زواج العازبة من

[مشكلتي]

السلام عليكم
حابة نستشيركم في موضوع وياريت تنصحوني كأني اختكم
انا عمري 24سنة زينة وخدامة ولاباس عليا
خطبني واحد 34سنة اخلاق عالية محبوب كامل يشكرو فيه كيما نقولو بعرضه واحبابه
على العموم ناس ملاح
لكن
مطلق بولد
عنده بيبي 5اشهر
اصلا تزوج 6اشهر وطلق
مرتو طلقها بالحمل وبعد ماولدت وكملت 3اشهر طلقها في المحكمة
المهم
سبب الطلاق على حد قوله وقول بزاف ناس يعرفوه سبب منطقي وعنده الحق لكن العلم عند الله ماسمعتش من مرته

المهم دوكا
راني حايرة وتالفتلي
انصحوووني
خايفة نوافق ونندم
وخايفة نرفض ونندم

[rose de sable s]

لا مشكله في زواج من مطلق ا ارمل
ممكن تكونو متفهمين وسبب طلاق مقنع
لان بعد طلاق رجل يقول ان مراءة هي سبب و يذكر عيوبها و عكس ايضا
استخيري الله

[NIGHTINGALE]

أختي الكريمة إذا كانت لديك شكوك في المبررات التي أدت به إلى الطلاق فاسعي إلى قطع الشك باليقين
اسألي عن طليقته في المحيط الذي تُعرف فيه وتحري عن أخبارها ثم اتخذي قرارك وفق المعطيات التي تكونين متأكدة من صحّتها
موفقة بإذن الله

[ام عبد الله01]

استخيري اختي ماخاب من استخار و عليك بالسؤال على الزوجة كيما قالو الاخوات

ربي يرزقك الزوج الصالح

["" عماد الدين ""]

السلام عليكم
لا توجد مشكلة في الزواج من مطلق.لكن عليك ان تبحثي عن اسباب الطلاق في الزواج الاول
وان يكون يكون زواجك عن قناعة و رضى تام
ربي يرزقك بالزوج الصالح
في الاخير انصحك اختي بصلاة الاستخارة

[oumhana]

أختي سقسي وسالي مليح مشي حتي تطفر و بلاك المرا راهي في دارهم نافسه وبرك. ردي بالك الناس خداعةومبقاش لمان ونتي صغيره متخليش العاطفة تتغلب عليك.

[*أم جابر*]

اختي لا مشكلة ا ستخيري الله و لا يهم كلام الناس كي يهدرو يهدرو سمانة شهر عام و يسكتو ربما هذا يهنيك افضل من العازب
قال الرسول صلى الله عليه و سلم "اذا اتاكم من ترضون دينه و خلقهه فزوجوه الا تفعلوا تكن فتنة في الارض و فساد كبير "اكرر استخيري و اسالس الله الراي الصواب موفقة اختي

[الماسة النادرة]

سقسي من جانب مرتو الشرع يسمع من زوج وزيد الي يطلق في ستة اشهر عندو سبب وجيه حوسي عليه مليح

[ام مريم الجزائرية]

مافيها والو بما انك قلت مليح اخلاقا ومربي
اختي صغيرة متزوجة من مطلق وعنده ولد والحمد لله مهنيين

[aymen hadj]

هو يسترك وانت تسترينه

[زينوبة 45]

السلام عليكم اختي مافيها والو سقسي مليح على الراجل و عايلته و المرأة لازم تعرفي من الطرفين لأنو كل طرف يحسب روحو هو الصح
انا تزوجت في سن ال25 من راجل مطلق مي كنت في مكتب محامات و عارفة القضية نتاعه و علاش طلق و الحمد لله راها عندنا بنية و ماخاصنا حتى شي
استخييييييييييييييييري ماخاب من استخار
بالتوفيق

[imane mon]

issetakhiri akheti wede3i rabi ila fi kheri rabi yetememelek 3ela khire

[medou medou]

الهم ارزقها الزوج الصالح

[غير هام]

السلام عليكم

مشي مشكل مطلق المهم يكون ولد حلال

[الفاتحة]

السؤال المطروح هل توجد مشكلة في الزواج من مطلقة أو أرملة ,,.تخيلي نفسك مطلقة أو أرملة هل سيقبل بك هذا الشاب وهو أعزب؟؟؟ فكري جيدا في سؤالي ثم قرري ..