***كيكة النمر رووووعة من مطبخيييييي***

[biba04]

كيكة النمر
مقادير
5بيض بحرارة الغرفة+1كاس سكر+1كاس زيت
2كاس فرينة نقصو منها 4م ك ونعوضها
2م ك نشاء+2م ك كاكاو اسود 2علب بتي سويس
1م ك معجون مشمش
رشة ملح +فاني+2خميرة


ملاحظة
1 لازم تجهزو جميع المقادير وادوات الاستعمال وندهن البلاطو ونرشو بالفرينة
2 نشغل الفرن 180°
ونبداو تحضير الكيك


اولا نفصلو الصفار عن البياض
وهادي فكرة لفصل البيض



نخفقو البياض مع 1م ك سكر ورشة ملح
حتى يصبح ثلج ونخلوه على جنب


2 نخفقو الصفار جيدا مع السكر والفاني مبعد نضيف الزيت ونواصل الخفق
بعدها نزيد بتي سويس ونخلط
نضيف الفرينة المنخولة مع الخميرة على 3مراحل
مرحلة 2 نضيف المعجون مع الخلط برفق
باش ماتهبطش العجينة ونكمل الفرينة لي بقات
تجي شوية ثقيلة ومبعد نزيد بياض لي خفقناه
على 4 مرات ونخلط بالملعقة برفق





نقسم العجينة بتساوي على 2


نضف النشاء والكاكاو ونخلط برفق راني نقول
برفق ونخلط بنفس الاتجاه
انا حطيتهم في اكياس عادية



ونشكل في المول كمية صغيرة من البيض
فوقو اسود وهاكذا حتى نكملو الكمية



ندخلوها الفرن لي سخنها 180° نخلوها 40د
ونشعلو من فوق
ممكن المدة تكون اقل حسب الفرن نتاعكم




قدميها مع القهوة او حليب ممممممم









ان شاء الله تنال اعجابكم
في امان الله