" راني لقيتك "attente"او la ligne est occupéeمعامن كنت تهدر"

[*سندوسة*]

الموضوع اليوم اظنه مهم وعدم حله بالشكل المناسب يجعل الامور تتفاقم ويصعب بعد ذلك السيطرة والتحكم فيها وله عواقب ؟؟؟؟؟؟؟


للزوج ارتباطات ومشاغل وكذلك الزوجة بإقتحامها لعالم الشغل

والوقت الذي نعيش فيه يلزم استخدام الهاتف النقال لمختلف تعاملاتنا




فالزوج هاتفه ليس مخصص فقط لزوجته وهذا ما يجب ان تعلمه الزوجة

حتى اصبح الازواج يتفادون الموشحات التي يسمعونها كل يوم من زوجاتهم وهي " راني لقيتك "en attente "او la ligne est occupéeمعامن كنت تهدر"

وخصصوا هواتف اخرى لهن وهذا لمن استطاع اليه سبيلا


واحيانا العكس الزوجة عاملة وتضطر الى اجراء العديد من الاتصالات فذلك يجعل زوجها ينزعج بصفة دائما ويختلق لها المشاكل


ولكن لا نخفي الشمس بالغربال احيانا تكون قصص وكوارث وراء la ligne est occupée فتكون الزوجة او الزوج شكه في محله

المهم

انت اختي اذا اتصلتي بزوجك او خطيبة ووجدتي الخط مشغول ماهي ردة فعلك؟

انت اخي اذا اتصلت بزوجتك او خطيبتك سواء كانت عاملة او ماكثة بالبيت فماهي ردت فعلك ؟وهل تضطر اذا كنت خاطب الى فسخ خطوبتك منها اذا تكرر الامر ؟


ارائكم ونقاشاتكم تسعدني

[سفير الأيام]

المراة اللي قلبها في الدار بلاك تصرالها خطرة ولا زوج بصح هي اللي تنحي لراجلها الشك وتبعد هده التصرفات التي تفتح ابوابا جمة للشيطان

بكل صراحة لوكان تصرا معايا نحاول نحدرها ثم نغيرلها الرقم ولا نحي لها الهاتف النقال


وادا ما حبتش ربي يسهل لفراق ارحم

[*سندوسة*]

المشاركة الأصلية كتبت بواسطة سفير الأيام

المراة اللي قلبها في الدار بلاك تصرالها خطرة ولا زوج بصح هي اللي تنحي لراجلها الشك وتبعد هده التصرفات التي تفتح ابوابا جمة للشيطان

بكل صراحة لوكان تصرا معايا نحاول نحدرها ثم نغيرلها الرقم ولا نحي لها الهاتف النقال


وادا ما حبتش ربي يسهل لفراق ارحم

شكرا لك اخي

وبارك الله فيك
وربي يجعل لخير

[عابد لله]

علاش ما ينوحش التلفون ويروحو ارواهم في زوج؟ لكن من يضمن انه يقتني هاتف من ورائها او هي تقتني هاتف من ورائه؟ المشكلة انه لا يمكن مراقبة الطرف للاخر. لانه قد يكون لديه هالتف اخر وهناك طريقة وهي ان تجده يتكلم ولما تساله يقول لها لو كنت اردي اقامة علاقة لما استعملت هاتفي يا ذكية. وهنا" يفوتها عليها" والعكس ايضا. الهاتف والانترنت جرت علينا مصائب لا اول لها ولا آخر

[*سندوسة*]

المشاركة الأصلية كتبت بواسطة عابد لله

علاش ما ينوحش التلفون ويروحو ارواهم في زوج؟ لكن من يضمن انه يقتني هاتف من ورائها او هي تقتني هاتف من ورائه؟ المشكلة انه لا يمكن مراقبة الطرف للاخر. لانه قد يكون لديه هالتف اخر وهناك طريقة وهي ان تجده يتكلم ولما تساله يقول لها لو كنت اردي اقامة علاقة لما استعملت هاتفي يا ذكية. وهنا" يفوتها عليها" والعكس ايضا. الهاتف والانترنت جرت علينا مصائب لا اول لها ولا آخر

ذكرت اخي نقطة مهمة انا مابغيتش نذكرها باش مانظلمش الزوج ولي هي العبارة الشهيرة"لوكنت اريد اقامة علاقة لما استعملت هاتفي.....

هي مرات تصدق او تبين له انها تصدقه ولكن ليس كل مرة تسلم الجرة فالمراة هذه العبارة مثل تنبيه لها لما هو ات يعني تخليه في هواه حتى نهار لي تحكم عليه الدليل وتم ياويله وسواد ليله

[الألماسة]

اين الثقة بين الزوجين؟؟؟

[chouchou w]

بارك الله فيك موضوع قيم جدا بالنسبة ليا ميلقانيش نهدر منديهش معايا الموبيل كي نخرج ننساه.بالنسبة لزوج صديقيني كي نلقا يهدر انخليلو ميساج اعودلي تتم مي منكذبش عليك كيجي من برة منسقسيهش انروح انهز موبيل ونشوف مع من كان يهدر منحوسش انسقسي انطبق ديراكت لدرجة والف بهذه الطريقة سلام

