إني منزعجة من معدلي

[بيوض تور]

السلام عليكم
راني مخلوعة في روحي بعد ما كنت الولة وليت مع التوالة ديت المعدل 9.95 جامي الا ديت 12 مي هادي الرة ديت 9
قلولي واش ندير راني غير نبكي راني خايفة منديش الباك
واش ندير راني حابة نقتل روحي

[☆★ أَمِيـرَة ★☆]

و مبعد؟ يا اختي و الله تقلقي في روحك فرات
رانا كامل نعانيو من الخوف و التوتر لكن كون تبقاي تخمي فيه و الله صدقيني ماتتحركي خطوة للامام
ياما كان ناس ماتجيبش و تلقاها تحيب اعلى معدلات
يعني زعما تمرميد تع اضرابات و صابوطاج تع اساتذة رح نقدرو نجيبو مليح؟ لا
انتي ماعليك انك تروحي تصلي ركعتين
و اغسلي وجهك بالمائ بارد و نحي عليك البكاء و الحزن و ابداي قد قد
الان العطلة ديري جدول مليح لروحك و اهجمي

[☆★ أَمِيـرَة ★☆]

و مبعد؟ يا اختي و الله تقلقي في روحك فرات
رانا كامل نعانيو من الخوف و التوتر لكن كون تبقاي تخمي فيه و الله صدقيني ماتتحركي خطوة للامام
ياما كان ناس ماتجيبش و تلقاها تحيب اعلى معدلات
يعني زعما تمرميد تع اضرابات و صابوطاج تع اساتذة رح نقدرو نجيبو مليح؟ لا
انتي ماعليك انك تروحي تصلي ركعتين
و اغسلي وجهك بالمائ بارد و نحي عليك البكاء و الحزن و ابداي قد قد
الان العطلة ديري جدول مليح لروحك و اهجمي

[Rania ranim]

استغفري ربك الذي خلقك.ما هذا الكلام؟؟؟؟ هاذي ليست بالمصيبة التي تدفعك الى قتل نفسك
لا عليك توكلي على الله وابداي بالمراجعة وبالتوفيق

[بيوض تور]

راهي غايدتني لي والديا راهم حاسبين ديت مليح باغسكو انا جامي ديت تحت 12
انا هي لي كنت معولة نخرجهم من هادي الغبينة لي راهم فيها مي الله غالب

[max8]

ما تفكريش في الاختبارات و المعدل
الصح في الباك
هذا لا يحدد مستواك
اختبارات الفصول أصعب من الباك بكثير
ستبلين حسنا في الباك كوني واثقة بذلك و سيكون النجاح حليفك باذنه
فقط حافظي على رباطة جأشك و كوني قوية
لا تسمحي لهذه الموجة الخفيفة بأن تسقط عزيمتك و تنثرها مع الرياح
بقيت لنا خطوات قليلة للوصول إلى الباك حينها سنخرج كل ما لدينا لنحدث قفزة نوعية نرتقي بها إلى الجامعة التي نريد

مع تحياتي max8

[nadjib12]

[☆★ أَمِيـرَة ★☆]

هاذيك بعد اشهر
مش الان

[بيوض تور]

انا لي كنت الامل تاع والديا باش نخرجهم من هادي الغبينة
جامي ديت تحت 12 كانوا يضربوا بيا المثل في القرايا من انا مكنتش عند الظن نتاعهم
راني خايفة حتى ماما راهي حاسة بيا مي مانيش حابة نقوللها

[بنت لبحر]

الصح في الباك

عاودي راجعي نفسك و اضغطي على روحك و شوفي النقائص تاعك

ربي يوفقك و ان شاء الله تجي تفرحينا و تقولي جبت الباك بمعدل مليح

[أمل الاسلام]

اختي نصيحة ليك وليا ولكامل الناس اللي رايحا تجوز الباك......ما تحتقروش رواحكم ........كل واحد فينا يقدر يديه غير اللي ماهوش حاب........مادام انت دايرا الاسباب تقراي تراجعي تعياي و تتعبي..........وقبل كل شي توكلي على ربي.........صدقيني ربي يكون معاك ......ماتشوفيش للمعدل اللي ديتيه فالفصل.........شوفي للمعدل اللي راكي حابة تديه فالباك هاداك هوا الهدف ديالك متشوفي ني من ني من
ان شاء الله ربي يوفقنا كامل و نجيبوا الباك رغم انوفهم....هادوا اللي راهم يلعبوا بينا......^_^ لازم كامل ننتقمو منهم ودلك طبعا بتحقيق النجاح الباهر

[بيوض تور]

ان شاء الله يا رب انا عولت على الباك تاع الصح دروك يا انا يا هو
وغادي ندية ب 14 ان شاء الله
ربي يحفظكم كامل و ينجحنا فالناك و نفرحوا وللدينا

[biba.fbi]

سلاام
لكل فارس هفوة و لكل حصان كبوة
عادي ختي معدل الفصلي عمرو و لا هو مقياس حنا الباك الي فات كانت معدلات كارثية تشوفي سقوط حر لاغلب التلاميذ النجباء مي كنا دايرين في بالنا الصح قع ف الباك و الباك هو الاهم اما الفصول ما هي الا ترييض و تدريب للنفس من حيث الجانب المعنوي مش الجانب الفكري
حاجا عادية صدقيني المهم انك تنحي الخوف و الخلعة تاع الباك و ما الباك و ان شا الله تقدري تتجاوزي هاذي المحنة و تستدركي واش فاتك و تنجحي في باكك
و ما تنسايش طريق الميل يبدا بخطوة
و الناجح هو الذي لا يطيل الوقوف عاى محطات الفشل و الياس
و الله ولي التوفيق

[بيوض تور]

شكرااااااااااااااااااااااااااا
ربي يفرحكم كيما خففتوا عليا باغسكو كنت في حالة لا يرثى لها
ان شاء الله كامل نكونوا من الائل على قائمة الناجحين

[رمزي فارس]

إذا كنت خايفة على والديك ، اجتهدي أكثر، أغلقي الهاتف، الانترنت، وانسي النوم، استغلي كل دقيقة ... بالتوفيق