مشكلتي مع أخي

[مشكلتي]

السلام عليكم ...
أنا شاب عمري 22 سنة طالب جامعي
المهم مشكلتي هي أنه أقطن في مسكن مع أخي و أمي و أبي و أختي الصغيرة و لكن أبي و أمي و أختي سوف يرحلون إلى مدينة أخرى في الصيف المقبل و هو سكن كبير ذو طابقين و مريح ..المهم أخي راه حاب يتزوج في الربيع و لكن قبل يومين كان منارvي بزاف و قال لأمي غادي نأجل العرس حتى الصيف باش نسكن وحدي و متسكنوش معايا مع العلم أن هذا المسكن هو لأبي و المشكل الأكبر أنا راني مخطط باش نقعد فيها لأنه هو مسكن للعائلة و ليس له ...و أنا لا أستطيع أن أنتقل مع الوالدين لأن الدراسة و الأصدقاء و مكان الولادة و تعودي هو بالمسكن الذي نقيم فيه حاليا .. فأنا نحشم من خويا و مارانيش عارف واش ندير أرجوا النصيحة

[الاءنهال]

ساهلة قول الباباك انت في الطابق الارضي وهو في الطابق العلوي ولا العكس

[tayma20]

هدر معا خوك بالتي هي احسن وما تقعدش تقوله هادي درا العايلة وانا عندي الحق والهدرة الزايدة راهي تخلط كلشي قولو انا نتمنى نسكن ان وياك كيف كيف لأنو عندي قرايتي وصحابي وراني موالف هاد السكنى نسكنو مع بعض ولي ثقيل عليك خفيف علي والعكس راك فاهم لازم دايما الواحد يجيبها بالملاحة لأنو ماكانش كيما لخو وان شاء الله يقبل وتسكنو مع بعض وربي يوفقك لما يحب ويرضى

واذا ما حبش فالخيرة فيما اختاره الله تعالى لأن الله يريد وأنت تريد وما يكون الا ما يريده الله عز وجل المهم ما تخسرش خوك مهما كانت النتيجة الله يخليكم لبعض

[الصديق قروف]

خوك حاب اسكنا هديك على جال باش يسكن وحدو فرات . ولا عندو خدمتو قريبا ليها
اذا كان يخدم ثما خليهالو
ولكان غير باش يسكن وحدو يقدر يروح لسكنة لخرا عادي ونتوما ابقاو في هاديك راكم عايلة سغيرة
متقلوش حاب نسكن معاك راه ماتصلحش تسكن معاه
انا منرضهاش في بلاصتك وبلصتو
مرتو تبقا اجنبية عليك متسكنش معاها

[Princess Fiona]

خوك خوك ولا يغرك صاحبك !
اتفاهم معاه بالتي هي أحسن .. و فيها خير ان شاء الله
ربي يخليكم بلبعض

[papino]

لا شيئ افضل من الصراحة ناقش الموضوع مع والدك و اخوك و القضية ليس فيها كبير ولا صغير الحشمة هادي هي تكبر الموضوع من بعد اضرب الحديد و هو سخون لا شيئ افضل من النقاش و ربي يجيب الخير اكيد .

[soundouss86]

انصحك اخي ان تنظر الى الامر من جانب الأولويات و الصالح العام للعائلة ككل دون أنانية
و الله الموفّق

[abdelka22]

خويا أنا نقلك قعد فالدار لي راك فيها و سناه حتى تخرج من فمو ..تماك يبدا النقاش على هذا الموضوع ..ياك أنت راك مايح معاه و علاش يخرجك من داركم

[oprah]

مليح الواحد يبعد شويه باش يزيد يتعلم ماشي يقعد في نفس مكان لي زاد فيه
أسكن مع والديك و في وقت العطل أرواح كضيف عند خوك و أشبع من صحابك
هكدا يقلك خويا باغي يحرم عليا
تبانلك صعيبه بصح وين ماراحو الوالدين روح أنت
يعني فارقت الوالدين و مقدرتش تفارق صحابك؟؟؟؟؟؟؟؟؟؟؟؟؟

[عائشة 88]

عليك بلغة الحوار افهم منو واش حاب هو حاول متخسرش خوك وزيد لوكان يقولك هو اقعد معايا في البيت كيفاش انت تقبل راك اجنبي على زوجتو وكي يكون هو خارج البيت انت وين تبقى لازم تشوف جميع الجوانب احسن حل خلي علاقتك مع خوه طيبة وروح مع والديك والراي يبقى ليك.............

[Orchidia]

المشاركة الأصلية كتبت بواسطة الاءنهال

ساهلة قول الباباك انت في الطابق الارضي وهو في الطابق العلوي ولا العكس

أفضل حل وكله بالحسنى و الاقناع و الهدوء
بالتوفيق ان شاء الله

[ensberg jupi]

المشاركة الأصلية كتبت بواسطة seddik 3223

خوك حاب اسكنا هديك على جال باش يسكن وحدو فرات . ولا عندو خدمتو قريبا ليها
اذا كان يخدم ثما خليهالو
ولكان غير باش يسكن وحدو يقدر يروح لسكنة لخرا عادي ونتوما ابقاو في هاديك راكم عايلة سغيرة
متقلوش حاب نسكن معاك راه ماتصلحش تسكن معاه
انا منرضهاش في بلاصتك وبلصتو
مرتو تبقا اجنبية عليك متسكنش معاها

تقلوش حاب نسكن معاك راه ماتصلحش تسكن معاه نا منرضهاش في بلاصتك وبلصتو مرتو تبقا اجنبية عليك متسكنش معاه الاخ الي يحب يسكن وحدوا يشمر على يديه كيما يقولوا و لا يطمع في دار العائلة التي هي حق للجميع

[nour beyane]

تصارحوا الآن قبل ما يكبر الموضوع لكن بالعقل وحسابات المستقبل......