التقارب البنكي ساهل اختي ركزي برك
شوفي اعتبري نفسك مديرة في مؤسسة و راكي تتعاملي مع بنك هو يدي من عندك دراهم (مثلا حطيتي دراهم في البنك ولا واحد حولك دراهم) و انتي تاني تدي من عند البنك دراهم (مثلا اقتراضات) الوغ هادا السلف و كامل يسجل عند في اليومية و البنك كيما تعرفي تاني عندو يومية يعني كيف الشركة كيف البنك في زوج مؤسسة و في زوج عندهم يومية الوغ
دروك انت سجلتي قاع المبالغ و كاش مرة من ليام نسيتي ممركيتيش كاش دراهم دخلوك ولا انت معلابالكش بلي دخلوك دراهم من عند كاش زبون كنتي تساليه دروك منين معلابالكش مغدي تسجلي والو في اليومية تاعك بصح البنك سجل العملة .... ولا انتي جاك شيك من عند زبون و مخرجتيش دراهم بغيتي تخلي شيك عندك و مركيتي في اليومية بلي جاك زبون و خلصك الوغ كيما هاك انت سجلتي الشيك بصح البنك معلابالوش بلي جاوك دراهم .......
هاكا نجو نشوفو عندك و عند البنك منلقاوهمش كيف كيف انت مسجلة شيك و هو معلابالوش و هو مسجل تاني دراهم لي دخلو و انت معلابالكش دروك يسرى خلل و الارصدة مجيش متشابهة ....
دروك انت ديري طابلو و البنك يدير طابلو
انت سجلي الرصيد الاول و زيديلو دراهم لي سجلهم البنك
البنك يسجل الرصيد الاول و يزيد يسجل الشيك ليراه عندك
في التالي تلقاو كيف كيف المبالغ عندك و عند البنك و هادا هو المطلوب
( تقرير عن مشاركة سيئة )، و الموجودة أسفل كل مشاركة .
2015-03-05, 11:00
التقارب البنكككككككيييييييييي
العرض العادي
