هل يعقل هذا

[مشكلتي]

افتاة في 25 من العمر.طبيبة محجبة ذات سمعة طيبة و لله الحمد

اتت امراة تعمل معي لتقول لي ان قريبها يود خطبتي. هو يعرفني لكنه يريد رؤيتي و التحدث معي
تم ذلك في حظورها و التقنا لبضع دقائق..صراحة ارتحت له رغم اننا لم نتحدث كثيرا
قبل ذهابه قال لي هل ستعطيني رقمك لاعرف جوابك ام ستتحدثين مع قريبتي فاخترت الاختيار الثاني.
قال لي موافق وعليك ان تفكري و حتى انا سافكر
اتصلت بي بعدها صديقة تود خطبتي لقريبها فاعتذرت و لم ارد حتى ان اعرف من هو لان شخصا يود التقدم لي و قد ارتحت له ولست من النوع الذي يلعب على الحبلين رغم انه من حقي الاختيار و مازال ما مديتش الكلمة..
المهم
التقيت بقريبته بعد ايام لتقول لي انه مازال يفكر و ان شخصا دله على فتاتين اثنين من غيري " كوداتلي عقلي " كيف له ان يرى 3 فتيات في نفس الوقت ثم يختار هل هذا عادي ....لم اجبهاو قلت انني مازلت افكر رغم انني كنت ساوافق مبدئيا و اطلب منه التحدث لابي الذي بدوره سيكون له راي هو و امي...قالت انها ستتصل ما ان تحصل على اجابة.

انا خلاص قلبي هرب و لم اعد مرتاحة له

ما رايكم ..كيف ساجيبها ان كان جوابه بنعم...لا ارى احسن من الصراحة ...ساقول ان الامر لم يعجبني و اشرح الاسباب

[R_lily]

مليحة هادي يشوف 2 اخرين باه يقرر ، انا منك تعاودلي نقولها ما بيناتناش نصيب و ربي يجيب من جهة اخرى

[amel03l]

ياخي حالا ياخي ..عيش تشوف عيش تسمع ..حسبكم سلعة و الا راح يشتري سيارة..امقت هذا التفكير و انتي و زهرك من كانت الاجمل و الاصغر و ذات القوام الذي يعجبه و المهنة المناسبة له سوف يختارها ...عن نفسي اكره ان اكون في موقف كهذا لسن سلعة للاختيار و نصيحتي لك لا تتاثري بكلامنا و استخيري الله ممكن فيه خير وان بقيتي غير مرتاحة بعد الاستخارة اخطيك منو باين داير قيمة برك لعمرو و بنات الناس سلعة و راه يخير

[doba]

اخطيك منو يا اختي

[براءة سامية]

لا تقبلي من هدا التصرف توضح أمره

[ouissamak]

لو كان انسان خلوق كان انتظر ردك ثم يذهب للبحث على اخرى هاذي في حالة جاوبت بالسلب
انا ارى انه فعل ذلك حتى يختار من الاصغر والاجمل وووووو
اختي انا لو كنت مكانك لقلت انني لست سلعة
ربي يرزقك الزوج الصالح

[زبدة ذايبة]

هذا يعني


أن هذا الإنسان مايهموش حتى تعرفي بلي شاف وحدو اخرات

يعني

انت ولا إنسانة أخرى مايهمش

يعني

بالعربي


ماكالاه تربي عليه الكبدة من ضرك

أعط لنفسك الفرصة حتى يجيك الشخص ليك شخصيا ماشي يجيك شخص يريد أداء الخدمة العسكرية

يعني

شخص يحوس يدير الواجب الزواجي

يشوف سعيدة ومسعودة وسعاد وسعدية ومريم ومريامة ومرام ...إلخ في وقت واحد ومن بعد يدير القرعة بيناتكم ولا يدير حينجي وبينجي أما تدي هذ ولا!!!!!!!! هذي


أنت ماشاء الله على حسب وش وصفت أعط لنفسك الفرصة وماتربطيش روحك عاطفيا ومن بعد يخليك في بداية الطريق لأن هذا الشخص يحوس على إمرأة تكون عندها مؤهلات خاصة

