مشكلتي

[مشكلتي]

سلام عليكم

انا شاب جــــامعي سكنت جديد في حيينا كنت قد لاحظت فتاة في هذا الحي اعجبتني صراحة عدت منقدرش نفوت نهار ومنشوفهاش جاية من القراية لدارهم
بصح انا حشام وما لقيت حتى فرصة باه نهدرلها فكنت مكتفي بتتبعها بالنظرات فقط فديما راني في شارعهم ومقابل بابهم فأنا معتقد في نفسي اني مش اهل ليها لاني مش وسيم وثاني فقير فماكان الا اني كتبتلها رسالة طويلة وعمرتها شعر وكلمات وورود كنت نتاسف لاني مالقيت حتى طريقة نهدر معاها خطر انا معقد منعرفش نهدر مع البنات ديما كي نهدر مع طفلة في اي موضوع نقول راها تخزر في قشي او وجهي مليان اثار حب الشباب فاكيد هي تستنى في اللحظة الي نمشي ونخليها

المهم كملت رسالتي وقلت فيها واش كاين في قلبي وعصرت مخي وعاطفتي باه نكتبلها رسالة شاعرية ودرت معاها في كيس عطر وشوكولاطة ووردة من النوع الرخيص مش غالي قع وبعد نوضت طفلة جارتنا صغيرة ليها واعطيتلها الهدية والرسالة وتبعتها بعينيا حتى وصلت ليها وبعد جاتني تجري قاتلي راها قاتلك استنى يجي بابا راه مسافر ونقولهالو راك تزيد دور بيا منا وجاي راك تشوف لمخليتش بابا يقطعك راه جدارمي
طبعا كنت عارف ردها هو لالا بصح مكنتش متخيل يوصل لهذه الدرجة من التهديد ..... انا مدرتلها والو حتى النظرات كنت نحرص انها متشوفنيش وانا نشوف ليها
قلت للطفلة الصغيرة وراه الكيس قاتلي راه شداتو عندها
وبعد وحد الاريع ايام هاك وانا خايف لتقولها لباباها وكشما يديرلي مشاكل كتبتلها رسالة قتلها يرحم الي جابوك رجعيلي الهديةوالرسالة واجحديها على باباك راني طالب جامعي وزوالي ودارنا آملين في ربي نكمل قرايتي ونخدم عليهم انا راني منيش تع طوايش ومنيش شرير خليني الله يخليك راه اذا قلقوك نظراتي عهد الله لنزيد ندور في ساحتكم مالا زادت شدت هديك الورقة وقالت للطفلة روحي وما رجعتلي معاها لا كادو لا رسالة

هاني درك خايف اذا تنفذ وعيدها
هذه راها حقرة وش درت انا حتى تقولها لباباها يخي الشباب كامل يمكن يعاكسو فيها علاه شادتهالي انا برك

[حكيم المنتدى]

سلام الله عليكم
يظهرلي قريت هذه المشكلة من قبل في قسم آخر من المنتدى وتجاوبو معهاها الكثير من الأعضاء.
المهم
تبانلي راك غلطت من الأول، كان من المفروض ما تلعبش "باللنار" وتحط روحك في هذا الموقف "البايخ" ومع ذلك خلّيني نأكدلك أنها ما رايحة تدير والو ونشالله ما يسمع باباها ما يديرلك شي. الآن أنا ننصحك اخطيك من هذه الطريق واشغل روحك بقرايتك وعبادتك وما تخليش نفسك تغلب إلى حد أنك ترتكب مثل هذه الحماقات
على العموم المرة هذه جات سلامات من يدري كيف تكون المرات الجاية؟
نتمنالك من كل قلبي أنك توفق في قرايتك
ربي يسهّلك طريق السعادة

[زبدة ذايبة]

حسبت بنات الناس لعب

تبعت البراوات !!!!!!!!!!!!!!!!!!!!!!!!!!!!!!!!!!!

واش حبيت يكون ردها تعطيك رونديفو باش تشوفك في كاش مضرب

والمشكل راك ماشي فاهم المشكل وين

وهذا أخطر شيء


احنا مسلمين وعرب غير اللعب بالعرض مانسمحوش فيه

شوف إذا تقبل على اختك ولا يماك يبعتولها رسائل الحب والعشق وشوف باباك واش يدير

عندنا اللي يموت على عرضو شهيد

كي مازالك على قيد الحياة راك هاااااااااااااااااااااااايل وتكتبلك عمر جديد

[وجدان الخواطر~]

السلام عليكم
في بالك بنات ناس قاع كيف كيف؟
المهم ريح روحك ماراها رايحة تدير والو ان شاء الله
و اهتم بدراستك أحسن

[younes29]

