انواع الكناين

[happy luck butterfly]

في رايكم من هي الافضل الكنة الواعرة ( اللي ما تشكتش على حقها وترد الهدرة)

او

الكنة الساكتة ( الي ما تتحركش يا لوكان يمسحو بيها البلاط)
[

[*باسم*]

طبعا الواعرة ولكن طريقة رد الحق تكون ذكية ليست بالهدرة المباشرة يعني لتحت تحت

[مواطنة جزائرية]

الكنة اللي متسكتش على حقها اذا مظلومة و باحترام و بلا ما تزعف الباقي

[happy luck butterfly]

يعني العاقل في وقتنا كلاه بوبي

[حبيبة زوجها]

انا شفت النوعين ولا واحد فيهم مليح مكانش قد الانسان الرزين لي يفرض شخصيته بلا قباحة ولا سكات

[كتابي انيسي]

السلام عليكم
و الله ما ينفع غير الصح الكنة الاصيلة المتربية هي التي تحترم ناس دارها ومن وراء ذلك حب زوجها-تضحية و احترام -
ما كنة واعرة -داخلة المحكمة -
و لا عاقلة -جايحة -ما تحيي ماتقتل

[happy luck butterfly]

حنا زوج كناين والثالثة في الطريق ربي يستر
انا بحكم بعيدة عليهم ما ندخل مانخرج نروح ضيفة والله غير مايخرج من فمي حتى هدرة زايدة ولا ناقصة
سلافي عاطيتهم كارهم والشايب والعجوز كذلك لكن في المقابل والو غير الخزي
الثانية عايشة معاهم ما تفوتلهم والو حتى السبان تسب بصح لقيتهم يخافو منها

هل هذا عدل ولا المعايير تبدلت

[كاميلا]

شوفي نقولك نصيحة راني ماشية بيها
في جميع الاحوال طحتي في عجوزة قبيحة او عاقلة وعموما في الاغلب العجوزة القبيحة هي اللي مازالت بصحتها اما اللي مريضة فهي في حكم كي مادارت والو مريضة وساعفي راهي قاعدة في الفراش اما ذات التي تمشي على اثنين تجي ليك تنسيك في حليب يماك هههههههههههههههه
شوفي على العموم احفظي الاحترام متحكيش اسرارك ليها ولبناتها ولولادها ياختي ميهمش يعرفوا كل شيء احكي معاهم في العموميات اخبار سياسة الخ
متحكيش اسرار داركم يعني دار والديك بالاكي
متحكيش خلاص خوذي الامور من قاصرها فكي عليك الهرج وسروكات تاع الهدرة انا ماشية هكدا مقدروش يطيحوني في الافخاخ والله العظيم دارولي 100 الف فخ باش يليكيديوني والله على ما اقول شهيد
كي تشتكي من ولدها خليها تهدر متحاميش عليه ياكلوا بعضاهم
حطي في بالك انت ديري الواجب واجبدي روحك زياراتك خففيها لو كنت ساكنة معاهم هاد الشي تفرضيه في الاشهر الاولى انا فرضتوا نوعا ما زوجي فهم وهي مازال شوية مفهمتش عندي داري تحوسني كل يوم عندها علاش اسيدي ؟ زوجي اقتنع لاني حاكمة داري منروح لا لوالديا لا لحتى بلاصة اقتنع وحده يعني متقوليلوش منروحش بزاف لدار والديك وانت في نفس الوقت تباتي في دار والديك ههههههههههههه
كي يلوحوا السم اضحكي جربيها وعاونيهم في الحكاية اللي جايين يركبوها عليك اقسم بالله ركبت مضاد ضدهم وليت نضحك بصح بعد منتخيلهم كوميكات ههههههههه

[mrmilano1984]

لول مراة دكية جدا جدا عقلية مانحلبش والمخ يخدم طبعا المراة معروفة بدكائها الشديد

[الجليس الصلح]

الكنة المتربية والمتدينةوالمحبة لزوجها افضل مما ذكرت
فالزواج ليس حربا وانما تعايش في سلام مع الزوج ومع من حوله
فعلينا ان نفهم محيط الزوج قبل الزوج ونتعلم من امهاتنا ما يجب فعله

[staifia]

سلام
هناك فرق بين كنة فحلة ومتربية وواعرة و بين كنة ساكتة تحمل الذل
لازم تكون متربية و تعرفها قدرها وقدر اهل الزوج و الزوج. اما لي تحمل الذل ربي سبحانه مايبغيهش
شكرا