حب المظاهر

[مشكلتي]

السلام عليكم و رحمة الله

حبيت تنصحوني لانو مشكلتي مقلقتني و فقدت طعم كل شيئ مشكلتي في خطيبي و عيلتو عمري خمسة و عشرين و خطبتي الحمد لله كانت تقليدية ربي


بعثلي


انسان صالح متفاهمين بزاااف والديه ربي يرحمهم عندو اخواتاتو كامل ناس ملاح لكن فيهم مشكل مقلقني بزاااااااااااااااااااااااااف و هو المظاهر يحبو يبانو بين


الناس عايشين للناس راجلي رجع يقولي ما تشريش انا نشريلك خطراش انا نحب غي الحطة بالرغم من انو امكانياتي مليحة و قادرة نشري واش نحب لكن الله


غالب ربي خلقني بسيطة و دارنا رباوني عل البساطة و التواضع ما نقدرش نتبدل و ساعات يقولولي تقول جا من الريف انا تربيت بلي الناس كامل كيف


كيف و زيد ربي قالك الفرق الوحيد بين الناس هو التقوى و حتى واحد اختار وين يزيد و كامل عباد ربي علاش هاذ الحقرة و زيد امر واحد اخر هو انو



تربيت على الحرمة و الدين و خروجي من الدار


لضرورة فقط مانيش نخرج ندور بلا سبة نبانلهم وحدة مقعدة و يقولولي مليح التطور و حتى راجلي معاهم اتخيلو حتى المسجد قالولي نورمالمو اكي


تروحي لصلاة الجمعة يا سبحان الله بديت نكره حياتي


بسبتهم و خلاوني ساعات نندم انو قبلت بعيلة هكذا


قولولي ربي يخليكم المشكل فيا و لا فيهم

[Algam]

أختي عمرك ولا تلقي انسان كيما راكي حابة 100% أنظري الى ما هو أهم مع أن عقلية مثل هذه حتما ترهق الواحد

وفي نظري من هو مظهرجي ويحب أن يراه الناس دائما الأمثل فهذا الانسان لديه عقدة النقص ويحاول تغطيتها بمظاهر زائفة من هو مقتنع بنفسه لا يهمه آراء الناس وكيف يرونه

[Seif La Fiesta]

حاولي ترجعيه انتي كيفك متواضع بسيط بالرغم من الإمكانيات المادية الوفيرة،، حاولي انك انتي تفهميه معنى التواضع وربي يسهللكم

[عين الصقر]

يا إما هذه عائلة من طبقة راقية وامثالهم كثيرون في المجتمع ومايحبوش اللي يتكلم عليهم أو عائلة حاسبين روحهم وعندهم نقص ويحبو يبينو رواحهم.
كما يقول المثل الشعبي : كول ما يعجبك والبس ما يعجب الناس
مادام أهل زوجك متوفيين الله يرحمهم. بعد الزواج تستطيعين التأثير عيه ان شاء الله
انت أسألي نفسك هل أنت سعيدة بهذه الخطبة ومقتنعة بخطيبك وأخلاقه ودينه وهل ترين أنها مشروع زواج ناجح.
بقية الأمور مجرد كماليات تستطيعين تغييرها بالمداومة
الا اذا سيفو عليك وحملوك فوق طاقتك ماديا ومعنويا هذا أمر آخر

[imi02i]

السلام عليكم ورحمة الله ...
في رأيي هذا ليس سببا كبيرا في أنك تندمين على خطبتك ... دعيه يشتري لك ما يريده ... لأنك لا تستطيعين أن تعرفي النوايا الحقيقية
يكفي أن تبقي متواضعة في نفسك ... ثم إن استطعت أن تؤثري على زوجك بعد الزواج فهذا أمر جميل حقا ...
أحد قريباتي كانت كذلك مثلك ... بالرغم من إمكانيات زوجها البسيطة إلا أنه وأهله يحبون التعالي والتفاخر أمام الناس لدرجة أنه رفض أن تقيم العرس في البيت أو في قاعة أعراس متواضعة ... وأقامت عرسها في قاعة فاخرة جدا ... كان ثمن كراءها يستطيع أن يؤمن لها أشياء أنفع وأهم ...
أنظري فيه ما يعجبك وانظري إلى إيجابياته بما أنك قلت إنه إنسان صالح ولا مشكلة بينكما...

[NIGHTINGALE]

أختي الكريمة
لا تنجرفي مع من يدعوك إلى الظهور والتباهي
فليس ذلك من ديننا ولا من الأخلاق الكريمة
بل هو من الكبر والتعالي وهي أمور كما تعلمين تبعد عن الله سبحانه وتعالى

فإن حدث و وجدت في نفسك ضعفا ولم تقدري على مواجهة خطيبك بالخصوص ثم أخواته
فعليك بشخص يقوم عنك بذلك تكون لديه حنكة وقدرة على التأثير كوالدك أو أخوك أوخالك ...
يعمل على إقناعه بأن الطريق الذي يسير فيه شره أكثر من خيره

