يا خيبتي

[foufamara]

خيبت امل
IMG_0548[1].jpg
وعلاش جاني ثقيل بيطون و ثقوب رقيقة و معجن

[كاتي حياة]

اختي بلاك مخليتهش يخمر
ولازم ما يكون لا ثقيل ولا مايه

[إكليل]

ربما ما خمرش مليح بسبب من الأسباب كأنك حطيتي الماء سخون على الخمارة فقتلتلك الخمارةأو ما كثرتيش على هذيك ما خمرش

[..بسمة أمل ..]

سلاااام اختي التخمااار هو الصح في البغرير

[oum souhaib]

يمكن مخمرلكش اختى لانو الحال بارد كون زدتى خليتيه تجربى غير وحدات صغار.
ولا خمرلك بزاف حنا نقولو خرجاتو لخميرة.كون زدتيلو دقيقه ودرتيه مطلوع

[foufamara]

بصح هي قالت يرتاح 10 د برك

[وداد100]

ماعليه حنونة ابقي جربي برك يصلحلك وينا وصفة اعتمدتيها؟
انا جربي بغرير الادراري والله يجي روووعة

[ام رضوان]

اختي هذا يبان المشكل في التخمار والله اعلم.

[fati 17]

اياك والياس عاودي وعاودي حتى يصلح

[أم أيوب 11]

انا البغرير نتاعي نخليه يرتاح فقط 5 دقائق ويجي هايل ومثقب ممكن تكوني نقصتي للنار وممكن خليتي العجينة ثقيلة بزاف

[(( هبة الرحمن ))]

غير خسارة العجين ولا خسارة اليدين

ما تمليش طبقي وعاودي حتى تنجحي ماكانش امـرأة خلقت متعلمة

أكيد العجينة ثقيلة
شوفي جربي الحبة الأولى كي تشوفيها ثقيلة زيدي شوية ما وحركي الخليط
-
-
- وعلاش كملتي العجين كامل كون رجعتيه خبز نشفتيه بالفرينة ويخمر عادي .

[ام نور78]

معليش أختي من الأخطاء نتعلم حاولي تجربي هذا:
https://www.djelfa.info/vb/showthread...errerid=462406
أنا دائما نديره ويخرج رووووووعة يتخمر مدة ساعة كاملة..والماء يكون دافئ
جربيه ورديلي الخبر.....بالتوفيق

[جيجلية]

المشكل ماش فالتخمار انا ما نخليهش يخمر ويجي هايل ونستعمل اكثر حاجة لالوفير

سعات المقلة ما تصلحش كون استعملتي الطاجين تاع البغرير خير