كيف هي معنوياتكم؟ظ

انفال_28 · 2015-03-19, 17:05

كيف هي معنوياتكم و تحضيركم للباكالوريا و إن شاء الله كامل ننجحوا في الباك...
وقولولي وين راكم واصلين في الدروس مع تحديد الولاية.

hanane.dado · 2015-03-19, 17:52

اهلا انا من ولاية الشلف اللغة العربية رانا في المقال
والفرنسية appel
والرياضيات الدوال
الفلسفة رانا في العن والتسامح
والتربية الاسلامبة في الربا
والتاريخ اعادة لابناء الحركة الوطنية
المهم هدو اللي راني حاصيتهم ونتمنى نتيا فاني تقوليلي وين راكم حابسين واحنا مازلنا دايرين الاضراب ونتوما ؟

انفال_28 · 2015-03-19, 22:12

اهلا بيك حبيبتي يا العزيزة انا من ولاية المسيلة شوفي الادب العربي تقدري تقولي قريب نكلمو والان رانا نحلو غير في مواضيع بكالوريا ونماذج .
الرياضيات جامي نحضرها مي قالولي راهم في الدوال.
الاجتماعيات رانا في استعادة السيادة الوطنية وبناء الدولة .
والجغرافيا رانا في مصادر القوى الاقتصادية .
الفلسفة رانا في المذهب الوجودي.
والشريعة رانا في من مصادر التشريع الاسلامي
الفرنسية رانا في لابال.
الانجليزية ماناش نقراااو طول اخر درس درناه نتاع الشدة وين تكون

hanane.dado · 2015-03-20, 12:41

اوكي حنونتي قوليلي مازلتو دايرين اضراب؟ وقوليلي المادة اللي تعرفي فيها فووور

دورصاف جوجو · 2015-03-20, 17:31

ايييييييييييه نتوما فايتينا وييين وييين حنا مازلنا ماوصلناش لل l'appel خلااااص
العلوم شرعية في النسب
الرياضيات في الدوال
الأدب كملنا المقال بقاولنا المراحل تاعو برك
الأنجليزية درنا unit four مشينا فيها شوي
الفلسفة كملنا الحقيقة ورانا قاعدين
الاجتماعيات مانعرفش أصلا البرنامج تاعنا ماعندناش شيخة ومانقراوهاش أصلا
ورانا في اضراااااب و أنتم

nina-nina · 2015-03-20, 19:55

أنا راني خايفة بزااااااف ... انا راني رايحة نجوّز باكالوريا أحرار , و هذا وين بديت المراجعة من 0 ! لقيت روحي نسيت اللغة الألمانية ! الله يجعل الخير ! بالتوفيق للجميع

انفال_28 · 2015-03-20, 20:23

حبيبتي حنان انا المادة اللي فور فيها بزاف الادب العربي والانجليزية ثاني نسلك راسي الحمد لله

انفال_28 · 2015-03-20, 20:24

ايه مزلنا اضراب بالصح ام قالولي بلي البارح داروا اعلان بلي الاضراب تنحى وكاين يوم الاحد القراية مع العلم معرف احنا ماقالولناش انا ثاني معنوياتي هاااابطة بزاف ومزلت ماني مراجعة واااالو راني من 00

انفال_28 · 2015-03-20, 20:25

اخت درصاف انتي من وين ؟؟

naya milano · 2015-04-01, 16:36

يا لبنات ربي يعيشكوم انا نقرا لغات اجنبية و عندي مشكللللللل مع الفلسففةةةة و باش نحفظ مقالات مانقدرش نحفظهم كامل قولولي كيفاش تقراوها و تريفيزوها انتوما

انفال_28 · 2015-04-06, 11:47

حتى انا شعبة لغات اجنبية صدقيني اختي انا ناسيتها مادة الفلسفة اصلا ومش مدخلتها في الحساب وكيما قلتي الحفاظة تجيني صعيبة بالصح اللي فوتوا الباك قبل قالولي كي تكتبي مقالة كاملة مايعطوكش والو عنها يقولو نقلتها وكي تديري تحليل نص ثاني دايما يمدو ياربي 3 نقاط صافي خيري جدلية هكذا نصحوني والجدلية حاولي تراجعي الجدليات اللي دايرينهم وتقراي النقد والنقد راه يكون باسلوبك انتي اللي تديريه صراحة انا ماعنديش كراس فلسفة ومش متعودة نكتب الدروس والا كنت افدتك

اسيل الجنة · 2015-04-06, 17:53

ايه الخلعة و الخووف
و كلش بعد هههههه
ربي يوفقنا ان شاء الله و ننجحو كامل