5ايام مارقدتش عااااونوني

[blueflames]

سلااااام عليكن باين الميضوع من عنوانو راني 5ايام مرقدتش يوسف تبدل عاد يبات قااااعد ويحب يلعب وانا مانقدرش وفالنهار صباح كامل وهو راقد ولعشية ساعات برك لي يرقد درك 5ايام مارقدت لت ليل لا نهار ،

لبارح شرالي باباه قطرات تاع رقاد bebe do درتلو فالما ماحبش يشرب (مايحبش لبيبرو) وشفت مرت سلفي شربت لبنتها سيرو sommeil bebeونفعها رقدتلها ،راني نخمم نشربلو السيرو

واش رايكم زعما ماينضرش كي عاد عمرو 4 شهور

[blueflames]

نحط موضوع فالقسم هذا ونندم هنا كاين لي يقرعجو كتر ملي يعاونو اذا كاش مشرفة شافت موضوعي هذا نتمنى تحذفو

[ام ملاك.]

ماتتقلقيش حنونة انا ماشفتش موضوعك هذا وين
تاخذي ايي ماتمديلوش الدوا نتاع الرقاد حتان تستشيري الطبيب قادرة تكون مضرة ليع=ه وتندمي حياتك كاملة على هاذ التصرف
خليه وليدك بلعقل عليه ان شالله يتبدل
لانو راه يكبر ويتبدل عليه كل شي
اصبري واذا تقلقتي اديه للطبيب نتاع الاطفال وهو ينصحك ويقولك واش تديري
المهم ماتعاندي حتى واحدة واش تدير لولادها لانو احيانا النتائج ماتبانش درك تبان من بعد كي يكبرو
ان شالله نكون افدتك اختي وماتتقلقيش التربية واعرة بزاف الله لم يقل الجنة تحت اقدام الامهات عبثا
الله يكون بالعون

[ام محمد امير]

حالتك كي حالتي واش سوفريت مع وليدي هبلني والله يااختي تامني بالله مارقدتش منهار زاد وليدي فاليل يببات قاعد وفالنهار يرقد ساعة ساعتين وينوض انا قلت بلاك راه مريض كل سمانة نديه لطبيب ولا نتيجة بالصح مالنهار قفل خمسة شهور ولا الحمد الله يرقد كي العبد لكبير نمدلك نصيحة تاع مجرب جربتها بالصح حتى راحت صحتي المهم اول يوم فالنهار نوضيه على الساعة التاسعة ومتخاليهش يولي يرقد العي معاه لاشفتيه يبكي ديريلو تلفاز المهم حتى الساعة الواحدة مساءاا رقديه هي تعود الثلاثة وانتي نوضيه ماتزيدش تخليه يولي يرقد ماعليش يبكي مرة زوج يولي يوالف وانت تتهناي فاليل على الثامنة شربيلو تيزانا وسمها بيبي كالمون راهي تتباع عند صيدلي وعلى التاسعة ديريو حليب يرضع ديري جو هادئ فالغرفة ورقدي وليدك راه مايوالفش هذا ريتم واحد سمانة بالصح ماعليش تسوفري معاه سمانة خرمن تسوفري كول اليوم ،وتيزانا يا اختي كي تشوفي وليدك ولا يرقد حبسهالو. وان شاء الله تكون نتيجة وتتهناي وليدك هذا واعر وقليل نوم كما وليدي جربيها حنونة ورجعيلي لخبر.

[نسيبة2012]

يا اختي رانا كامل نباتو قاعدين مي واحد مايحس بيك انا شخصيا ولادي زوج يرقدو كل يوم على الوحدة تاع الليل والله ما نزيد على اختي ويعسوك غير كي ترقدي الصباح شوي ....................
المهم كثرت عليك اياك واياك تشربي لوليدك دوا تاع الرقاد لانو ياثر على اعصابو وديجا هو مازال صغير حتى على الاكل فما بالك دوا الرقاد ......ما تغلطيش الغلطة لي تندمي عليها طول عمرك ....جربيلو الكمون لعشية والتيزانة تاع الاطفال او استشيري الطبيب.

