقد اعطتك الاخت ♥ليزا البريئة♥ الاجابة الوافية
كان الله معك
تقبلي مروري

*نسيم الفجر* · 2015-08-30, 21:16

انا كي دخلت عام الباكالوريا النهايات و نسيت عليهم هههه ... و العام طوييل يكفيييك ما تخافيييش خلااص .. بالتوفيق

loui za · 2015-08-30, 21:23

عادي جداااا
انا اختك جيت نجبد نسيت كيفاه مالفة نكتب x
متتقلقيش برك
بشزية درك تتفكري كلشي انشاء الله
و خلي سقف طموحاتك ديما عالي
و كما يقال اعمل اكثر من الجميع و اعرف اكثر من الجميع و توقع اقل من الجميع ,,,, مقولة في النجاح
ان شاء الله تنالي المعدل الذي تطمحين اليه و لا داعي للتوتر
بعد الباك ترجعي لموضوعك هدا و تضحكي على روحك
بالتوفيق

هاجر** · 2015-08-30, 21:45

اختي كاين ناس مزال شهرين للباك مش فاهمين حاااااجة مي بالاجتهاد والصبر يقراو كلللللللللشي
ونتي طاحلك المورال وحنا في عطلة الصيف
الفصل الأول كااااامل رايحة تجيبيه دوال يعني مام مقريتيش فالدار ومراجعتيش
تالمو الأستاذ والتلاميذ والأسئلة غير على الدوال رايحة تتفكري كلللللشي باذن الله
وصدقيني في يومين تراجعي برنامج الرياضيات للعامين السابقين بشرررررررط الثقة في النفس وانعدام الخوف

اطردي الاوهام من رأسك العام طوييييييييل اجتهدي خلاله ةتنالين مرادك ان شاء الله