ههههههههههه حتما ستمضي اياما جميلة في السيلونة هههههه على وقع انغام لابغا نبات في السيلونة ................
واش داك تخرب في بنت الناس حياتك كامل و انت عاقل كي كبرت قعرتها مع بنت جدارمي
المهم ندعيلك ان شاء الله ما تخبرش باباها سي نون السيلونة راهي تقارع فيك

[mouslemkhirouni]

لا حول و لا قوة إلا بالله سبحان الله

[بنت الرّحّل]

22 جمادى الثانية 1436 من الهجرة النبوية

وعليكم السلام ورحمة الله وبركاته
أنت متأثر بالرومانسية: الورود والشوكلاطة والشعر !
فرضا أن مشكلتك حقيقية وليست لتمرير الوقت ..يجب عليك قبل كل شيء أن تكون مدركا للحكم الشرعي لبعض تصرفاتك
أهمها (غض البصر )
ولعلك تعرف قوله تعالى : (( قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ ))

فالأولى أخي الكريم أن تغض بصرك عنها لا أن تتعمد رؤيتها بل وإيصال مشاعرك لها

ثم بالعقل ما الذي كنت تريد الوصول إليه بإرسالك الرسالة :
أن تقبل مودتك وتصيرا حبيبين ؟وتمشيا مع بعضكما البعض ؟
ما الفائدة من معرفتها لمشاعرك ؟
هذه الأمور محرمة شرعا وعقلا وعرفا
وأؤكد على هذا لأن القضية ليست بريئة كما تتخيلها القضية كبيرة جدا
قد تقول أليس من حقنا أن نعيش هذه المشاعر ؟ سأقول : بقدر معرفتك للهدف من وجودك بقدر ما يمكنك التحكم في هذه المشاعر

لن أطيل عليك : نصيحتي لك هي أن تبحث عن مرضاة الله وأن تكون متبصرا متعقلا ..فقبل أن تقدم عل شيء فكر مليا ما الشيء الذي ستجنيه منه؟
ولا شك أن الزواج في هذه السن وبمثل هذه الظروف صعب جدا فإن كنت لا تستطيع أن تأتي شيئا بالحلال فلا تأتيه بالحرام ولا تمشي في الطريق الذي تؤدي بك للوقوع في الحرام
ولا تصور لك نفسك أن الحب والعلاقات الموجودة في المجتمع بين الشباب والشابات الآن شيء يتطلبه الواقع بل هم يقعون فيما حرم الله ويجيبون داعي الشهوات فحسب
والواجب الصبر والتقوى

فعليك أن تخاف الله قبل أن تخاف من والدها الدركي !
إضافة إلى ذلك ارتكبت خطأ بالنسبة لي هو كبير جدا وهو جعل طفلة توصل الرسائل والفتاة خطؤها أفحش من خطئك إذ حمّلتها رسالة شفوية
التصرفات الطائشة مثل هذه لا يلقي أحد لها البال لكنها تعتبر من الأشياء التي تفسد أخلاق الأطفال وأذواقهم وتفتح أعينهم على أشياء قبل أوانها !

وأخيــــــرا أقول : عليك أن تقطع صلتك بها ولا ترسل أية رسائل لا للاعتذار ولا للأسف ولا للترجي ولا تنظر إليها واشغل نفسك عن هذه الأمور إلى أن ييسر الله لك الزواج
واعلم أن هذه المشاعر في الغالب غير ناضجة ولا مكتملة وهي مجرد عبث شباب ولعل بعد تقدمك في العمر - إن يسر الله لك حياة مستقيمة - ستدرك ذلك

وتبقي شيء ألفت انتباهك إليه وهو أن الإنسان ليس بشكله ولا بجماله ولا بغناه بل هو بأفعاله وأعماله
وهذا الميزان ليس معتبرا عند القوم اليوم لكنه ما زال قائما عليك مذ ولدت إلى أن تموت فتخيّر من الأعمال ما يسرك ولا يسوؤك !
وانظر أي الميزانين أولى بالتفكير فيه !
أتمنى لك التوفيق

[slimane88]

متخافش صاحبي ماعندها ما دير برك راهي تخوف فيك بصح استعقل و دير العقل و لها بقرايتك

[sarl02]

رجعتنا لزمن الحب العفيف ...زمن الرسائل وعبد الحليم وام كلثوم....بصح واش بيك خايف ؟؟يا اخي ما درت والو ...بهدلتنا خلي دار جدك عرفاتك بلي جايح ذرك...وبالنسبة لباباها جادارمي ولا اطير فالسماء ...لازم تتحدى العالم واتضحي هذا هو الحب عند بالك ساهلة ول؟؟.........عموما ما اديرش في بالك وما تديهاش فيها..وناكدلك ابعد فترة هي راح تبعثلك رسالة عذاب وعتاب .

