لحظات حرجة ...من عمر المطبخ

[ويناروز]

يقال ان المطبخ هو عالم المرأة
وانا أقول ان المطبخ هو حقل تجارب المرأة
فمنها الناجحة ومنها الفاشلة
نفرح كثيرا عندما ننجح في تطبيق وصفة معينة
ونحب سماع كلمات الاطراء من العائلة
ماذا عن التجارب الفاشلة التي شهدها مطبخك
هل سمعوا بها ام انك اخفيت كل أثار الجريمة الفاشلة من الوصفة
اخر تجربة ليا كانت في كواليس المشاركة في السفرة المميزة هنا المنتدى
شفت وصفة اسمها اسفنج السيليكون
اتبعت الوصفة لكن عندما ادخلتها
هبطت والمشكلة الوقت الي اعطوهولي احترمته
لما اخرجتها كانت شبه فحمة
الصراحة اخفيت اثار الجريمة
ولم يعلم بها احد سوى اختي مساعدتي في المطبخ
ولم يبق الا ايام قليلة جدا....حكمتني القنطة
وماعرفت كيف ندير .....لكن عودت الكرة وكانت ناجحة
وحطيت مشاركتي في المسابقة
لكن الله يعلم عدد التجارب الفاشلة المعلن عنها والمخفية
لكن الان راني ناجحة هههه
ماذا عنكم

[سجود نور الايمان]

السلام عليكم اختي يسرني ان اكون اول من ترد عليك
عندي تجااااااارب فاشلة لا تعد و لا تحصى قبل زواجي و افضعها هي كعكة جبت الوصفة من عند الجارة اسمها عش النحل و كان اخي صغيير هداك الوقت مسكيييين قعد يستنى حتى وجدت المصيييبة كانت عبارة عن كتلة متحجرة حتى العسل ماحبش يدخل لداخل الكعكة
اخي مسكين عياا معاها باش يقسمهااا والووووو
شافها حتى ابي و رجعت اضحوكة في البيت و لحد الان كي يجيني خويا يقولي تسكتي و لا نحكي لراجلك على عش النحل

شكراااا على الموضوع

[مريم الصابرة]

السلام عليكم اختي راحيل
اليوم نحب فنانات المطبخ يحكونا فشلهم ولو كن محترفات كم من مرة نخطئ في امر بسيط يروح كل شي
راح نحكيلك ديت تجربة نتاع البغرير وقلت اليوم نفرج امي لانو هي تحبو و بلا دليك لاني مريضة ما نقدرش المهم درتو وتبعت الوصفة
ويا ريتني صورتها لو الآن كل القنوات تحب دير معايا مقابلة
شوفي اول خبزة لصقت ما طارت قلت نورمال مريم كرطيها عادي قالونا الاولى دايما تروح
الثانية ما تثقبتش قلت زعفت على ختها الاولى
الثالثة ميلت المقلى خرجو اصابع شفت بغرير رجع كانو يد بخمس اصابع نعم بغريري انا بخمس اصابع دهشت واش هذا الفن او العفن اللي انا درتو
وبديت قلت بلا جدو اليوم يخرج بغرير او بغرور المهم نديرو
وبقيت وراها وهذي نرميها وهذي نخفيها ونقول جريمة إنتحار
واخيرا يا نيروزتي خرجلي البغرير وحسيت روحي مجاهدة مشات يدي فالمقلى وتعلمت نتحكم فيه ولما جات امي ولقاتو طارو عينيها من الفرحة قتلها في قلبي لو تشوفي الجثث اللي راني قاتلتها ومخبيتها الحمد لله نظل وحدي نقتل وندفن وعادي جدا
ومرتين نجرب بريوش وااااااااااااااااع راكي عارفة واش رجع كركاسة نتاع نوكيا 3310 وماكان لاه تجربي تذوقيه لانو ما يسماه حاجة صالحة للاكل وانما كادر نتاع صور
ههههههههه

[*سندوسة*]

السلام عليكم

اختي رحيل انا شفت فالنت وصفة نتاع بطاطا عش الطائر
هاهي الوصفة








كي درتها فزيت كلش تزربع هههه
وفقدت السيطرة عليها

[مريم الصابرة]

المشاركة الأصلية كتبت بواسطة سندوسة يسمين";3993149365][b][font="arial

السلام عليكم

اختي رحيل انا شفت فالنت وصفة نتاع بطاطا عش الطائر
هاهي الوصفة








كي درتها فزيت كلش تزربع هههه
وفقدت السيطرة عليها [/font][/b]

اختي هذي قرنونة او واش
تشبه للقرنون لما نحلولو قشور

[*سندوسة*]

المشاركة الأصلية كتبت بواسطة مريم الصابرة

اختي هذي قرنونة او واش
تشبه للقرنون لما نحلولو قشور

لالا هادي لباطاطا راهي على شكل لي تاغتولات
والخطوات راهي موضحة فالصور انا كي جيت نجربها لباطاطا مالصقتش مع بعضاها انتشرت فالزيت وكلش فسد

[مريم الصابرة]

المشاركة الأصلية كتبت بواسطة سندوسة يسمين";3993149457][b][font="arial

لالا هادي لباطاطا راهي على شكل لي تاغتولات
والخطوات راهي موضحة فالصور انا كي جيت نجربها لباطاطا مالصقتش مع بعضاها انتشرت فالزيت وكلش فسد [/font][/b]

