صاحب مشكلة انا في ورطة

مشكلتي · 2015-03-15, 12:55

انا صاحب مشكلة انا في ورطة
https://www.djelfa.info/vb/showthread.php?t=1768421

اول اشكر الجميع على الردود سواء كانت جيدة او جارحة فقد صدق غالبية الاصدقاء حينما ذكروا انها من النوع الذي يتخلى بسرعة عمن احب و خصوصا لما قلتم انها وضعت حكاية والدها قالب اعتقد انكم تقولون الصدق

انا قررت ان لا اكلمها مطلقا و حتى ان هي كلمتني مستقبلا فلن اتكلم معها
حقيقة تعبت جدا من هذذه الجكاية خصوصا و اني كنت ناوي نتقدم الى بيتهم تغيضك بزاف دير النية مع ناس ماتستاهلش
المهم انا فهمت حاجة ربي حبني بعدها عليا . عسى ان تكرهوا شيئا و هو خير لكم. صدق الله العظيم
اشكركم

الصديق قروف · 2015-03-17, 11:32

ربي يرزقك بزوجة صالحة

tahar_baron · 2015-03-17, 17:25

و الله يا اخي كلما تسمع هاد الحكايات النية تاعك تفسد
سؤال موجه للبنات
لكن قبل ذلك كلامي ليس موجه ضد احد و الحمد لله هناك بنات اصل و فاميليا و ذو خلق وعلم و جمال
لكن
علاش تخليو الراجل الاصيل اللي نية واضحة من الاول و لو اخطا انو ما جاش مباشرة للبيت يتعلق بكم و يسعى و يدير المستحيل باش
يحقق امنية بسيطة الاستقرار و تكوين عائلة مع الشخص اللذي احبه
لماذا تصنعون من اشخاص ولاد فاميليا ذو خلق و دين وحوش تريد الانتقام من كل فتاة
من الاول لم يعجبك ارفضيه مباشرة
علاش تحبو النذل اللي يجريكم و ماشي سامع بكم و تخليو اللي يوقف معاكم راجل
علاش تخرجو و تديرو كلش و تزهاو اما عندما ياتيكم خاطب ترفضوه
الله و رسوله الكريم اعطونا الطريق الصحيحة و ماضللنا الا بابتعادنا عنها
و الله الحكايات اللي راني نشوفهم يخليو الانسان يبعد عن الحلال و ينحي النية اللي بقاتلو

loubna87 · 2015-03-17, 20:17

درت مليح خويا . توجد التي تستاهلك أكيد . لا تفقد الأمل برك . البنات كاين و كاين . بالصح التي ستعرفها بعد تللك الفتاة الماكرة الكذابة لا تعاملها معاملة حيث تتصورها مثل الأولى . كل بنت و طبيعتها . و إن شاء الله توجد وحدة تستاهلك .

semoune bali · 2015-03-17, 20:27

وش نقلك خويا خليك في نيتك وربي في بلاستك

جمعي البشاري · 2015-03-17, 23:41

ربي يرزقك بزوجة صالحة

ام رضوان · 2015-03-18, 13:59

ربي يرزقك بالزوجة الصالحة التقية النقية ونصيحة لك اخي ابتعد عن هذه العلاقات وحوس على بنت لحلال بالحلال

ولد الشاوية · 2015-03-19, 01:22

يا صاحبي هذا درس ليك و للناس ليديرو علاقات مع بنات الناس قبل الزواج
اذا كان حاب تزوج و يصلحلك ربي زواج و ذرية
لازمك اولا تنوي على مراة صالحة و متدينة لان فيها بركة عظيمة
و ثانيا ما تكلمها ما تتصل بيها في السر
دير "لونكات" ديالك و اذا تاكدت بلي دارهم مليحة اتكل على ربي و روح اخطبها
و اذا عجبك الحال اعقد عليها وبالتالي تصير زوجتك و تقدر تحكي معاها و تشوفها لكن بالاصول
و باذن الله اذا تبعت واش يحب ربي رايح تكمل حياتك في حب و سعادة و هذا كلام واحد مجرب و موش مسلسل تركي
ربي يوفقك

0ibtissam · 2015-03-19, 08:51

ربي يرزقك زوجة صالحة

nawel26 · 2015-03-20, 20:39

هي ارادت ان تتزوج و فقط