لطلبت منها ارطفونيست دير فحص سمع لوليدها تدخل

[ام محمد امير]

سلام ديت وليدي عند ارطوفنيست وطلبت مني نديرلو فحص سمع شكت فيه مايسمعش مليح بالصح انا عندي فالدار كي نعيطلو ولا يسمع التيلفون يصوني يجيبولي كي قتلها قاتلي هذوك حوايج تعود عليهم الحاجة لراهي مخوفتني قاتلي لازم تديه صايم لخطرة يخدروه شكون فيكم صراتلها تعيشو ماتبخلوش عليا

[saraz09]

اختي انا طلبت مني الارطوفنيست نفحص السمع تع بنتي بصح ديرتلها فحص عادي عند orl وكاين لي تمدلهم يديرو تخطيط سمع باش يحددو نسبة السمع لكن هادوك اللي ما يستجابوش خلاص. بنك لو كان مايسمعش خلاص ماراحش يتوله للبورطابل. من رأيي زيدي شوفي اورطوفونيست اخرى وما تقوليلها والو على الفحص الاول. انا بنتي كي درتلها تخطيط الدماغ مديتلها سيرو تاع الرقاد خاطرش مالازمهاش تتحرك ولا تبكي. وانشاء الله تلقاي عضوة دارت هاد الفحص وتفيدك اكثر. ربي يجيب اللي فيه الخير

[ام نهوله]

انا ما صراتليش اختي برك حبيت ننصحك تشوفي طبيب اخر ثم قرري

[ام ياسمين10]

اختى انا تانى ديت وليدى عند orlوقالى ولدك راه صغير (كان فى عمره عامين)وقالى تحبى تتاكدى وديرلو تخطيط السمع بصح انا صبرت ومديتوش لانى انا كنت متاكدة بلى يسمع .كان باباه يحط المفتاح فى الباب نتاع برا يسمعو ويروح يجرى ليه .وبعد ثلاث سنوات ديتو عند الاورتوفونيست وتبعت عندو 4اشهر والحمد لله راه يتكلم مليح

[ام محمد امير]

المشاركة الأصلية كتبت بواسطة ام ياسمين10

اختى انا تانى ديت وليدى عند orlوقالى ولدك راه صغير (كان فى عمره عامين)وقالى تحبى تتاكدى وديرلو تخطيط السمع بصح انا صبرت ومديتوش لانى انا كنت متاكدة بلى يسمع .كان باباه يحط المفتاح فى الباب نتاع برا يسمعو ويروح يجرى ليه .وبعد ثلاث سنوات ديتو عند الاورتوفونيست وتبعت عندو 4اشهر والحمد لله راه يتكلم مليح

بالصح انا قاتلي اذا مادرتيلوش فحص السمع مكالاه جيبيهلي وانا راني متاكدة بالي يسمع

[oum radja]

السلام عليكم
انا تاني طلبو مني ندير pea لولدي وكي ديته للطبيب قالي جيبيه صايم يعني لازم ماياكل والو لمدة 7ساعات حتى الما مايشربهش
ولانيستيزي ماتخافيش منها يديروله ماسك تاع بخار برك يعني بمجرد مايفيق يروح مفعولها ماعندها حتى تأثير
انا ولدي نوضته على 6 تاع الصباح عطيته يفطر وشرب الما وديناه والرونديفو كان على 3 تاع العشية المهم مدة التخذير مع الفحص ماتفوتش ساعة ويفيق بالصح لازم تكوني موجداله عصير وحاجة ياكلها على خاطر كي يفيق يبكي مايسكتش
من رايي روحي l'orl هو يعطيك رونديفو ويفهمك
حنا درناه في وهران عند كلينيك بن منصور ب مليون ونص
وبغيت نقولك اني انا تاني كنت متأكدة بلي ولدي يسمع بالصح كي يدخلولك الشك لازم تنحيه
ودرك انا بقالي مشكل لورتوفونيست مالقيتش لي عنده خبرة يقدر يفيدني لقيت غير مبتدئات