باريد حلا

[nilly]

سلام عليكم يا جماعة عندي مشكل قبل حسبته صغير بصح دركا وليت نشوفه كبير بزاف
انا متزوجة وعندي زوج ولاد بصح حتى درك ماسمعت كلمة ماما
الكبير عمره 3 سنين و 4 شهور ومايعرفش بلي انا امه علباله جدته اخطر عجوزتي تعيش معايا وهي لتربيه وينام معاها لانه انا نسكن في طابق ثاني وهي في طابق الاول يعني كل واحدة بطابق صح نتلقاو مرات مرات بصح لاني عاملة من صباح لعشيا وماعنديش بزاف الوقت على هدا مقدرتش نهتم بابني ويقول لجدته ماما وجده بابا ومايقدرئ يبقى بلا بيهم يبكي عليهم اد مشفهمش . والمشكل وليدي ثاني لعمره 5 اشهر هو ثاني مايقدرش بلا جدته والمشكل مايعرفنيش نروح نهزه يبكي
وحبيت نصلح الوضع جبتهم لطابق عندي وبداور يبكيو في زوج جبتلهم لنوريس بداو يبكيو تقول درك يموتوا حتى شافو جدتهم وجدهم وين سكتوا

خايفة يكبرو هكدا اشيروا عليا بحل

[دائمة الشكر]

اختي حاولي تقربي ولادك ليك بالحنانة وبالسياسة وبلعقل كوني معاهم الوقت اللي قدرتي عقبيه معاهم ولازم يوالفوك لأنو انت امهم الحقيقية وتحني عليهم يبقى الجد والجدة كل واحد في بلاصتوا انت اغلطتي كي اعطيتيلهم يرقدوا معاهم بالتوفيق

[البوسعادية]

مرحبا اختي
منكدبش عليك انت راكي غلطتي غلطه كبيره وربي يكون في عونك...ونورمالمو وبما انك عامله يبقاو عندهم عادي ولكن كتخرجي من الخدمه اطلعيهم عندك
...ولكن ثاني في نفس الوقت الجد والجده ثاني راهم غالطين نقلك وعلاه نورمالمو كتجي يقولولهم هاهي جات ماما ياله نروحوا ليها...
ابنك الصغير مزال عندك الوقت باش تقربيه ليك ولكن الكبير راكي رايحه تلقاي صعوبة معاه لكن معليهش غلطتك ولازم تتحملي ...
انا شخصيا لوكان راني منك ندير عام استداع ونتوقف على العمل لمده سنة ونقعد مع وليداتي يشبعوا مني ونشبع منهم ....وتقدري ثاني ادا كنت في قطاع التعليم تقدري وليدك الكبير تديه معاك للمدرسة وتولفيه بيك وتقعديه في الحضانه نورمال كما راهم كامل اديروا وهكدا رايح يوالف بيك اما ابنك الصغير كتخرجي من خدمتك طول طلعيه ليك ...
اسمحيلي اختي ادا اجرحتك في الهدره ولا حاجه والله غايضني حالك هدا مكا..
ودعوتي لك

[ندرومة49]

عندي أخي الكبير تربى عند جدتي ربي يرحمهما مش متربي كي مابقي اخوته
اسهري على تربيتهمك بنفسك بأسلوب راقي وحبيبيهم فيك بالحلوة وشراء الألبسة وأنت اللتي تعطيهم بيدك

[أمّ علي]

اختي لازم عجوزتك تفهمو غير بلعقل بلي ماهيش الام وانت لازم تحاولي تسيطري على الموقف وكوني ام بالفعل والقول الحمد لله كي تفطنتي للمشكل .ربي يعاونك على استرجاع حب ولادك

[nilly]

شكرا لكل من رد بصح انا منقدرش نجيبهم عندي لاني منقدرش نتحمل مسؤولية اطفال وبالي ماشس واسع حابتهم يعيشوا عند جدتهم ويناموا معها بصح لازم يعرفوا بلي انا امهم هدا مكان
وراجلي ثاني ميحبش كي يشوفهم يبكيو خاطره يضيق وانا منقدرش نعس فالاطفال كي نحط حاجة نحب نلقاها فبلاصتها ودراري تعرفوهم معندهمش عقل يقلبوا سقف للرض وانا منقدرش نتحمل دراري ولو لساعة واحدة لا انا لا راجلي
والاخت لقلتلي جيبي عام كونجي صح خممت نبطل شوية خدمة مي لسمانة برك نلعب معاهم ونحوسهم معايا اما عام منقدرش يروحوا عليا لكليون منقدرش نخطر بمستقبلي علجال دراري خصوصا في هدا سن ميعقلوش يعني لكان ندير فيهم غير الخير مراحش يشفوا املا منشقاش روحي وكي يكبروا يولي عقلهم لراسهم ثما غادي نخمملهم

[Simassim]

