طورطة بسيطة , سهلة و اقتصادية

[hanane.1997]

السلام عليكم , أنا عضوة جديدة و هذا أول موضوع لي اللي هو طورطة سهلة و اقتصادية , اتمنى تعجبكم و تجربوها .

المقادير :
3 بيضات .
8ملاعق كبيرة سكر .
8ملاعق كبيرة زيت.
1 او 2 ملعقة كاكاو .
1 خميرة كيميائية .
و 8 ملاعق كبااااار فرينة (او اكثر على حساب حجم البيض .... الخ).

للتزيين :
علبة شكولا ( النوع كيما تحبوه كاين مينا ولا اومباسادور على حساب الذوق )

الطريقة :
نضرب البيض , نضيفلوا السكر و نخلط , و بعدها نحطوا الزيت و نخلط , و اخيرا نحطوا المواد الجافة (خميرة , كاكاو , فرينة ) مغربلين و نخلط مليح حتى نتحصل على سائل ثقيل شويا , نذهن صينية دائرية متوسطة الحجم بالزيت او الزبدة و نحط الخليط و نحطها في الفرن لمدة 15 الى 20 دقيقة .
من جهة اخرى نذوب الشكولا مع شوية حليب و شوية زبدة لإضافة اللمعان و لما نخرج الطورطة من الفرن نخليها تبرد ثم نحط عليها الشكولا و تقدم باهناء و العافية .




الصورة نحطها انشاء الله في القريب العاجل .