[roose]

أختي الكريمة اذا خليتي وليدك يرقد كامل النهار أكيد في أليل ما يرقدش لأنو شبعان نوم حاولي ديري كيما قاتلك ام محمد أمير

[ام ياسمين10]

ياختى متخليهش يرقد فى النهار بزاف راه يشبع نوم معليهش كى يبكى لازم تولفيه يدير لاسيياست وخلاص باش يرقدلك فى الليل

[شرشورة2]

يا اختي اتونسيو و دوا لصغير راهو يخربلو مخو صبري عليه شوية حتى لستة شهور راهو يتعدل في رقادو ان شاء الله

[om assil]

بعض الخطوات التي ينصح بإتباعها لتعليم الطفل النوم مبكرا خلال سبعة أيام:

اليوم الأول:البدء بنظام منتظم
بما أن الأطفال الرضع يخلطون الليل بالنهار فعليك اليوم تعليمهم الفرق بين الليل والنهار فقد أثبتت الدراسات المستجدة أن الأطفال الرضع يمكن تعليمهم ذلك.
أيقظي طفلك مبكرا في الغد و ابدئي الروتين بالنهوض دائما في نفس الوقت كل يوم.ضعي مهده قرب النافذة وارفعي الستارة فالنور الطبيعي يساعد الأطفال على تنظيم حركتهم اليومية. فهو سيدرك مع الوقت عندما يشاهد النور أنه وقت الاستيقاظ .وفي الليل اتبعي أهدأ السبل .التزمي بنظام نوم محدد.ألبسيه بيجامة نومه وضعيه في مهده في الليل مع إطفاء النور .وقبل إدخاله إلى الفراش قومي بهدهدته والغناء له مما يساعد على تبطئة نظام الحركة و الإحساس لديه.

اليوم الثاني:التدرب يؤدي إلى التحسن
اليوم ستواصلين على النظام الذي انتهجته أمس.اجعلي الرضعات الليلية هادئة جدا مع ضوء خافت اعملي كل شئ لتجنب تحفيزه و تنشيطه . وخلال النهار اجعلي الرضعة وقتا للنشاط الزائد بأن تعبثي برجليه أو تغني له أغنية لكي يبدأ بتحسس الفرق بين الوقتين .

اليوم الثالث:البكاء يبدأ
ضعي طفلك اليوم في مهده وهو لا يزال مستيقظا أنها الخطوة الأهم التي يمكنك عملها بالطبع سيبكي وهو أصعب عليك مما على طفلك ومن الطبيعي أن الاستماع لبكائه شيئا كالتعذيب.لكن فقط تذكري أن النتيجة الختامية (النوم) ستكون جيدة لك ولبقية عائلتك.بكاء طفلك لن يؤذيه نفسيا . في الحقيقة كلما كان سن الطفل أصغر كلما كانت العملية أسهل. الأطفال تحت 5 أشهر غالبا ما يستمرون في البكاء من 15 إلى 20 دقيقة فقط .فإذا استمرت المشكلة عاودي طفلك لفحصه وتطمينه بوجودك . ليكن كل 5 دقائق في الليلة الأولى .

اليوم الرابع :احزميها
الليلة الماضية كانت طويلة . توقعي تحسنا الليلة. سيتذكر طفلك بشكل أسرع قليلا أن البكاء لا يوصله إلى مبتغاه .فإذا احتج أطيلي وقت استجابتك له كل 10 دقائق ، و مهما حدث لا تستسلمي . فإذا تراجعت فانه سيمسك بالخيط في يده سيستيقظ من نومه مراهنا على كسب الرهان ، ويبكي أكثر مما بكى البارحة، ليحقق مراده .

اليوم الخامس : الطفل يهدأ
يتكيف أغلب الأطفال مع هذه الخطة في غضون (3 _5 أيام) ، لذلك قد تكون هذه الليلة هادئة . يحتاج بعض الأطفال إلى التطمينات المتواصلة لكن آخرون يجدونها باعثة على الضيق .فحاولي حينها أن تطلي عليه من خلال شق الباب بحيث لا يراك .

اليوم السادس:النوم المتواصل
قد تجدين نفسك تستيقظين لفحص الطفل . حافظي على هدوئك ، ألبسيه بيجامة دافئة بحيث لا يقلقك فيما لو سقط اللحاف عنه .و الآن مع تحقيق كل هذا التقدم دعي طفلك يهدأ بنفسه ، خصوصا و أنك ستحتاجين للاسترخاء لكي تغطي في النوم .