المشاركة الأصلية كتبت بواسطة nilly

شكرا لكل من رد بصح انا منقدرش نجيبهم عندي لاني منقدرش نتحمل مسؤولية اطفال وبالي ماشس واسع حابتهم يعيشوا عند جدتهم ويناموا معها بصح لازم يعرفوا بلي انا امهم هدا مكان
وراجلي ثاني ميحبش كي يشوفهم يبكيو خاطره يضيق وانا منقدرش نعس فالاطفال كي نحط حاجة نحب نلقاها فبلاصتها ودراري تعرفوهم معندهمش عقل يقلبوا سقف للرض وانا منقدرش نتحمل دراري ولو لساعة واحدة لا انا لا راجلي
والاخت لقلتلي جيبي عام كونجي صح خممت نبطل شوية خدمة مي لسمانة برك نلعب معاهم ونحوسهم معايا اما عام منقدرش يروحوا عليا لكليون منقدرش نخطر بمستقبلي علجال دراري خصوصا في هدا سن ميعقلوش يعني لكان ندير فيهم غير الخير مراحش يشفوا املا منشقاش روحي وكي يكبروا يولي عقلهم لراسهم ثما غادي نخمملهم

اسمحلي عل واش راح نكتب بصح ماقدرتش تخليها فقلبي
والله أمرك عجيب ناس مشتاقة دراري وانت ربي رزقك وسامح فيهم
الله يهديك أختي الأطفال الصغار هم لي يحتاجوا الحنان وآلام ماشي غي باش تلعب معاهم وتحوي بيهم وتشرلهم صوالح هادو كلشي مايهمش الصغار كيما الام لي توقف مع والدها وقت المرض وتكون معاهم طول اليوم تحسسه انه هو اساس ماشي عبأ عليها
الأيام راح يفتوا ونهار تكبري انت وتحتاجي شكون يكون بيك راح تسمعي نفس الهدرة لي قلتيها ولادك ماراحش يفرطوا في مستقبل متاعهم عل جال عجوز ماحنتش عليهم وهما صغار

اللي مايقدرش عل مسولية الزواج والدراري علاش يروح يتزوج ولا غي باش تقولوا راني تزوجت وعندي ولاد
الله يهديك أختي ويهدي وراجلك تأني لي راه موافقك في رأيك

[saraz09]

المشاركة الأصلية كتبت بواسطة nilly

شكرا لكل من رد بصح انا منقدرش نجيبهم عندي لاني منقدرش نتحمل مسؤولية اطفال وبالي ماشس واسع حابتهم يعيشوا عند جدتهم ويناموا معها بصح لازم يعرفوا بلي انا امهم هدا مكان
وراجلي ثاني ميحبش كي يشوفهم يبكيو خاطره يضيق وانا منقدرش نعس فالاطفال كي نحط حاجة نحب نلقاها فبلاصتها ودراري تعرفوهم معندهمش عقل يقلبوا سقف للرض وانا منقدرش نتحمل دراري ولو لساعة واحدة لا انا لا راجلي
والاخت لقلتلي جيبي عام كونجي صح خممت نبطل شوية خدمة مي لسمانة برك نلعب معاهم ونحوسهم معايا اما عام منقدرش يروحوا عليا لكليون منقدرش نخطر بمستقبلي علجال دراري خصوصا في هدا سن ميعقلوش يعني لكان ندير فيهم غير الخير مراحش يشفوا املا منشقاش روحي وكي يكبروا يولي عقلهم لراسهم ثما غادي نخمملهم

والله اي واحد يقرى الرد ديالك راح يدهش كيفاش تقدمي مصلحتك على حساب ولادك هدو امانة في رقابنا رايحين نتحاسبو عليهم. اختي فاقد الشئ لا يعطيه كيفاش تسنى الحب من ولادك وانتي ما قدرتيش تعطيه. انا بنتي في عمرها 28 شهر وعندها توحد خفيف وعلى جالها ماحبيتش نخدم رغم ان المستوى ديالي ياهلني لعدة مناصب واقترح علي العمل عدة مرات ورفضت رغم الظروف المالية بصح بنتي قبل كل شيء ما نقدرش نحطها فلاقريش ونخليها لازمها اهتمام خاص ودروس كل يوم وهدي مسؤوليتي. على هدي اختي لازم تتحمل ننائج التفكير ديالك وانا نقولك ماتضيعش احلى ايام مع ولادك رايحة تندمي . هدو زينة الحياة .
وما يغيضكش ردي او رد عضوة اخرى

[Basketteuse]

يا اختي كنت راح ننصحك بصح كي قريت ردّك سامحيني ،راح نقولك حوايج مايعجبوكش،
انت امراة غير مسؤولة بتااااتااااااوغير مؤهلة باه تجيبي لولاد!!!!!، وعلاه تجيبي الاولاد كي تخليهم يتمرمدو هك بلا بيك، تحبي تعيشي حياتك انت وزوجك، وتحوسو تعيشو حياة عاطفية سعيدة ، وولادك مامبا مايعرفوكش؟!!!!!!!!! وتزيدي تحوسي يقولولك ماما. وانت ماتعبتيش أصلا عليهم ، والله عيش تشوف العجب ، استدركي الامر قبل فوات الاوان فأنت محاسبة عليهم يوم القيامة، وإلا راح تسلكيها دنيا وأخرة

