سلام عليكم ،
أريد طرح هذا الموضوع و مناقشته مع الأعضاء لأني لاحظت أن الكثير من التلاميذ مؤخرًا صارو يبحثو عن طريقة نافعة للحفظ أو المراجعة ، و صارو يستعينو بجماعة الامتيازات لي جازو الباك السنوات لي فاتو ...
يا جماعة احذرو الخطأ ، كل شخص لديه قدراته و كل شخص تناسبه طريقة معينة للدراسة و المراجعة لا داعي ان يتبع جميع التلاميذ منهاج واحد و إلا كان الجميع سيتحصل على امتيازات في البكالوريا ، كل واحد يدير واش يساعدو ، كاين لي يفهم الرياضيات و الفيزيا من أول نظرة و يبقا عندو الوقت باش يحفظ و يراجع فلسفة و تاريخ ، بينما كاين ناس ما تفهمش بسرعة لازمها تعاود المواد الأساسية و تركز عليها و اذا اهملها و اهتم بالمواد الأدبية و هو لم يضمن بعد علامة 14 في المواد الأساسية اعتقد سيعود عليه الأمر سلبا ،و لهذا كثير من الأساتذة يقولولنا ان التلميذ يقدر يعرف نفسو اذا رح ينجح ولى لا من خلال مستواه في المواد الأساسية خاصة .
أنا اتكلم عن تجربة شخصية لأنو كاين ناس بزاف نصحوني ندرس 30 دقيقة في اليوم فقط ، بهذي الطريقة قدرو يجيبو 17 و 18 في الباك ، جربت الطريقة في الثلاثي الأول و لقيت نفسي ناقصني بزاف فهم ،و متخرجش عليا العقلية هذي ...
لي مزال ما فهمنيش يجرب يدير بحث صغير ، اذا كان الامتياز يعتمد على المنهجية الواحدة ، أكثر من الاعتماد على اهتمام الشخص بنفسه و معرفته لقدراته ، كان من المفروض أن كل من سيحصل على امتياز فإخوته و أخواته كامل رح يكونو ممتازين كذلك ، لأن أي شخص سيعطي سر نجاحه لعائلته قبل أن ينصحك به
ربي ينجحكم و استعينوا بانفسكم اكثر ، وكل واحد يفهم طريقة عمل عقله و لا يحتاج لشخص ثاني يجي يفسرلو و بدل ما تضيع وقتك تنتظر الناس ينصحوك ، حاول تتذكر مسيرة 11 او 12 سنة من عمرك في الدراسة ، رح تعرف واش لي كان يناسبك و واش لي كان يخذلك
( تقرير عن مشاركة سيئة )، و الموجودة أسفل كل مشاركة .
2015-04-24, 11:41
كيف تنجح في البكالوريا ؟
العرض العادي
