من حدث لها مثل....؟

[Basketteuse]

مساء الخير ،،،،،،حدث لي امر غريب جداااا ، استعملت الثوم المستورد من الصين لأول مرة ، رحيتوا عادي مع الطماطم في الصلصة ، ثم بعد ثواني تحول لونه الى الأخضر المزرق ، غريب جدااا !!!!!!! ومقزز ، بالرغم من إنوا مافيهش الرشيم يعني موش نابت
نزعتوا بسرعة ورآني خايفة كشما فيه سم او كاش مادة
رجاءا شكون لي حصلها مثل ما حصل معي ؟ واشكون لي تقدر تعطيني تفسير

[lamiak1]

ا ول مرة نسمع بيه بالصح عندك الحق كي نحتييه

[أم نيفين]

السلام عليكم .... نورمال اختي موالفة تصرى معايا بصح عادي ما يدير والو ... على ضمانتي

[tokio hotel]

حبيبتى عادى حتى انا صراتلى و انا ما عنديش ثقة فى المنتجات الصينية لكن الثوم بدات انتاعهم قالولى مليح و فيه فوائد و الله اعلم

[بريق الدجى]

الثوم تع الصين لي قشرته بيضاء لازم ترحيه مباشرة قبل الاسعمال لانه يتحول الى اخضر يعني يتاكسد
هو مش سام و ما يدير والو و لكن الاحتياط أفضل

[Basketteuse]

الحمد لله ماحكمنيش تسمم
شكرًا لكن جميعا ،، بخصوص اللي قاتلي لازم يترحى مباشرة قبل الاستعمال، انا هذا مافعلت يعني رحيتوا في نفس الوقت مع الطماطم واضفت زيت زيتون، قضية انو يتأكسد بسرعة ،معناها طبيعي اكثر من تاع البلاد؟

[أنا هي]

حياك الله اختي

يحدث هذا في الثوم الصيني فقط

وفي الحقيقة ليس لدي تفسير لذلك ,ربما يكون تأكسد مثلما اسلف الاخوات

لكن الاحتياط واجب من المنتجات الغذائية الصينية

انا لا استعمله ابدا ..

في وقت محصول الثوم اشتري كميات كبيرة واحتفظ بها إلى الموسم القادم

وإذا انتهت الكمية استعمل البصل فقط واستغنى عن الثوم ولا اشتري الثوم الصيني ابدا

[حـــــــــــــــــوِيتَة]

صراتلي ومازلت حية^_^

[Basketteuse]

المشاركة الأصلية كتبت بواسطة حـــــــــــــــــوِيتَة

صراتلي ومازلت حية^_^

هههههههههه الحمد لله على سلامتك ��

[أم درصاف]

عادي اختي حتى التوم نتاع بلادنا هكاك انا كي تكون عندي كمية كبيرة نرحيه مع الملح ونحطو في الكونججيلاتور وكي نجبدو يرجع بنفس اللون اللي تحكي عليه راه مجرد تاكسد والطعم عادي ماتخافيش