مدولِِِــي رآيكم

[شيماء البشارية]

السلام عليكم خياتي وآش رآكم؟؟ ان شاء الله بخير وربي يدوم هناكم ان شاء الله
المهم هادي اول خطْْرة ندير موضوع فقسم الطبخ وهي مقبلة ممكن تعتبروها اقتصادية وهي ""عجيجات البطاطا""
السر نتاعهاا هو la Pirée وي لابيري :v علابالي ضحكوا مي انا نقولكم ديك نهار درنا لابيري مع اللحم مطحون مي ماكليناهاش كلينا غير شويا برك بقات فالفريجيدار واحد ماداها فيهاا شفتني مسكينة حقروها هههههههه
الوغ جاتني فكرة
حكمتهاا هياا كيما راها زدتلهاا بيضة وحدة وشوية لاشابلير راكم تعرفو لابيري فيها لحليب وتفتح فالزيت لوكان تكون جارية مازدت ني ملح ني والو كل شي راه فالحم ولابيري ولا حبيتو زيدي الفرماج مي كيما قتلك اقتصادية وبنينة سي بالابان تزيديلهاا حاجة وحدوخراا
جوزتهاا فالفرينة ومبعد البيض ومبعد لاشابلير وقليتهم حتى تحمروا مليح راني غي ماشية جاية على الكوزينة نخون هخخخخههه صدقوني جات خفيفة ومقرمشة وبنينة مع بنة اللحم وتقرميش تاع لاشابلير الله الله
ان شاء الله تجربوهاا واسمحولي مادرتلكمش فوطو تشوفوها بسك ماعنديش الوقت خليت الحفيظة والقراية وقعد نطيب والله نموت على الطياب
تقبلوا موضوعي وادعوا معايا فالباك نجيبه ونفرح والديااا

[fleur de lili]

rabi iynajhak wa tfarhi waldik amine
ana tani 3andi wlidi 3andou bac rabi farahna

[idron0]

جزاك الله خيرا

[sheherazed]

Merci hbiba

Srtt f ramadan hada ma ylik

[imy 26]

جزاك الله خيرا

[صدفات]

ربي ينجحك في الإمتحان و ماعليش كي ريحتي دماغك من الحفاظة بعمل يدوي هذا الشيء يخليك تسترخي و ترجعي للقراية بقلب صحيح

[Nedjemet al bahr]

Tebane hayla ya3tik saha wrabi ynajhek wtefrehi wtefarhi waldik inchaa allah

[bouchra tlemçania]

شكرااااااااااااااااااااااااااااااااااااااااااااااا ااااااااااااا

[شمس بريكة]

ربي ينجحك وتفرحينا كامل يا الفحلة ومن عندي ناجحة باذن الله

[*أم حفصة*]

شكرا باينة بنينة

[racha.gue]

مشكووووووورة بارك الله فيك

[sara nissa]

بارك الله فيك

[melissa lola]

يعطيك الصحة وربي ينجحك

[maram.espoir]

يعطيك الصحة يالفحلة درتي repo و اخترعتي حاجة جديدة
ربي ينجحك

[أثيلة]

جزاااااااااااااااااااااااااك الله خير و ربي ينجحك و ينجحنا جميعا