نصيحة لخاوتي لحاسبين رواحهم منسيين

ma-vie · 2015-05-08, 18:12

السلام وعليكم ورحمة لله تعالى وبركاته ..حبيت نتطرق لموضوع المنسيين لي ماوصلهم حتا استدعاء للخدمة الوطنية او غيرو . كاين في اغلب الحالات لي حبو يشوفو الوضعية انتاعهم ويسووها مع يروحو لمركز الخدمة الوطنية لناحية العسكرية انتاعهم يصيبو رواحهم بلي راهم عاصيين و يحكموهم ويدوهم لمركز العبور على اساس عصاة بعد مايشارعو فالمحكمة العسكرية بدون علم اهلهم لانو تنزع الهواتف انتاعهم ...مالا نصيحة من خوكم احسن شي لي مايبعثولوش غير يروح ليهم مع نهاية دراستو باه يفوت الخدمة الوطنية احسن مايرفدوه وهو عاصي

taha18 · 2015-05-08, 19:40

السلام عليكم خويا انا منسي ماوصلني والو وحبست لقراية ف2013 وشحال من خطرة يحكموني في براج ويشوفو يلقاوني مانيش روشارش
المشكل ضرك لوكان ندير ملف طبي يقبلوه ولا لالا .درت عملية جراحية على يدي في المرفق عندها 10 سنين ؟

youcefball · 2015-05-08, 19:45

أنا كذلك حبست لقراية ف2013 وشحال من خطرة يحكموني في براج و ما يلقاو والو
عييت عييت و جبتها متطوع في ماي ان شاء الله نروح

ma-vie · 2015-05-08, 20:10

حلها انو خاوتي تجملو اي ملفات طيبة ولا كفالة وتروحو لمراكز الخدمة الوطنية التابعة لولايتكم باه تسوو وضعياتكم هك باه تتهناو من الهم هادا

abdou 87 · 2015-05-08, 21:16

السلام عليكم صح خويا كلام صواب تصيب روحك تدور تدور وماتدير والو ديما واقفتلك فالطريق واحد يتكل على ربي ولي فيها الخير ربي يقدمها