يقولك دايما كاين جديد في الجامعة

[magic_dream]

رانا داخلين على موسم جامعي جديد ومرحبا بالطلبة الجدد حتى رانا عارفين باللي النتائج نتاع البكالوريا تحشم هذا العام على بيها العدد نتاعهم قليل ....المهم الموضوع نتاعنا دايما علاقة الطالب بالادارة في الجامعة ويا هل ترى الطالب لما يدخل للجامعة راه عارف القانون الأساسي الداخلي نتاعها ؟ وعلاه كي تسكر عليه يروح للتنظيمات الطلابية اللي راها ردمت روحها بكثرة الخدمة محسوب التنظيمات هي اللي تعرف القانون الداخلي ( تعرف ويلها وطول ليلها ) ناس تلقاها عندها 10سنين في الجامعة ماهيش قادرة تفري أعوامها زعمه هي اللي تجيب حق الطالب المهم (دع الخلق للخالق) في بداية كل عام نلقاو مشكل تاع النقطة الاقصائية كل الطالب هو اللى يعاقب وعلاه الأستاذ كي يغلط ما يعاقبوهش ؟ والطالب كي يتغيب 3 حصص يقصى من المادة و الاستاذ الي ما يجيش عام كامل و كي يجي يجي يشنف؟علاس الاستاذ حاجة مقدسة(انسان جاب الماجستير تيو ) الادارة مكان مقدس الطالب ممنوع يقعد ثم عميد الكلية يوصي العساس مسكين دايما رابح العيب وزيد بزيادة داير نهارات خاصة بالاستقبال تقول راه عندوا صوالح اخري غير خدمة الطالب .....هذا قع ومن بعد يقولك انتم ماتقراوش..... اللي عندو حاجة يقول نعطيلو الديطاي....

[bedspencer]

والله غير عندك الحق شوف كاين زوج حوايج الجامعة والسبيطار ادعي ربي ما تدخلش ليهم

[bictak]

يا اخي فمع اختراماتي لك فانت لا تعرف شيئا
بخصوص ان هناك طالب قعد 10 سنين ومش طايق يطلع عامو هدي راه قاصدها باش يبقى اكثر باش يشد اكثر باش يعطولو رئيس المنظمة او ما شابه ++++ العام طالع لم يحبش هو لما يطلعش عامو في الجزائر انا جامي شفت واحد ما طلعش عامو في الجزائر

[sadex]

المشاركة الأصلية كتبت بواسطة bictak

يا اخي فمع اختراماتي لك فانت لا تعرف شيئا
بخصوص ان هناك طالب قعد 10 سنين ومش طايق يطلع عامو هدي راه قاصدها باش يبقى اكثر باش يشد اكثر باش يعطولو رئيس المنظمة او ما شابه ++++ العام طالع لم يحبش هو لما يطلعش عامو في الجزائر انا جامي شفت واحد ما طلعش عامو في الجزائر

نظن على بالي علامن راك تهدر هذا اذا كنت انت تقرا في الجلفة .بصح ماذا بينا ما نذكروش الأسماء باش ما نفضحوش المسكين

[chaalaloussama]

ميشي قاع الجامعات

[عبد الباسط]

السلام عليك اخي
إذا حسب رايك فالطالب هو الضحية
اريد ان أخبرك بان الدولة تسخر امكانيات ضخمة من اجل الطلبة من اكل نقل و ايواء و اغلبية الطلبة ترد الجميل بتكسير كل ما هو جميل
على سبيل المثال ان العام الماضي سكنت في اقامة جديدة كلفت الملايير هل تعرف ان الطلبة -المتوحشين-
كسروا مطعم الاقامة اكثر من 5 مرات لاتفه الاسباب - بدلنا الكوفريط اليايورت خير-
يا و الله و تخطينا الدولة غير واحد ما قدر يقرى
تكذب لكان صح عمرهم اكثر من 18+ مثقفين
على كل حال ربي يصلح لبلاد