أرجوكم ساعدوني ابنتي تعاني من النخامة les glaires

[asmanour19]

السلام عليكم ورحمة الله وبركاته ابنتي تبلغ من العمر ٨ أشهر تعاني منذ البارحة من النخامة les glaires(حاشاكم) و أريد أن تفيدوني بطرق طبيعية للتخلص منها أرجوكم لا تبخلوا علي بما تعرفونه فهذه ابنتي الوحيدة و ليس لدي خبرة في هذه الأمور، جازاكم الله خيرا.

[ome jade]

سلام اختي ميكون شر انشاء الله
شفيلها كشما عجوزة تنحيهملها ‘ كاين عجايز ينحيوهم بالاعشاب ويطرقهم الخاصة احسن من الطبيب
واذا ملقيتيش شوفي طبيب تع لكيني الي هي العلاج الطبيعي وهو ينحهملها لكن العجايز خير
اما وحدك منضنش تقدري تنحيهم

[سرور2]

السلام عليكم اختي اذا كنتي تقصدي (حشاك التخمة ) والصدر مخرخش اديها لطبيب ينحولها عدهم طريقة ولا الطبيب الخاس بالمساج ثاني راه يساعد انا ابني كان هكاك ونحهولو دارلو وحد الماسك في نيفو وفمو وبعدها بدى يخرجلو في الاوساخ والله غير ريح من نهارها مزدش رجعلو ربي يشفيها ان شاء الله


وكيما قالت الاخت حتى لعجايز يقدرو لانك انت مش رح تقدري وحدك

[مسك القعدة]

ختي شوفي كيفاش تديري تحبي طريقة الطبيب لهي
رقدي بنتك على جنب وبكفك ديريلها مساج في جنابها للأعلى فوق تريكو باه النخمة تطلع من بعد ديري السيرو l صالي في سورنغ وديرلها في فمها نص ونص الآخر إقسميه على مناخرها وديري أباسلونغ في حلقها وحركي ولا بإصبعك حتى تتقيا حشاك وكرري السيروم 3 لي سورنغ حتى 4

أما طريقة العجايز تحكمي البصل شرائح وتديري فيهم شوية قطراان وتجبدي بيهم من اللهى نتاعها وهاذي ‘ذا قدرتي باسكو تخافي البصل تروحلها الداخل
ربي يشفيها إن شاء الله

[ام مهدي05]

ربي يشافيها انشاء الله

[loji]

اشري mouch bebe وكل شئ يسهالك جهاز صغير بمبلغ رمزي ديرلها سيروم صالي في نيفها من بعد ديري طرف الجهاز في الجهة الاخرى من الانف وتجبدي يخرج كل شئ

[نسيبة2012]

اختي كيما قلتلك الخت مسك العقدة.... لازم الماساج............

[kikimnarim2]

ديريلها شميعات camphobiotic في الليل من بعد في الصباح ديري المساج تاع الاخت مسك العقدة ديريه بزيت الضرو دافئ وربي يجيب الشفاء

[*أم جابر*]

السلام عليكم ورحمة الله و بركاته اختي لاباس طهور لبنتك
كاين طريقة بهذ العشبة :الفراسيون الأبيض ,مريوت ,عشبة الكلاب,بالفرنسيةmarrube blanc "
والآسم العلمي: Marrubium vulgare L>>لكن والله ما نعرف كيفاش حاولي الاستفسار من عند لعجايز و الله يكون في العون

[منى84]

ننصحك ما تديهاش العجايز خاطر سمعت ولد مات وهي تنحي بريشة اديه طبيب تاع المساج خير

[*سيرين نور عيني *]

hanouna kayen sirop assmo PROSPAN

YDEWAB LES GLAIRES MAIS C MIEUX LOKAN TSSAKSSI TBIB

HAD SIROP IL EST FAIT A BASE DE PLANTES
C NATUREL W MLIH HAYAL
W TAN DIRILHA SEROME STERIMAR W NAHILHA B MMOUCHE NEZ
RABI YCHFIHA

[asmanour19]

بارك الله فيكم أخواتي . لقد أخذت ابنتي الى الطبيب و وصف لها الدواء و شفيت من النخامة و الحمدلله. لكن أرجو منكم أخواتي أن تدعوا اها بالشفاء لأنها تعاني من مشاكل صحية و لم يكتشف الأطباء سببها لحد الان شكرا.

[سيدة المنزل]

شككككككككككككككككككككرا لكن

[hichamcameraman]

ربي يشافيها انشاء الله

[mon mari]

اختي اديها لطبيب ينحيهملها منبعد دورك انتي العناية بها انا ابنتي عندها 7 اشهر او ماعندهاش قع هاذ المشاكل لخاطر طبيبة ديالها فاتلي قع مشاكل الاطفال من الحليب لانوا ما لازمش نتبعوا الكي تع العلبة لانو علميا اكتشفوا بانوا لازم الطفل يشرب الحليب على حساب الوزن انا بنتي توزن 7 كغ نعطيلها غير 90مل كل 3ساعات او فاتلي لوكان تعطيلها كيما العلبة 7 اشهر 180 مل هي تاخذ 90 مل لي تسحفهم و البافي هو اللي يمرض يدير التفيؤ ليقلار الانف مسدود .... انشاء الله تكونوا غهمتوني و الله طريفة هايلة