محاولة سرقتي من موظف بريد الجزائر -القصة الكاملة-

[dzdoctors.com]

السلام عليكم ورجمة الله نعالى وبركاته
لقد كرهنا من سياسة الجزائر ومسؤوليها كلش عوج مايخليوك تعيش و ما يخيليوك تموت لازم تقعد zombie
حبيت نكتب تجربتي وهذه اول مرة تحدث لي لكي يستفيد الجميع ويتفطن لكي لا تحدث له هذه المشكلة

منذ شهر اشتريت مجموعة البسة من aliexpress وكان الشحن في وقت قياسي 3 ساعات بعد الدفع
اليوم 04/05/2015 ذهبت لبريد الجزائر على الساعة 15:30 بدون اشعار وصول (لان اشعار الوصول لم يصلني بالاضافة الى ان لاتصلني اي ورقة اخرى مع العلم اني اسكن في قلب مدينة قالمة ) فوجدت طردين
الاول وصل يوم 29/04/2015
والثاني وصل يوم 02/05/2015

قلت للموظف ( ي . م ) هل وصلني اي طرد . قالي عدك اثنين
قلتلو اعطيني
قالي عندك ضريبة تخزين على الطردين
قلت لم تصلني اية اشعار بالوصول لذا لا توجد ضريبة

قالي ماعندي ماراح نديرلك روح اشكي
قلت معليش اعطيني الطردين وقداه الضريبة ؟

قالي الضريبة 100 دينار لكل يوم ( عشرة الاف ) بمبلغ 600 دينار للطردين معا .

قلتلو متبعتوش وتزيدوا غرامة 600 دينار

قالي تخلس درك ولا نرجع الطرد منين جاء

قلتلو اعطيني القانون لي يقول هكا .
جبدلي كتاب مكتوب بالفرنسية وقالى اك تقرا
لما قرات وجدت ان السعر لتوصيل الطرد الى المنزل مهما كان الحجم 100 دينار
وان سعر ضرييبة التخزين هي 20 دينار لليوم الواحد

هو كان حاب بلي الواحد ميعرفش يقرا ولا ميفهمش وحاب يسرقني باسم القانون
لما قتلو بلي ب 20 دينار اليوم
قالي انت تعلب في روحك فايق تدفع 600 دينار نمدلك متدفعش والله ماتديه وراح يصلي العصر سبحان الله
المهم انو حاب يسرق 600 دينار ويحطها في جيبو
ناهيك عن التكلم بعصبية وخشونة والصراخ من قبل هذا الموظف

لحد الان لم ادفع وانا بانتظار يوم غد لاذهب واشتكي وارى ما سيفعلون

المهم ما يجب على الكل معرفته
وقت انتظار الطرد لدي البريد قبل ارساله للمرسل من جديد 30 يوم
تكلفة التخزين تبدا من اليوم الموالي لارسال الاشعار بالوصول واذا لم يصلك الاشعار ليست عليك ضريبة
تكلفة الشحن مباشرة الى المنزل 100 دينار مهما كان الحجم

لذا انا واحد من الناس نعود نهبلهم نعود طول نطلب الشحن للمنزل مباشرة

وكل واحد تسرالو مشكل متسكتش على حقك وروح اشكي
وزيد ارواح واكتب هنا خلي الناس تقرا وتسمع
الواحد في البلاد هدي يتسرق بالقانون
وساوفيكم بالجديد غدا

اليوم 05/05/2015
كتبت شكوى وذهب الى مدير بريد الجزائر الولائي لقالمة
وانا داخل للمديرية وجدت نائب المدير . دخلت انا والنائب لقينا بالصدفة ايضا السارق ي م يبحث عن نائب المدير . علابالي عجب
مي المهم كي شافني صفار وراحتلو الهدرة ويمهمه و يرطب قالي روح ادي الطردين تاعك ومتخلصش اني غلط قدام النائب . المهم مقيمتوش خلاه في بالو انا خايف منو وهمي الوحيد الطردين

مديت الشكوى وقالولي درك نفتحوا تحقيق عليه ونرجعولك في اقرب الاجال . كالعادة الجزائر والبيروقراطية قتلوني بالمهني قالولي او سراق من قبل ونحوسوا عليها وبلا بلا بلا

جبت الطردين تاعي
بعد ساعتين الخبر المؤلم رن هاتفي واحد من المقربين جدا للادارة (وضعت هاتفي في الشكوى ) وبسرية تامة قالي الموضوع تاعك راحو متفتحش اصلا والورقة تاعك اي في المزبلة وغطاو لحكاية
ااااااااااااااااااه تبــــــا شكوبيســـــــــــــــــــــــــــتان

