الشاااي من مطبخي

almazalina22 · 2015-04-08, 17:51

:dj_1

بسم الله الرحمن الرحيم

الشاي الصحراوي

حبيباتي اللي طلبو وصفة التاي او الشاي عذرا على التاخر لكن حبيت نمدو بالصور ان شاء الله تجربوه وتدعولي دعوة خير وماشي تدعو عليا خخخخخخخخخخخ

طريقة التحضير
نحط حوالي 1لتر ونص ماء يغلي ونحط في صفاية 3م ك شاي وكي يغلي نشللو بشوية ماء عادي كيما تعرفو ونرجع التاي في الكسرونة مع الماء الباقي وهنا يكون السر الاول اللي هو لالالالالازم النار قليلة انا عندي فور من فوق فيه ريزيستونس نحطو من فوق او نقصي النار وطبعا في الصحرا يحطوه فوق الفحم احسن منهم المهم خليوه مدة ساعة او اقل شوية ومن بعد صفيه على كاس سكر ونص في كسرونة اخرى ثم نقصي شوية خليه على النار + نعناع يابس يطلق وزيد يبقى سخون وهذا السر الثاني ونروحو لزوج كاسرونات ونفرغ من وحدة لاخرى حتى يولو الرغاوي ورايحين تلاحظو من اول مرة تولي الرغوة كثيفة انا كي شفت المرا كيفاش تخدم كي تبقى الرغوة في الكسرونة تحطها بالمغرف في الكاس فارغ وكي تكمل تخلط مع الساخن وتفرغ بصح حنا نحطو الابريق ونسربو المهم كي تلاحظي الرغوة كثيفة لدرجة ماتتناحاش بلخف حطي في الابريق ورقات حبق ماشي نعناع وهذا هو السر لبنة الشاي الصحراوي ثم فرغي الشاي نتاعك وصفيه من النعناع وكي تجي تشربي حطي المانت mentheراني صورت القارورة فرغي ثم رجعيه للبريق ومع نعناع طازج اوراق وعاودي سربيه وطلعي يدك ورايح يكون احلى شاااااااي تشربوه

الصور توضح اكثر كاين صور راحولي

لاااازم ينقص وكل ما يكون عاقد رايح يجي بنين

[I

انا كنت درت النعناع كامل اللي عندي يبس بقاو ورقات برك ذبالوا انتوما زينوه بورق فريش

وهذا الكوكاو نحمصو نعطيكم الطريقة ممكن كاين اللي ما يعرفوهاش

نحط الكوكاو ونبللو بشوية فقط ماء يعني نرشو برك ونذرذر الملح ونخلط ونحطو فوق الجوغنال الجريدة والى الفرن حتى يتجمر وبالصحة

وردة الشمس · 2015-04-08, 18:14

المازة امممممممممممممممممممممممممممممم التاي مع الكوكاو يسخف طريقتك فالكوكاو نفس طريقة ماما ويجي روعة شكرررا لك

rossa20 · 2015-04-08, 18:21

مممممممممممممممممممممممممممممممم رائع

ام احمدي · 2015-04-08, 18:36

روووووووووووووووووعة حنونة ميرسيييييييييييييي
حنونة مفهمتش هادي مليح ههههههه
ثم فرغي الشاي نتاعك وصفيه من النعناع وكي تجي تشربي حطي المانت mentheراني صورت القارورة فرغي ثم رجعيه للبريق ومع نعناع طازج اوراق وعاودي سربيه وطلعي يدك ورايح يكون احلى شاااااااي تشربوه

almazalina22 · 2015-04-08, 18:45

اسفة بصح النت هبلتني وهذ الصورة هربت خخخخخخخخخخخخخخخخ

ياك قسمناه على زوج واحد خليه على النار مع النعناع يابس باش كي تجي تسربي خلطيه لانو رايح يبرد اللي في زوج كاسرونات هوما اللي تفرغي من وحدة لوحدة كيما نتردو الحليب وكي تحطيه في الابريق يكون شوية نعناع طازج ماشي يابس في الابريق يزيد في النكهة ان شاء الله فهمتيني وشكرا على المرور

وردة والاخت شكرا على مروركن