اليوم السابع: نومك أنت أيضا
إذا اتبعت الخطة إلى نهايتها فانك لن تستعيدي نومك فقط و لكن ستقدمين لطفلك هدية هامة ، عادات النوم الجيدة و المهمة لصحة الطفل و عافيته .

[مسلم سني]

السلام عليكم
دخلت بالصدفة لهذا الموضوع ظننت صاحبه يعاني مشكلة ما قلت لارى وغذا بي أجد ما تشكو منه أختي هههه
لحد الآن ابنها عمره عام ولايزال على حالته يعني النوم في النهار والسهر طول الليل والله كل يوم تشتكي ولم ينفع معها اي شيء ههههه ساخبرها بما تفضلتن به
شكرا لكن جميعا
احترماتي

[أم عبد الكريم]

اختي ابنك مازال صغير يعني نظام نومه كيما يقولو لعجايز يتبدل كل سمانة ا
انت متخليهش يرقد في المساء خاصة مع 5 و 6 و 7
انا بتني كانت هكا كنت نديرها في السرير معايا حتان تغلب من اللعب و تلقا روحها وحدها ترقد

[bochra the best]

اتبعي نصيحة
om assil

[أيمن عبد الله]

السلام عليكم
تحية طيبة للجميع
لأيتها الأم الفاضلة
هل تحسبي أن الله تعالى جعل الجنة تحت قدميك عبثا
جعلها كذلك من أجل سهرك وتعبك في تربية أبناءك
خافي الله تعالى في ابنك عمره أربعة اشهر وتعطيه
مشروب للنوم هذا لا يعقل ...اصبري واصبري
واستشيري في تربية ابنك أمك او أم زوجك
حتى تستفيدي من خبرتهن
وفقك الله وحفظ ابنك وجعله قرة عينك

[اغادير]

يا أخي ايمن أنا أعذر هذه الأم من جهة واذمها من جهة أخرى.....أولا أنا أعذرها لأنها ربما تعبت مع إبنها هذا نظرا لكثرة بكائة وعدم نومه في الليل ،أو لأنه كثير الحركة يجعلها مهتمة به وتركها للأعمال الأخرى التي يجب أن تقوم بها ،يا أخي يجب أن تعذرها لأن عمل تربية الأولاد وحده يستلزم الوقت كله، فما بالك هي التي تقوم بالتنظيف والطبخ والغسيل وغير ذلك من الأعمال المتعبة، ونحن نرى أيضا أن الجيل هذا أصبح مفرط في الحركة وصعوبة سلوكه الذي قد ينجم عنه اللجوء إلى مثل هذه الوسائل.
أما الأم انا لأذمها إذا كانت تقدم لابنها دواء دون استشارة الطبيب..اذا كان هذا الدواء يفيده أو لا، وايضا أن هذه الأدوية ستسبب للطفل دون ادنى شك إذا واصلت الام في اعطاءه لابنها بصفة دائمة الى التسبب في مشاكل صحية أهمها تباطؤ نموه والتأثير على مناعته مستقبلا.
وانت يا أخي يجب عليك أن تهتم بالاسباب التي جعلتها تقوم بذلك وأن لاتكون قاسيا فترى الجانب السلبي فقط.

[blueflames]

مشكورين كامل على الردود

وليدي بقالو 5 ايام برك ويقفل 6اشهر والحمد لله تعدل الريتم تاعو ورجع يرقد الحمدالله ،الدوا معطانيش قلبي نشربلو خفت لنندم طول عمري وكي كتبت الموضوع هذا كان عندي 5 مارقدتش لا ليل لا نهار وكملت حتى ل 10 ايام مانرقدش لا ليل لا نهار ومن بعد خلاص تنحاتلو الطبيعة ،

كي خممت فالدوا كنت خلاص عييت ومع الشغل تاع الدار والتعب ويبات يبكي وخممت على الازعاج لي يدير فيه على جدو وجداه قلت ناس كبار يحبو يرتاحو وهو يبات يبكي راني ماخممتش على روحي باه نرقد خممت على 100 حاجة قبل مافكرت نشربلو الدوا

والحمد لله