المهم مانش طالقوا وغدوة انشاء الله نروح للمدير الجهوي في عنابة ونشوف معاه لكان مدار والو نزيد نطلع للفوق

[akrabaddz]

سلام خوية
حنا في مركز العلمة
ما يسلكوش حق التخزين خوية
+ نخلصو 30 دج ضريبة فقط خوية

ما عندك مادير معاهم خوية
راك في بلاد ميكي
اذا ما عندكش المعرفة دك يهبلوك هومة الله غالب

[dzdoctors.com]

المشاركة الأصلية كتبت بواسطة akrabaddz

سلام خوية
حنا في مركز العلمة
ما يسلكوش حق التخزين خوية
+ نخلصو 30 دج ضريبة فقط خوية

ما عندك مادير معاهم خوية
راك في بلاد ميكي
اذا ما عندكش المعرفة دك يهبلوك هومة الله غالب

لا خويا مكانش ضريبة خلاص
الضريبة الوحيدة هي التخزين والتخزين 20 دينار
حاب الناس تفهم وش راهي تخلص
لازم تستقي وتعرف وش تخلص مش يجيك واحد حمار يسرقك

[ThePro7]

يا إلهي ما هذا التخلف !!

الله يعطيك الصبر خويا على هذ النوع من الناس

[dzdoctors.com]

المشاركة الأصلية كتبت بواسطة thepro7

يا إلهي ما هذا التخلف !!

الله يعطيك الصبر خويا على هذ النوع من الناس

امين
كرهنا

[الصديق قروف]

ربي ينصرك اخي
اذا كان لديك دليل احسن
انه طلب منك مبلغ زائد
هكا بلاك يطرد ويصبح عبرة

[MuslimRider]

يعني هنا ينطبق القول - تسوgير ديموقراطي -
سرقة عيني عينك باسم القانون.. للاسف اصبحنا نجد ناس مثل هاذوا في اغلب الادارات
وينما تروح " يجرجروك تقول شي ضوضانة و حياة " .. قبل قليل فقط كنت نتحدث مع صديقي على هذا المشكل حيث اصبح كل من " يعتقد " انه يملك سلطة و لو مسؤولية صغيرة ينتهج شتى طرق الفساد. و ان لم يسرقك يعمل جاهدا على تضييع مصالحك فقط حسدا و غيرة..
على كل الله يصلح احوال البلاد و العباد و بالتوفيق اخي لاسترجاع طرودك ‼

[dzdoctors.com]

المشاركة الأصلية كتبت بواسطة muslimrider

يعني هنا ينطبق القول - تسوgير ديموقراطي -
سرقة عيني عينك باسم القانون.. للاسف اصبحنا نجد ناس مثل هاذوا في اغلب الادارات
وينما تروح " يجرجروك تقول شي ضوضانة و حياة " .. قبل قليل فقط كنت نتحدث مع صديقي على هذا المشكل حيث اصبح كل من " يعتقد " انه يملك سلطة و لو مسؤولية صغيرة ينتهج شتى طرق الفساد. و ان لم يسرقك يعمل جاهدا على تضييع مصالحك فقط حسدا و غيرة..
على كل الله يصلح احوال البلاد و العباد و بالتوفيق اخي لاسترجاع طرودك ‼

انشاء الله تعدي على خير

[" رَائِد المًسْتَقْبَـــل "]

يعني كون مديتلو 600 الف كون راه داها
و معلابالوش بلي دراهم لحرام
ربي يهيديه

[خالد الجبلي]

ما قصة دفع ضريبة التخزين ؟
و لا مرة دفعت دينار أو طلبوا مني الدفع في البريد مع أن الطرود تبقى غالبا أكثر من ثلاثة أيام في مخزنهم

[tah306]

اعلمنا بما يستجد معك اخى وعمري ما سلكت ضريبة ولا هم يحزنون

[هشام_525]

أخي انا شخصيا شريت مرتين من النت و رغم ان احدى السلع ضربت اكثر من اسبوع عندهم لكن لم ادفع اي سنت

أظن البريد الذي استقبل فيه لا يرسلون له الكثير من السلع و لذلك لا يضعون ضريبة

على العموم هذا الانسان المتعجرف حب يسرقك كان عليك اخذ رجال الشرطة اليه مباشرة و قل له ان يكرر الكلام الذي قاله لك سترى ردة فعله

[Barera07]

عندنا حنا لا ضريبة لا والو

[dzdoctors.com]

وضعت جديد اليوم في الموضوع

[هشام_525]

نستعرف بيك أخي هكذا يجب التعامل مع هؤلاء حتى يكونو عبرة لمن يعتبر
حتى لو لم يتم معاقبة السارق لكنه لن يتجرأ مستقبلا على سرقة الناس باسم القانون