[0ibtissam]

عودي رجعي حسباتك ومدي حنان لي ولادك قبل فوات الاوان

[ام نهوله]

حرام عليك و الله غير غاضوني اولادك مزيه ربي رزقهم بجده ربي يطوللهم في عمرها و ما تنسايش اختي الندامه تتخلف
ما نقدرش ننصحك لانو انت و الزوج الكريم مقررين حياتكم
اعتذر اذا تجاوزت حدودي

[وردة الشمس]

اخي الرد تاعك صدمني رغم انتي لست متزوجة بصح عندي الدراري هوما زينة الحياة وبيهم تزها الدار انت ماكيش مسؤوولة بيك بالزوج تاعك عزو بيا الاولاد تاعك وربي يحفضلهم جداتهم وجدهم ان شاء الله .

[ام ياسمين10]

اضم صوتى الى الاخوات راجعى نفسك واسترجعى اولادك قبل فوات الاوان
ربى يحفظ الجدة والجد

[أم مبين]

[QUOTE=nilly;3992339718]شكرا لكل من رد بصح انا منقدرش نجيبهم عندي لاني منقدرش نتحمل مسؤولية اطفال وبالي ماشس واسع حابتهم يعيشوا عند جدتهم ويناموا معها بصح لازم يعرفوا بلي انا امهم هدا مكان
وراجلي ثاني ميحبش كي يشوفهم يبكيو خاطره يضيق وانا منقدرش نعس فالاطفال كي نحط حاجة نحب نلقاها فبلاصتها ودراري تعرفوهم معندهمش عقل يقلبوا سقف للرض وانا منقدرش نتحمل دراري ولو لساعة واحدة لا انا لا راجلي
والاخت لقلتلي جيبي عام كونجي صح خممت نبطل شوية خدمة مي لسمانة برك نلعب معاهم ونحوسهم معايا اما عام منقدرش يروحوا عليا لكليون منقدرش نخطر بمستقبلي علجال دراري خصوصا في هدا سن ميعقلوش يعني لكان ندير فيهم غير الخير مراحش يشفوا املا منشقاش روحي وكي يكبروا يولي عقلهم لراسهم ثما غادي نخمم


دخلت لاش ننصحك لكن بعد ما شفت واش كاتبة حرت وعلاش مقلقة روحك باه يعرفو بلي انت امهم ماتخافيش يكبرو ويعرفو بصح وقتها مش راح يجو يجرو عندك بالعكس راح يزيدو يتعلقو بجدلهم الي ربتهم وحنت عليهم وتعبت معاهم

وتلقيي انت دارك مسقمة ماكاش الي يخرب وراجلك راسو صحيح لانو مايحبش الحس تاعهم

ربي يهديكم يا أختي والله مش معقول روحي راجعي حساباتك مادامكم مش قادرين ليهم وعلاش جبتوهم وزيد نقولط الطفل يحس اكيد راهو حاس بلي انتم متضايقين منو حب يكون وين يحسو بالامان

[أم مبين]

المشاركة الأصلية كتبت بواسطة nilly

شكرا لكل من رد بصح انا منقدرش نجيبهم عندي لاني منقدرش نتحمل مسؤولية اطفال وبالي ماشس واسع حابتهم يعيشوا عند جدتهم ويناموا معها بصح لازم يعرفوا بلي انا امهم هدا مكان
وراجلي ثاني ميحبش كي يشوفهم يبكيو خاطره يضيق وانا منقدرش نعس فالاطفال كي نحط حاجة نحب نلقاها فبلاصتها ودراري تعرفوهم معندهمش عقل يقلبوا سقف للرض وانا منقدرش نتحمل دراري ولو لساعة واحدة لا انا لا راجلي
والاخت لقلتلي جيبي عام كونجي صح خممت نبطل شوية خدمة مي لسمانة برك نلعب معاهم ونحوسهم معايا اما عام منقدرش يروحوا عليا لكليون منقدرش نخطر بمستقبلي علجال دراري خصوصا في هدا سن ميعقلوش يعني لكان ندير فيهم غير الخير مراحش يشفوا املا منشقاش روحي وكي يكبروا يولي عقلهم لراسهم ثما غادي نخمملهم

دخلت لاش ننصحك لكن بعد ما شفت واش كاتبة حرت وعلاش مقلقة روحك باه يعرفو بلي انت امهم ماتخافيش يكبرو ويعرفو بصح وقتها مش راح يجو يجرو عندك بالعكس راح يزيدو يتعلقو بجداهم الي ربتهم وحنت عليهم وتعبت معاهم

وتلقيي انت دارك مسقمة ماكاش الي يخرب وراجلك راسو صحيح لانو مايحبش الحس تاعهم

ربي يهديكم يا أختي والله مش معقول روحي راجعي حساباتك مادامكم مش قادرين ليهم وعلاش جبتوهم وزيد نقولك الطفل يحس اكيد راهو حاس بلي انتم متضايقين منو حب يكون وين يحسو بالامان