غاضوني والديها وماعرفتش واش ندير

[مشكلتي]

لسلام عليكم ورحمة الله وبركاته


انا فتاة عندي 19 سنة حابة نحكيلكم علا مشكلة ماتخصنيش انا مي والله راهي مقلقتني بالبزاف انا راني دوكا اولى جامعي نقرا في ولاية خاطية دارنا تعرفت علا فتاة درت معاها شمبرة من لول كانت ناس ملاح عاقلة مي دوكا تبلدت بزاف عادت تخالط البنات ماشي ملاح عادت دير المكياج تهدر مع دراري راهي غايضتني بزاف نضل ننصح فيها ياطفلة باعتينا والدينا نقراو ماش نتمسخرو مي هيا تقول ايه ايه عندك الحق مي ماديرش علا كلامي كامل دوكا راهي عادت ماتصليش البورطابل كامل مايحبسش والله صدقوني غايضني باباها باسكو نهار لول كي تلاقينا انا وابي وهيا باباها الراااجل ناس ملاح بزاف والله مايستاهل هكدا وامها تاني دايرتها غير علا تحواس وتمسخير ماتقراش كامل وكي يكلموها دارهم تقلهم لقراية جاتني صعيبة وتبدا تبكيلهم يتقلقو هوما يقلولها نورمال الا ماجبتيش العام ماتتقلقيش واللله راهم غايضين وماعرفتش واش ندير باباها ماهو منقصها والوا يمدلها ساعات بل مليون يقلها المهم تقراي تالمو هوما عائلة ميسورة الحال ماعندهم بزاف يقلها المهم بنتي تقراي وكامل
وهيا دايرة هاديك الدراهم علا الفلكيسي والهدرة وتشري الفيزاوات وتخرج بيهم قوقوولي ياخاوتي كيفاه ندير معاها حابتها ترجع كيما كانت وماقدرتش نرجعها والله غايضيني والديها ساعات نلقاها تبكي تقولي حابة نولي كيما انتيا قولولي كيفاه ندير نقلها شوفي انا كي نجي دير حاجة نتفكر ابي اللي تعب عليا ووصلني لهنا باه نقرا ماشي نتمسخر قتلها ابي دار فيا ثقة وبعتني نقرا مانخونش ثقتو فيا تقولي ايه ومبعدا غير يجوها لبنات تقول ماشي هاديكا الطفلة الللي كنت نهدر معاها صح صروالي بروبلام معها علا جال هاد لبنات مارتحتلهمش قتلها يرحم والديك ماتزيديش تجيبهوملي للشمبرة ماارتحتلهمش قلت بلاك هكدا تبعد عليهم شويا ايا هيا عادت تروحلهم وساعات تقولي ياطفلة عيشي صغرك راهو مايدومش ومانعرف واله مافهمت عليها كامل وحاجة اخرا قاتلي راهو ولد خالتي حاب يخطبني قتلها مليح مالا بطلي الهدرة مع دراري هكدا مبعد بناتك مايجيش اللي يتمسخر بيهم تقولي هوا ماحبش يهدر معايا انا نهدر مع لوخرين باسكو هوا كي تهدر معاه يعود يعيط عليها يقلها اشغلي بقرايتك و وكي تكملي راني نجي للدار والله عجبني قتلها نورمالمو تشدي فيه راهو خايف عليك وماحبكش تهدري معاه باسكو خايف لاماتقريش مليح ويكون هوا السبة قاتلي لالا هوا باين راهو داير رايو انا تاني ندير رايي ماحبتش تفهم عليا وانا مافهمتهاش زادا كل مرة تقولي حاجة ساعات تقولي راكي عاجبتني انتيا خاتمة القران وجامي درتي علاقات وساعات تقولي يالجايحة عيشي صغرك وصغر مايدوملكش ادي تجارب قولولي كيفاه ندير ارجوكم ساعات دور في بالي نقول نكلم امها نقلها علا بنتها وساعات نقول ماندير المشاكل لا ليها لا ليا انا راني حااااايرة والله كيفاه ندير معاها دبرو عليا

[zaidoun24]

ربي يهديها حاولي تخوفيها بحكايات تاع بنات صراولهم مشاكل كبيرة و احكيلها ديما على وحدة تعرفيها من كثرة المخالطة تاع الذكور صرالها هكذا و هكذا بالاك الطفلة إلى ماخافتش من ربي تخاف م الدنيا

[mrmilano1984]

هادي باينة نفسها ضعيفة الحل ليها تتزوج هليها من مخالطة بون سن هدا تاع الزهو واللهو المدامات يحبو يتاسنيو رواحهم مع الرجال راها صغيرة مي صراحة الزواج لها احست دواء باه تبرد وتريح ترونكيل باينة حفيفة بالبزاف

[nesrinwarda]

السلام عليكم
حاولي تخوفيها بحكايات ، إذا ما صلحتش قولي لأمها إبطلوها من القراية خير ما تضيع صدقيني لكان تعرف أمها راهي تسقم روحها و لا تقعد فيالدار تتزوج و تتهنى، خاطر على حساب كلامك ماعندهاش العقل و هد النوع تاع البنات هوما لي يخلصوها غالية

[مسك القعدة]

أختي نصيحة مني وراني عارفة وشايفة وش راكي تحكي خوفيها كيما قالولك وإذا ما دارتش بهدرتك قولي ليماها خير من تدي ذنوبها بسكاتك