السلام عليكم
هههههه معليش جربي المرة الجاية انا نبقى ورا الحاجة حتى نكملها

[*سندوسة*]

نحكيلك على ضحايا الفلفل حلو

بابا كان يشريلنا فالصيف بزاف وحنا الفلفل حلو نشووه فالفرن ونخلوه يبرد ونحوله لقشور ونقطعوه ونديروه فالكونجيلاتوغ

وانا كي نبقا نحيله فالقشرة نتاعه يجيني بزاف وكاين لي تكون معوجة ماتتشواش غاية ههه ايا كنت كل مرة نرمي وحدة هههه

[سجود نور الايمان]

المشاركة الأصلية كتبت بواسطة سندوسة يسمين";3993149487][b][font="arial

نحكيلك على ضحايا الفلفل حلو

بابا كان يشريلنا فالصيف بزاف وحنا الفلفل حلو نشووه فالفرن ونخلوه يبرد ونحوله لقشور ونقطعوه ونديروه فالكونجيلاتوغ

وانا كي نبقا نحيله فالقشرة نتاعه يجيني بزاف وكاين لي تكون معوجة ماتتشواش غاية ههه ايا كنت كل مرة نرمي وحدة هههه [/font][/b]

هههههه باينة من 2 كيلو تخرجي 2 حبات و الباقي كاااامل

[ibtihal18]

اهلين ...........كيف الحال ان شاء الله بخير
والله واش نحكيلك اختي ...........في دارنا يا ويلها اللي تجرب حاجة و تخفق فيها عندنا وحد الخاوة تندمي على النهار اللي جربتي فيه حاجة والله غير سدي ودنيك بالكيثمان و مشي
اما في بيت الزوجية جربت حوايج بزاف كاين اللي ينجحوا و كاين اللي يفشلو
من بين التجارب الفاشلة مرة جربت كسرة محشية و رحت حطيت فيها الخميرة ياخاوتي واش نقولك ولات مخدة و كيحطيتها فالطاجين تفتحت كامل و يا ويلي جا راجلي كيشافها فرح و قالي وش هذا الانجاز و المفاجئة لكني قلتلو في قلبي ذقها و مبعد عبرعلى الشعور ...............و المسكين كي ذاقها نحسو الريق خلصلو باش يبلعها لوكان ريزرفوار تاع القازوز و ما تفكهاش ..................و لكن لحسن حظي انو ما فشلنيش و قالي معليش راهي مليحة و علابالي المرة الجاية تجيبيها
لكن انا السبة ديما نلعبها فاهمة و نبدل شوية المقادير ........شوف الفهامة هههه
بارك الله فيك اختي

[أثر]

السلام عليكم ورحمة الله وبركااته
مرحبا اختي رااحيل
ضحكت حتى سالت دموعي
مآسي المطبخ.....لاتنتهي
اتدرين في حياتي لم يحرق لي الاكل
منذ مدة قصيرة......خليت الغداء على النار...ودخلت للمنتدى على اساس اني نخرج في ساع
موضوع يجيب موضووووووع...والغداء الله الله....ولّا.... فحمة
هههههههههه جامي ننسى هذاك اليوم......على زهري.....شريتلهم الغداء من برااا:d

[*سندوسة*]

لبنات نصيحة لي تجرب مثلا في حاجة نتاع لغدا ولا لعشا ديما دير حسابها وتوجد حاجة اخرى من قبل باش يلا فشلت التجربة تلقاو البديل خير من لي تتبهدلو

وخاصة لي عندهم لي مايحبش التجارب النووية فدار ههه

[ام آدم]

:لبنات ما نكدبش عليكم كي كنت مع عجوزتي ما نتجراش ونجرب حاجة ما درتهاش من قبلنخاف تفسد وتبقى سيرتي على كل لسان
حتى لي مالفة نديرهم ويتبحرولي كي تقعد قدامي
مي درك راني بداري وحدي جربت كل لي نفسي فيه واكيد التجارب الفاشلة تبقى في طي النسيان واحد ما سمع بيهم حتى المسيو اششششششششششششششش

[أم شروفة]

أنا صراتلي مواقف ....مرات نخبي لكن وين نخبي....................دار الشيخ عندك ما تسمعي والحادثة نتاع 3 دقائق نبقى نسمعها 3 أسابيع ......او حتى العمر كله ههههههههه مرة الرشتة وكانت من النوع الرقيق لو نقلكم غير نحطها تفور تلصق وتصبح مثل العجينة تبهدلت يومها وغير رميناها

[faithfulgirl]

أنا بصفتي الكبيرة فالدار كي ما تكونش ماما أنا نطيب و بابا و خويا فئران تجارب مرة درت المسفوف و نسيت الفول حتى خلاص الما فالقدرة ولا فيه ريحت الحريق كان راح الحال باش نطيب حاجة أخرى حطيتهلم و قلتلهم اللبن هادا فيه ذوق ماشي مليح مساكن كلاوه بالسيف..وكي تكون ماما عندي ما نسمع ولات تقولي عيشة مو الزبايل ماعنديش بزاف درت مايونيز بلا بيض و ماحبتش تطلع و أنا غير نزيد فالزيت مع اللحر رميتها