تطبيقي ل les ambassadeurs بنكهة القهوة و الشوكولا.

[فينوسيتا]

السلام عليكم
اليوم طبقت les ambassadeurs بنكهة القهوة و الشوكولا بطريقة سهلة و عملية
حضرت جنواز :2 بيض.2 ملاعق سكر.2 ملاعق كاكاو.ملعقة كبيرة فرينة.نص باكي خمارة كيماوية.
ضربت البيض و السكر حتى تضاعف ثم الكاكاو و الخميرة و الفرينة

هنا بعد ما طابت


قطعتها مربعات

غطستهم في نسكافي مذابة في الماء و محلاة بالسكر..سمحولي راحولي بعض الصور .

المهم.الشانتيي طلعتها مع قليل جدا من الماء البارد و ضفت عليها شوكولا نوار مذابة مع قليل من الزبدة.خلطتهم مليح و خليتهم يبردو حتى تتماسك


المونتاج ما صورتوش.قطع جنواز مغمسة في نسكافي.ثم طبقة موس شوكولا .قطع فراولة .على مرتين.و من الفوق حطيت حبة فراولة غمستها في شوكولا بيضاء و خطوط شوكولا سوداء