مانيش قادرة نرضع ساعدوني

[ام دارين]

السلام عليكم
مساء الخير ان شاء الله تكونو لاباس
المهم عندي 20يوم من لي ولدت ومن السامنة الاولى تجرح صدري ومانيش قادرة نرضع منو لدرك
تعيشو اذا تعرفو كاش بوماد ولا وصفة تبريهملي قولولي عليها والله راني نعاني مانجي نرضع بنتي حتى قلبي يوقف
ماتبخلوش عليا راني نستنا إفاداتكم
وشكرا مسبقا

[أم عروة]

mercurochrome pitchoune creme crevasses des seins

رووووووووووووعة
دير 95 الف
مجربة

[سارة حبيبة زوجها]

اولا مبروك عليك اختي
انا كنت ندير كومبراس فيها زيت زيتون ونديرها على الحلمة ونفعتني بزاف وكاين حلمات نتاع سيليكون قالو ملاح بزاف ينباعو عند الصيدلي انا ما جربتهمش مي حباباتي جربوهم
وغير فترة وتفوت استحملي برك هادي هي ضريبة الامومة المهم ما تحبسيش الرضاعة

[omselma]

ديري زيت الزيتون مليحة تفيدك وهاذي راهي في البداية تصرا للنساء اكل ومبعدا تروح وتوالفي وكيما قاتلك الاخت متحبسيش الرضاعة

[ام نهوله]

دخلت برك باش نقولك مبروك المزيود و تتربى في عزكم اسمحيلي ما صراتليش ما نقدرش نفيدك ربي يشفيك

[Simassim]

اختي ربي يكون معاك حتى انا صراتتلي فولدي الاول شريت كريمة كنت ندير كل وقت نحط كمية مليحة
Lansinoh Crème Lanoline HPA Soin des Mamelons 40 ml

[kikimnarim2]

اعطي الراحة لكل ثدي يعني رضعي من جهة حتى تحسي الجهة الاخرى ترخفت وهكذا بالتناوب ما تديريش الادوية باش صغيرك ما ينضرش انصحك بزيت الضرو وزيت الزيتون

[أم محمد الهادي]

اختي هده الوصفة مجربتها انا شخصيا وهي ضعي الزعتر فوق سينية تاع بسبوسة يسخن فوق المدفئة ثم ارحيه بودرة خلطيلو زيت الزيتون وضهيه علة الحلمة راهو ضربة ضربة

[oprah]

السلام حبيبتي
كلش مبروك
أنا حبيبتي راني في 4 اشهر نعااااااااااااااااااااني بكل معنى الكلمه و كتره كي ينقص الحليب من صدري نتجرح حتى يولي الدم يسيل و راني حاسه بيك
المهم لازم تخليهش يرضع من الجيهة لي متضره بزاف بويسك ادا سال الدم راهو يشربو و يديرلو اسهال صراتلي
و داوي وحده بوحده
يعني اليوم خلي متعطيلوش الجيهة اليمنى كامل و اغسليها و نشفيها مليح و ديريلها البوماد هاديك نتاع الحر لي نديروها داخل الفم daktarin الخضرة هاكدا قاتلي البيدياتر و غدوه من داك امسحيها و مديلو يرضع و أعكسي العمليه حتى تريحي
متفوتيش يومين تريحي أنا هكدا موالفا
و الاهم أنك كي تمديلو يرضع متعطيلوش برك الجيها هاديك لي خارجه كي السوسات لا لا مديلو معاها شويه من الحلمة ان شاء الله تكوني فهمتيني
أنا كنت نمدهالو برك هاديك الجيهة كي السوسات قاتلي الطبيبة لا هاكدا تكلي راهو يقلعهالك كي يجبدها و تنجرحي و ملي سمعت نصيحتها راني ننجرح مره في الشهر
كنت كل يوم نعاني
بالتوفيق
و في رايي متديريش أي دوا بويسك رايح يرضع منها

[asmanour19]

السلام عليكم أختي مبروك المزيود . حبيت نقولك أختي حتى أنا صراتلي فالبداية كنت نرضع ابنتي و نبكي من الألم دارتلي يما ماء دافي فيه الملح في سربيتة sérviéte و نحطها في صدري كرري العملية حتى يشفى صدرك أنا جربتها نفعتني بزاف و أرجوكي لا تتوقفي عن ارضاع ابنك فهذا الألم سيزول بحول الله

[*وردة الشرق*]

اختي عادي هدا يحصل عادي فترة فقط وتمر كما قالولك الاخوات بعدما ترضعي وليدك ادهني بالزبت زبتون فقط ومش رايحة طول الحكاية ياربي يمات ويتوقفلك هاد الالم ربي يعينك

[(( هبة الرحمن ))]

مبروك عليك
ادهني الحلمة بالزبدة راح ترتاحي الغدوة من ذاك

[أم عبد الله ياسين]

مبروك اعليك اولا انا تان راني انعاني من الرضاعة و لكن أنا بسبب ولدي لأن عندو لسانو لاسق frein de la langue ميقدرش يرضع مليح أنا ننصحك باش تقعدي ال بيبي مليح الوضعية الصحيحة تلعب دور كبير لازم ال بيبي يفتح فمو مليح اما بالنسبة ليك كي اترضعي خرجي شوية حليب و أدهني بيهم صدرك و خليهم للهواء شوفي أختي ادا كان عندك الحرارة في صدرك ديري بومادdaktarin gel buccal 2 هايلة مام ادا كان البيبي عندو الحر مليح ليه ماشي لازم تغسلي صدرك باش اترضعي بشفاء أعليك

[om hind]

اختي انا ثاني كي زيدت صراتلي هكذا بغيت نموت تكتل بصح كما كنت السبيطار هاذي قاورية عطاتني بوماطا حاشاك تاع les fesse de bebe يصح قتلي لازم تمسحي وتغسلي مليح قبل ما ترضعي تخافي على البيبي و نعتتلي massage efficace هو تحكمي فوطة صغيرة و تشمخيها بالماء لازم يكون حامي بزاف و تعصري و من بعد ذيري ماساج دائري و ثم تحكمي لو سان تاعك بالفوطة و تروحي جها الراس( الحلمة) ديريلها ثلاث مرات او ربعة في كل جهة و كل ما تحبي ترضعي مام اللي ما عندها ًش لحليب مليح ليها و الله هايل ينحي السطر و يزيد لحليب

[biosinoussa1]

diri les bout de sein sa se vent en pharmacie ana nef3ouni en plus j pase mamelon 3andi le mamelon ombiliqué dakhel