[عابد لله]

صدقيقي قبائلي استاذ. كنا نجلس في المقهى قبيل المغرب واتصل باحد الزملاء لكي يحضر له عشاء للجماعه. اتصلت به خطيبته القبائلية ووجدته "en attente" فاتصل بها وكان السؤالك مع شكون كنت تهدر. فرمى الهاتف وهو يسب بالقبائلية - لم افهم ما قال- وشحر لي ماذا حدث وهكذا انتهت علاقته بها وتزوج من الجنوب ههههههههههه وهكذا صدر المثل العشبي الجديد : رب اوناتونت مصيبة لفتاة وفائدة لفتاة اخرى

[*سندوسة*]

المشاركة الأصلية كتبت بواسطة الألماسة

اين الثقة بين الزوجين؟؟؟

طاحت في كومة قش وحوسنا عليها مالقينهاش كي تلقليها سلمي عليها وقوليلها سندوسة يسمين قاتلك ماطوليش علينا الغيبة

اختي والله كي تتكرر مثل هذه المواقف تخليك تشكي رغما عنك

[*سندوسة*]

المشاركة الأصلية كتبت بواسطة chouchou w

بارك الله فيك موضوع قيم جدا بالنسبة ليا ميلقانيش نهدر منديهش معايا الموبيل كي نخرج ننساه.بالنسبة لزوج صديقيني كي نلقا يهدر انخليلو ميساج اعودلي تتم مي منكذبش عليك كيجي من برة منسقسيهش انروح انهز موبيل ونشوف مع من كان يهدر منحوسش انسقسي انطبق ديراكت لدرجة والف بهذه الطريقة سلام

وفيك بارك الرحمن اختي

لكن هل امر تفتيشك لهاتفه لا يزعجه ام تقومين بتفتشه خفية
شكرا لمرورك اختي

[*سندوسة*]

المشاركة الأصلية كتبت بواسطة عابد لله

صدقيقي قبائلي استاذ. كنا نجلس في المقهى قبيل المغرب واتصل باحد الزملاء لكي يحضر له عشاء للجماعه. اتصلت به خطيبته القبائلية ووجدته "en attente" فاتصل بها وكان السؤالك مع شكون كنت تهدر. فرمى الهاتف وهو يسب بالقبائلية - لم افهم ما قال- وشحر لي ماذا حدث وهكذا انتهت علاقته بها وتزوج من الجنوب ههههههههههه وهكذا صدر المثل العشبي الجديد : رب اوناتونت مصيبة لفتاة وفائدة لفتاة اخرى

ههههههههه مكتوبها كان مرتبط بالمصيبة "en attente"

بصح صاحبك تسرع لوكان هو عيطلها ولقاها "en attente" اكيد رايح يسألها هاد السؤال حتى ولو كان يثق فيها ثقة عمياء الا اذا كان لا يشعر بالغيرة على اهله

[ام نهوله]

كثيرا ما اتصل بزوجي و اجده مشغول لكن لم يخطر و لا مرة ببالي انه يكلم احداهن لكن انا نادرا ما يجد هاتفي مشغول
ربما ثقة حتى نهار نطيح على راسي ههههههههههههه و نقول وين راكي يا ياسمين

[eBusiness]

الشك يهدم الزواج وأرى أنه يتوجب أن تكون هناك ثقة بين الأزواج لكن إن وصلنا لهذا فأنا لدي الحل... يمكنني أن أحصل على قائمة جميع المكالمات التي تجريها وأعرف بالظبط مع من تتكلم دون حتى أن أسألها ثم هناك برمجيات يمكننا تتبيثها على الحاسوب وعلى الهاتف لمعرفة كل ما يقال بالصورة والصوت... لكن صراحة إن لم تضع الثقة في زوجتك فطلقها أحسن وجمعة مباركة والسلام عليكم.

[oum anas 69]

أنا عادي جدا نعيطلونلقاه أكوبي ساعات نخليلو مساج و ساعات مانخليلوش خطرش يعاودلي و مانسقسيش مع من كان يهدر
و أنا تلفوني ديما ناسياتو مرمي خطرش واحد مايعيطلي فيه لي يسحقني يعيطلي في الفيكس بحكم أني مانخرجش بزاف و إذا عيط زوجي و لقاني نهدر .. عارف مع من كنت يا صديقتي يا أمي في البلاد نورمال جامي يزعف
أنا من طبيعتي لا أرد على أي مكالمة مثلا أصدقائه عمري مانرد عليهم و مايعرفوش لا صورتي و لا صوتي هكذا تربينا

[*سندوسة*]

المشاركة الأصلية كتبت بواسطة ام نهوله

كثيرا ما اتصل بزوجي و اجده مشغول لكن لم يخطر و لا مرة ببالي انه يكلم احداهن لكن انا نادرا ما يجد هاتفي مشغول
ربما ثقة حتى نهار نطيح على راسي ههههههههههههه و نقول وين راكي يا ياسمين

بعيد الشر اختي

ان شاء الله ربي يدوم الهنا والسعادة بيناتكم

شكرا لك اختي نورتي الموضوع