واعلمي أنه ليس من الحكمة أن يواجه الواحد الجماعة
حتى وإن كان على حق وكانوا على باطل
فعليك بأهلك اجعليهم سندا لك وعونا على نصرة الحق
وإن شاء الله يصلح الله أحوال زوجك وأهلك
ويكون لك الأجر أن كنت السبب في ذلك

[غير هام]

السلام عليكم
حتى حاجة ما جي كاملة اذا هادي هي الدنيا المهم راجلك يكون مهتم بدينه بيك وكي قالك نشريلك وافقي ما راكي خاسرة والو وتحسيهش راكي مقلقة من هاد الموضوع لانو

يولي يقارن بينك وبينه واذا حاجة راها ميرونجياتك ومشي قادرة تسكتي عليها كلميه عليها بالنقاش والحوار مشي بالمدابزة

[naamane3]

المشكلة فيك اذا سمعتي كلامهم
ومساعدتي لك تكون بان تحاجيهم
بكياب الله وسنة رسوله

[anoossam]

اختي الله يكون في عونك
عائلة مثل هذي تعيش بالمضاهر عندهم عقدة نقص اسمحيلي نقلك رح تعاني معاهم بعد الزواج
ننصحك تكون عندك شخصية قوية وتفاهمي مع خطيبك قبل الزواج على حدود حمراء لا يتجاوزها لا هو ولا اهله
افرضي شخصيتك عليهم وصدقيني ناس من هذا النوع ردي بالك تتواضعي ليهم على العكس

[aminazy]

السلام عليكم
اختي حساب كلامك الله يكون في العون.........هذي حياتك في المستقبل خمي فيها مليح .....وانتي تعرفي جواب

[النجمة القطبية]

يا اختى هل خطيبك منعك من الحجاب او اجبرك على العمل والخروج او اخلاقه غير جيدة او غيرها من امور ان كان كذلك فمن حقك الغضب
هل يهتم بالمظاهر وسط غير المحارم من الرجال مثلا
اما ان كان خطيبك ينتمنى الى عائلة تهتم بالذوق والاتكيت كما يقال في كل شئ ويحب مرتو تلبس الاحسن والافضل لكن وسط النساء فلا ادرى ما الذي يغضبك مدام قادر على توفير ذلك فمن حقه عليك ان يراك في احسن صورة مهما كان متطلب او مهمتم بالمظاهر من وجهة نظرك
عش لدنياك كانك تعيش ابدااا وعش لاخرتك كانك تموت غداا
كونى انتى له الصورة الحسنة والواجهة المشرفة في البيت حافظي على هندامك وهندامه ورتبي بيتك واحسني طبخك واهتمي بتصرفاتك وكلامك وعلى ماذا قد يحاسبك غير ذلك
ان ارادك انيقة وراقية محافظة على رشاقتك وجمالك فاتكنى كذلك مالذي يقلقك
ربما ستشعرين من بعض القلق من ان لا تكونى في المستوى هذا امر وارد وربما البداية ستكون صعبة لكن العلم ياتي بالتعلم
الشئ الوحيد المهم ان تحافظي على حجابك الكامل امام غير المحارم ام غير ذلك فلا ارى عيبا في ان تكونى في كامل اناقتك امام محارمه من النساء فتشرفي زوجك وعائلته مدام الخير موجود
الله جميل يحب الجمال فان كان زوجك يحب الجمال في بيته فلا عيب المهم ان يكون صاحب حق يعطي لكل شئ حقه يعطي للنفس حقها ويرضي ربه
اتمنى لك كل التوفيق

[محمد جديدي التبسي]

ناس كيما هاذو يتعبو الله يكون في عونك
حسب كلامك هاذو الناس فيهم كبر ويهتموا كثيرا بنظرة الناس إليهم
لذلك راجعي نفسك وصارحي هذا الرجل وأهله بقناعاتك وبدل أن يؤثروا عليك أثري عليهم وفهميهم أن التواضع شيء جميل ومطلوب فكلنا من تراب وإلى تراب وكما قال قائل: الإنسان أوّله نطفة مذرة وآخره جيفة قذرة وهو بين ذلك يحمل العذرة...أكرمكم الله... فلم التكبر ورفع الأنف؟!!
ربي يفتح عليك...

[ابتسام smile &hope]

وين راهو المشكل كي قالك روحي للمسجد باش تسمعي خطبة الجمعة
وزيد قالك انا نشريلك باش تلبسي كيما يحب ويشوفك شابة ووحدة ماتعمرلو عينو من غيرك شوفي ياختي الرجال راهم يشوفو لبسة تبهدل فالزنقة +فالتليفيزيون مالا راجلك حب يشريلك الحاجة اللي تعجبو وهذا من حقو
وثاني بالاك حب ينقص عليك مصاريف الجهاز
المشكل راهو فييييييييييييييييييييييييييييييك

[mimily]

اختي ربي يعينك و المشكل ماهوش فيك لان التكبر ذنب ربي تكلم على ذرة من كبر و للاسف كاين بزاف من هاد الناس حاولي تفهميه هو بالعقل قولو ذوقي هك و لكن ماتتمادايش مرات خليه يخيرلك حوايج غير بالعقل برك و انشاء الله تتحل

[معتزة باسلامي]

ماكانش كيما البساطة