العجينة المورقة ...اسهل طريقة من مطبخي^_^

*أم ثازيري* · 2013-07-18, 12:47

السلام عليكم

المقادير
1كغ فرينة
500غ مارغرين صالحة للتوريق باردة قطعيها شرائح و خليها *تولي بحرارة الغرفة*
1 ملعقة صغيرة ملح
ماء بارد جدا
كاس تاي نتاع زيت

كيفية التحضير

غربلي الفرينة

اضيفي الزيت و حكي جيدا ثم غربلي في الغربال باه ننخلصي من التكتلان

اضيفي الماء بالشوية مالازمش تكون طرية لخاطر كي تكون طرية بزااف متورقش

اعجني ملييييح حتان تسمعيها تطرطق

حليها شكل مستطيل
لازم يكون مستطيل مسقم ماشب معوج ...ادا تعوج اعدلي الجوانب بالحلال
اعملي بصبعك طريق وهمي في الوسط و على الجوانب

رايحة تتحصلي على حدود

قطعي الزبدة شرائح وحطيها داخل الحدود

طبقي و اغلقي مليح على الجوانب

اخبطي بالحلال و قلبيها وزيدي اخبطي

حليها غير بالشوية ماتلضيش و حافظي على شكل المستطيل

طبقي الجوانب الى الوسط و خلي شوية فراغ بيناتهم

ثم طبقيهم فوق بعضاهم
شوفو الشوارب نتاع العجينة راهم في الجهة اليمنى
دوري العجينة و خلي الشوارب يقابلوك لاززززززززززززززم

اعملي بصبعك *شلطة*باه تعرفي بلي راكي طبقتيها مرة

نغطيها و نخليها ترتاح حوالي 10او 15د

و نكرر العملية نحل و نطبق ونتاكد بلي الزبدة ما خرجتش و الشوارب نتاع العجينة يكونو مقابلينا

و نعمل 2 شلطات

و نكرر العملية نحل و نطبق و نعمل 3 شلطات

زنكرر العملية و نعمل 4 شلطات
وفي كل مرة نغطيها و نخليها تستراح
ادا عملتيها في الصيف حطيها ترتاح في الفريجيدار ماشي الكونجيلاتور بلاكووووووو

العملية الاحيرة نحلها و لكن نطبقها بشكل مختلف
نطبقها على 2

ونقسم العجينة باه نحيو واش نحتاجو و الباقي نخبيوه في الكونجيلاتور

كي تقسمي تقدري تشوفي التوريق

اتولهو مليييييييييييييييييييح
شوفو الطبقات معناها صلحت

وهنا جربت طرف صغير

حشيتهم و دهنهم و لحتهم يطيبو

شوفو كيفاش تنفخوووووو
حليت عليهم الكويزينيار و صورتهم
ماتخافوش مايهبطوش
امممممممممممممممم

جربوها و هلى ضمانتي لكن بشرط تبعو الطريفة كيما راهي
شهية طيبة

نسيم الإيمان · 2013-07-18, 13:01

يعطيك الصحة اختي باتيلا
صحة رمضانك

oum ibrahim · 2013-07-18, 13:15

يعطيك الصحة باتي تشبه نوعا ما لطريقتي

أم ماجد · 2013-07-18, 13:17

ايه ده ؟ ايه الجمال ده ؟
ايه الفحولة دي
نستعرف بيك لكن نفس مقاديري لكن انا حنينة مانضربهاش بزاف
في ميزان حسناتك وربي يشفيك
5نجومممممممممممممممممممممممم
حرارة الزبدة لازم تكون حرارة الغرفة

fati21 · 2013-07-18, 13:17

الله يبارك يبانو هايلين جاتني طريقتك اسهل
ان شاء الله نجربه ونردلك لخبر
بصح قوليلي السنيوة انت بماه تدهنيها

ميار صهيب · 2013-07-18, 13:18

الف شكر صحة رمضانك

faizarbh · 2013-07-18, 13:19

ما شاء الله يعطيك الصحة عزيزتي باتيلا و أحلى تقييم لعيون و نقولك حاجة تعبك ما يروحش خسارة اليوم ان شاء الله نجربها و نردلك الخبر

أم شيماءْ · 2013-07-18, 13:23

444444444444444 يعطيك الصحة تستاهلي 10نجوم

SAMAH SAMAH · 2013-07-18, 13:24

جزاك الله خيـر
بارك الله في جهودك
وأسال الله لك التوفيق دائما
وأن يجمعنا على الود والإخاء والمحبة
وأن يثبت الله أجرك
ونفعا الله وإياك بما تقدمه

oum radja · 2013-07-18, 13:26

يعطيك الصحة خرجتلك مليحة

*أم ثازيري* · 2013-07-18, 13:29

اقتباس:

المشاركة الأصلية كتبت بواسطة fati21

الله يبارك يبانو هايلين جاتني طريقتك اسهل
ان شاء الله نجربه ونردلك لخبر
بصح قوليلي السنيوة انت بماه تدهنيها

فاتي اختي ماتدهنيها ماوالو
تغسليها و نشفيها برك
وادا كانت السنيوة نتاعك تلصق فرشي الالمنيوم
و ماتنحيهمش حتان يبردو مررررررررررررررررررررره

nour inasse · 2013-07-18, 13:29

راني ندير في نتاع فلة دركا حطيتها ترتاح المرة الجاية نجرب نتاعك ساهلة تاني ةعجبتني تنفخت روووووعة

*أم ثازيري* · 2013-07-18, 13:31

اقتباس:

المشاركة الأصلية كتبت بواسطة أم ماجد

ايه ده ؟ ايه الجمال ده ؟
ايه الفحولة دي

نستعرف بيك لكن نفس مقاديري لكن انا حنينة مانضربهاش بزاف

في ميزان حسناتك وربي يشفيك
5نجومممممممممممممممممممممممم
حرارة الزبدة لازم تكون حرارة الغرفة

ام ماجد شكرا
الزبدة لازم باردة و تقطعيها و تبداي تخدمي عجينتك بينلما هي تطرا
كون تكون حرارة الغرفة تتليز في اليد
شوفي انا نحيتها من الفريجيدر بديت نقطع فيها دابت في يدي و تعبزت
ان شاؤ الله تكوني اقتنعتي ؟؟؟؟؟؟؟؟

nour inasse · 2013-07-18, 13:32

نقدر نستعملها اليوم ولا لازمها ترتاح

صفاء الرووح · 2013-07-18, 13:33

بارك الله فيكي جاتك هايلة