ربي يهديها إن شاء الله ويبعد عليها أولاد الحرام وينورلك طريقك نتي ثاني

[النجمة القطبية]

يا اختى نصيحتي ليك اذا محبتش تفهم بدلي الشومبرا وهب ربي يسهل عليها
خيري طفلة خير منك مشي قل منك
انصحيها وادعيلها اذا سمعت الحمد لله مسمعتش بدلي خير
موفقة

[noor_ab4]

خبريها انك راكي ناوية تحكي لوالدها وحتى ليماها واذا ماسمعتش حسيها بغلطتها واذا لازم احكي ليماها الافضل ان نحاول تغير الامور وليس ان نرى ونسكت
ربي يهديها وبارك الله فيك اكثيري الدعاء لها

[سماح 2]

_ ربــــي يهديهـــآ ,,,ابقـــآيْ في وراهــآ حتـــى ترجعْ كيمــآ كــآنتْ ,,, كسريلهــآ راسهــآ كل يومْ اجبديلهــآ ع الموضووعْ ,, حتى تبطلْ ,,,

هدانــآ الله واياكمْ ,, :/

[loubna87]

قولي ل باباها خير . قولي لو يعسها و يشدها في تلك اللبسة و الماكياج و يشوف البورطابل نتاعها و انت بهذه الطريقة خاطية .
لازم تتوقف عن هذا

[القدس لنا.]

لالا. لا تخبرها بانها ستخبر امها لانها راح. تتبلى علي. وهذواااا لي بلا عقل ممكن دير فيها اي حاجة إذا حرمت من لذاتها. حاولي تحصلي على رقم والديها واتصلي. بهم من رقم اخر ليس رقمك. فهذا النوع لا تنفع معهم النصيحة. وخاصة انك حاولت مرارا. حاول تتجاهليها. ولا تعطي لها اي قيمة بلا ك. تنتبه وكيما قالو حدثيها عما ستجنيه من كوارث وادع ان الله يهديها قبل فوات الاوان

[القدس لنا.]

وانا احي فيك هحبك للخير وعدم سكوتك على المنكر حفظك الله ورعاك واحسن جزاءئك وجعلكي من الصالحات

[محمد جديدي التبسي]

ادعيلها بالهداية وخبري والديها اذا بقت على هذه الحال الى نهاية الموسم
وممكن راه جاي رمضان تتحسن أحوالها كوني معها واصبري عليها وما تمليش من نصحها
ربي يهديها ويثبتك على الحق..

[رَكان]

1 ــ بلغي والديها عن تصرفاتها فرغم صبرك عليها بالنصيحة الا أنك تتسترين على ضياعها ..
2 ــ انتقلي الى غرفة بغيداة عنها ..فهي اختارت طريقها ..فلا تلزمي نفسك بأمرها ويكفي ما بذلته من جهد..
اهربي بنفسك ما دمت تملكين نفسك..

[تاييد]

اختي الكريمة
أحيي فيك بذل الجهد لتقديم النصيحة لزميلتك وأحيي فيك روح المسؤولية وحرصك على مصلحة من حولك ...فللنصحية دور محوري
بحياتنا جميعا..فجزاك الله خيرا وكثر من أمثالك
نعود للموضوع.......أنت نصحت وعملت واجبك و.زميلتك فيها الخير ولكن...و لكن محيطها لا يساعدها على الاستقامة فهي تحاول الارتقآء ومحيطها( صديقات السوء) يجذبها للأسفل وللانحراف بالاضافة لنفسها الامارة بالسوء وتزيين الشيطان لها ماتقوم به .....بكل ذلك زميلتك من الصعب جدا أن ترجع الى جادةالطريق لذلك وبعد أن أصبح نصحك الفردي غير مجدي أمامك خطوات محددة :
١_ أخبري أمها بلا تردد ولا تأجيل ومهما قست عليها فهي أرحم بها مما قد يصيبها ويلحقها إن تم السكوت عنها وفقط صيغي الكلام بطريقة ذكية لايصال الفكرة لها وأخبريها أن الصديقات من يجرونها للهاوية ...واعلمي أن هاته الخطوة هي من نصرتك لزميلتك ومن وفآئك لها فالسكوت عنها خيانة
٢_ كلنا نعلم أن الصاحب ساحب وقد قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " الْمَرْءُ عَلَى دِينِ خَلِيلِهِ فَلْيَنْظُرْ أَحَدُكُمْ مَنْ يُخَالِلْ فاعلمي أختي
أن زميلتك إن بقيت معها فستجرك لا محالة الى طريقها... ففري ..ففري..ففري بنفسك...غيري الغرفة..قللي تواصلك معها.. ..ولا يمنع ان تتفقدي زميلتك بالنصيحة فقد تنفعها كلمة منك....
٣_ لاتنسي أنك أيضا مسؤولة عن نفسك أولا وقبل الغير فاحرصي عليها ....ولا تستهيني بأخذ قرار البعد عن زميلتك هاته وكل من شابهها
وانتقي لك صديقة طيبة تعينك على تحقيق اهدافك والثبات على مبادئك وأخلاقك ....فثباتك على الصواب ونجاحك هو بحد ذاته دعوة
لزميلاتك باتباعك واتخاذك قدوة

ادعو الله بالهداية لزميلتك وكل ابنآء المسلمين وأدعو لك بالثبات

[كلنا راحلون]

وعيها بمرض ايدز



راجعي موضوع
حلم فتاة



وحداري منها خط احمر






روحي يا جامعة بسلامة