[نسمات البحر]

ماتخاف ما والو بلاك عجباتها الرسالة تاعك والكادو ما تدري مانضنش تقولها يخي انت مادرت والو

[تـ,ـرتـ,ـيـ,ــل۰۪۫M۪۫۰]

أخي الكريم انا نقولك كيفاه تتعامل مع اباها اذا جآكـ ، لا تقلق ، ولا تتعصب ،

تكلم معه بهدوء ، اسألوا ، هل انت متأكد ؟ ، يكثر هدرى ، قولوا اسمحلنا والسلام عليكم ،

راه يدير معاك مشكل ، وصلها للدولة وراح يتسرح من وظيفتو اذا كاش ما دارلك ،

لا تخف ،

وهذه غلطة تعلم منها ،

اولا اخي الكريم انت زوالي وانا زوالي ، والحاجة هاذي ما نقدرولهاش ناس كيفك وكيفي ،

ادرس واجتهد وخليك من لبنات ، علبآلي صعيبة ، باسك حنا ولآد ، وربي خلقنا هكا ، جاهد نفسك ، غض بصرك اخي الكريم ،

وخمم ديما فيما يدوم وفيما يفنى ،

ربي يبآرك فيك ، اتهلى في قرآيتك خويا ،

quote=زبدة ذايبة;3993175038]حسبت بنات الناس لعب

تبعت البراوات !!!!!!!!!!!!!!!!!!!!!!!!!!!!!!!!!!!

واش حبيت يكون ردها تعطيك رونديفو باش تشوفك في كاش مضرب

والمشكل راك ماشي فاهم المشكل وين

وهذا أخطر شيء


احنا مسلمين وعرب غير اللعب بالعرض مانسمحوش فيه

شوف إذا تقبل على اختك ولا يماك يبعتولها رسائل الحب والعشق وشوف باباك واش يدير

عندنا اللي يموت على عرضو شهيد

كي مازالك على قيد الحياة راك هاااااااااااااااااااااااايل وتكتبلك عمر جديد[/quote]

انا لا احبذ الرد كثيرا ،

لكن لاحظت ردودك في هذا المنتدى ، عصبية وتهاجم برك ،

انتي لم تساعديه في شيئ ، وهو طلب التخفيف ، وربي قآل للرسول عليه صلاة والسلام ، لو كنت فضا غليظ القلب لانفضوا من حولك ،

شوية شوي ، الدنيا ضيقة وصعيبة على بزآف نآس ، ما تزيدوش في ضيقها ،

نحبو نكونوا مجتمع كامل واحنا غير نسمعو حاجة شاذة نهاجموها ومانشوفوش اسبابها ،

[أم شروفة]

هي مستحيل تخبر ابوها لانه راح يبطلها من الدراسة وتفتح الشك نتاع الاب نتاعها......لكن اللي محيرني هو علاش اخذت الهدية لماذا لم ترجعها ؟ارسل امك الى بيتهم لتخطبها .....إن كنت أراها مجرد نزوه مراهق لأن المستقبل مازال أمامك طويلا

[dalim13]

السلام علكم

الناس لي راهي تهاجم واش الفايدة منكم ؟؟ زعما هو خصو لي يفاوج عليه ولا لي يزيدلو ؟
خويا نقولك حاجة متعمرش راصك كامل . هدي كانت تجربة بسيطة ليك في هاد الدنيا .. المشكل البسيط لي درتو هو انك ابديت خوفك منها او من ابيها هكدا راح تتعامل معاك باحتقار كبير
وزيد للناس لي راهي غير تكريتيكي الحب والاعجاب شئ فوق طاقة الانسان .. والرسول صلى الله عليه وسلم قال .. ما رأيت للمتحابين خيرا من النكاح

[ماريـام]

راهي برك تهدد فيك مراحش تقول لباباها اكيد كونك مهني

انت ركز مع دراستك نقولو فرضا قبلت و منبعد ؟؟؟ راح تزوج بيها اكيد لا امالا مديرش اللوش لعمرك و اقرى منبعد فكر في الزواج مزالك صغير نصيحة

اذا تمنيت حاجة في قلبك ادعي ربي و خلي طريق لحرام من ترك شيئا لله عوضه الله خيرا منه

[كمال800]

انت علاه خايف ت بالمكتوب والله المستعانقول لببلها ونبعد هذيك تولي لنيتك هي الا بغتك حلال هي تقول لببلها ولا مبغتكش غير متخافش انت قستلها البالو هي ادر راسها ولا جاك بباها قلو اعمي انا نيتي الحلال هما ليخاف موش انت الا بغاوك ام اقللولك قدم ولا مبغاوش او اقولك ربي اجيب من جها اخري كل