شكون تعرف حليب الصويا او فول الصويا وكاين في الجزائر ولا لا ؟؟؟

tebessa · 2013-01-19, 21:05

شكون تقللي حليب الصويا او فول الصويا وبن نلقاه ، كاين في الجزائر ولا لا ، انا من تبسة ، كاين في احدى ولايات الشرق ؟؟؟ ارجوكم جاوبوني

انتي بلون الورد · 2013-01-19, 21:21

اختي انا من الجنوب و كاين فول الصويا مي الحليب تاعو جامي سقسيت عليه و اضنو كاين ف كل الجزائر شوفي برك عشاب مليح و كبير علاجال قالي صاحب محل راه غالي تسما ماشي غير لي جا يشريه والله اعلم.ان شاء الله نكون فدتك يا رب شوية

wissem173 · 2013-01-19, 21:21

والله يا اختي حليب الصويا لا اعلم ان كان كاين ولا لا...
لكن فول الصويا تقدري تلقايه...يتباع عند العطار لي يببع الاعشاب...100 غ ب 20 الف...كاين حب و كاين مرحي..
نتمنى نكون ساعدتك..
و لو سمحتي تقوليلي فاه رايحة تستعمليه؟

إلهام07 · 2013-01-20, 09:36

فول الصويا موجود عند أي واحد يبيع أعشاب ( يعني عطار ) ، أما حليب الصويا إذا ما لقيتيهش يتباع ، ابحثي في قوقل عن كيفية تحضير حليب الصويا و رايحة تلقاي و الطريقة سهلة ( حليب الصويا مفيد للأطفال الصغار ).

نجمة ساطعة · 2013-01-22, 12:22

شوفي اختي في ورقلة عند العشاب تلقي فول الصويا ب 1200 دج للكيلو حب و المرحي اغلى شوي

اما الحليب كنت اعتقد غير موجود لكن الاسبوع الماضي سألت الصيدليات قالولي موجود عندنا لكن هاذ الاسبوع

مفقود اعتقد الناس خلصت عليه ههههههه

om sirine · 2013-01-24, 21:56

نعم كاين حليب صويا غبرة في صيدلية بفرنسية pour bebe soja
شريتو من القبة الجزائر العاصمة

rynad · 2013-01-26, 16:40

a alger dans les grande surface kayen le lait de soja

faizarbh · 2013-01-26, 17:00

اختي كاين حبوب الصويا انا نشريها ادير 60 الف للكيلو و الحليب تلقايه فالمحلات الكبار كيما لي سوبيرات

tebessa · 2013-01-30, 12:42

شكرا لكل ردودكم ، الله يجازيكم خير ، أنا في تبسة مالقيتوش في السوبيرات وماكاش في الصيدليات

بنت الحاج · 2013-01-30, 13:18

السلام عليكم ورحمة الله وبركاته
أختي الكريمة طالعي الموضوع التالي حيث يمكنك صنع حليب الصويا بنفسك في البيت إذا حصلت على فول الصويا.

إلى صفاء الروح إيمانوو وكل من يبحث عن حليب الصوجا

mimi farfoura · 2013-01-30, 19:05

كاين حليب الصويا انا من العلمة شريتو وشربتو تلقايه عند السوبيرات ب30 الف

SOUAD27 · 2013-02-02, 13:45

اقتباس:

المشاركة الأصلية كتبت بواسطة faizarbh

اختي كاين حبوب الصويا انا نشريها ادير 60 الف للكيلو و الحليب تلقايه فالمحلات الكبار كيما لي سوبيرات

أختي أنا مالقيتش عند العشاب ممكن تراسليني على الخاص حابة نطلب منك حاجة الله يخليك ساعديني

~~المسلم 17~~ · 2013-06-02, 14:39

هل الصويا موجود في ولاية الجلفة انا محتاجاتو ضروري .الله يحفظكم قولولي

tokio hotel · 2013-06-03, 09:33

اختى تصيبه فى المحلات الكبرى يتباع او السوبيرات وهو رخيص فى الثمن وادا صبتيه تقدرى انت تحضرى الحليب انتاعو فى البيت

nounadouce · 2013-11-26, 21:58

انا اسكن ب قسنطينة و فتشت على فول الصويا و مالقيتوش

ارجوكي لكان تعرفي وين يتباع في قسنطينة قوليلي