يعني


إذا ماشي سعيدة مسعودة ولا سعدية ولا ....إلخ وكي شوف بلي كامل قبلوا بيه يبدا دير حينجي وبينجي

[ام نهوله]

يا اختي هو من حقو الاختيار لكن بعد ما ترديلو انت الرد بالسلب اما انه يختار بالجمله فهذا مرفوض من جهتي

[happy luck butterfly]

طيشي عليك لازم المراة هي لي تشوف العروض و تخير ماشي الراجل
وزيدي قلتي بلي يعرفك علاه راح شاف اخرى
هدا قاعد يخيط على قياسو
وباش ما تندميش صلي الاستخارة

[nasser26]

علاش كامل تخمو بالسلب ؟

انا نضن على حساب عقلية بعض الرجال ممكن انتي طولتي عليه بالرد حس انك ماكشي موافقة ومقدرتيش تقولي ... انتي تان راجعي معاملة تاعك ... انا وحدة طول متردليش الخبر ندير فبالي اهي تخمم في جهة اخرى اكيد نبدا نبعد تفكيري عليها

دوك الاجابة اهي عندك انتي شوفي طريقتك لي حكيتي بيها معاه وتان شحال المدة ومزالك ما رديتيلو ... ومتنسايش صلاة الاستخارة ومديريش على بعض الردود لي راني شفتهم وكأنو البنات خلاصو من هذا العالم

[nilly]

ولمادا الاستغرااب هو لا يكن لك اي مشاعر حتى يختارك انت وينتظر منك رد هو اراد زواج وطلب من قريباته هدا وزل واحدة تجيبله واحدة واكيد هويشوفهم ويختار واحدة منكم هدا طبيعي

هو لم يختارك بعقله وقلبه بل هو يريد زواج بصفات معينة ويبحث عنهده صفات ومن حقه ان يختار بين عدة بنات ام انك حسيتي حالك بسوق وكسلعة لكن احساسك كان متاخرا
مادا تنتظرين من رجل يطلب من نساء ان يزوجونه غير هدا؟؟ انا استغربتي لك بصراحة ؟ وهل تظنين انه سوف يتعلق بك بمجرد كلمك لدقائق اكيد لاء
لا يوجد انسان عاقل يحكم على اخر بمجرد الحديث معه بلقاء معتمد اكيد هو حفظمادا سوف يقولك لك وانتي ايضا حفظتم سيناريو ودرستموه جيدا ولقاء لبينكما لا ياتي باي نتيجة فكري جيدا

سلام

[samy algerien]

واش هذا راح يشري سيارة او موبايل .

[عابد لله]

المعذرة دكتورة، المفروض لا يتقدم اليك حتى يسال عنك وبعدها يتقدم إليك مباشرة بعد الرؤية. وما دام قد رآك ولكنه يبحث في جهة اخرى ويقلب فالاصح انك تنسي موضوعه ولو بقي هو فقط رجل على وجه الدنيا. يعني اذا وجد من هي افضل منك شكلا لا يفكر فيك؟ تفكير اعوج ولا يقبله عقل

[azzoua]

هذا تصرف سيئ
ومن جهة اخرى انا مقبل على الزواج فاذا وافقت فانا مستعد للرؤية الشرعية لغرض الزواج على سنة الله ورسوله .

[mrmilano1984]

اوههههههههههههههههههههههههههههههههه عاي الناس رجعو الزواج هدا مانعرف انا والله مامتزوج نبقي هاك راني براسي وبراحتي وحدة ماتكسرلي راسي وتقولي تا تا تا وووو كل وحدة وعقلها كفاه داير وتخمامها كفاه داير وحدة تعيش معاك باش تعبش وحدة تعيش معك فوق القلب وهي عقلها مع وحداخر وحدة تعيش معاك ودايما مشاكل معاها
لاحول ولاقوة الا بالله واحد يريح وحدو الحمد لله مع هادو النسا غر التشناف والتكسال والتوسويس ويطلعو ويهبطو يحسبو غر هما لي نفسهم عزيزة