توحشتكم صحابي تاع المراسلة وين راكم

hamza touazi · 2015-01-01, 20:52

السلام عليكم لجميع الاوة في المنتدى الغالي اللي قظيت فيه يمكن اربع سنوات من بداية دراستي الى الحمد لله نجاحي وحصولي على البكالوريا كنت يوميا هنا بمواظيع واسئلة ونقاشات مع كل الاعظاء اين انتم احكولي واش راكم دايرين فيها جايبينها واش ماكمش فاهمين واش احكولي كلشيئ شكون راه شافي عليا

~~هيام الريحان~~ · 2015-01-02, 18:35

السلام عليكم سامحني على التدخل يعني قلت صحابك بصح معليش انا اختك في الله
اولا لن انسى معروفك معي فبفضل تحفيزاتك انا اليوم ادرس بالمراسلة بعد ما فقدت الامل نهائيا ربي يكثر خيرك ان شاء الله
ثانيا منتدى المراسلة حاليا في حالة خمول بل وفاة رانا راقدين نستناو في شهر ماي ولا واحد فينا راه يحط مواضيع تفيد الاخرين
شكرا لكسلام

تائبة لله تعالى · 2015-01-02, 19:21

السلام عليكم
الدراسة بالمراسلة دراسة سهلة للغاية
لكن الايام الماضية الموقع مرة يفتح ومرة يغلق ولهذا بدانا نملوا من الدراسة قليلا
لكن هذه الايام تشجعنا جدا
جازاك الله خيرا

hamza touazi · 2015-01-03, 09:21

اقتباس:

السلام عليكم سامحني على التدخل يعني قلت صحابك بصح معليش انا اختك في الله
اولا لن انسى معروفك معي فبفضل تحفيزاتك انا اليوم ادرس بالمراسلة بعد ما فقدت الامل نهائيا ربي يكثر خيرك ان شاء الله
ثانيا منتدى المراسلة حاليا في حالة خمول بل وفاة رانا راقدين نستناو في شهر ماي ولا واحد فينا راه يحط مواضيع تفيد الاخرين
شكرا لكسلام

اكيد انت اختي في الله وكلكم اخوتي اتشرف بدلك العفو انا مادرت والو كما عاونوني ناس نعاون بلي نقدر عليه احكيلي واش من سنة راكي كفاش راكي منظمة روحك واش ديد المراسلة توحشت هدوك الايام ربي يوفقك ان شاء الله

hamza touazi · 2015-01-03, 09:57

اقتباس:

السلام عليكم
الدراسة بالمراسلة دراسة سهلة للغاية
لكن الايام الماضية الموقع مرة يفتح ومرة يغلق ولهذا بدانا نملوا من الدراسة قليلا
لكن هذه الايام تشجعنا جدا
جازاك الله خيرا

وعليكم السلام اخي في الله ليست سهلة والله صدقني لازم تتعب باش تنال قصدي بلاك راك في المتوسط ولا الثانوي صح كاين الغش كمي تلحق الباك ءتتكل على قرايتك مكاش الغش وربي يوفقكم ان شاء الله تنح كي دير حاجة فراسك والله

تائبة لله تعالى · 2015-01-03, 11:11

السلام عليكم
بارك الله فيك
انا طالبة في اولى ثانوى شعبة اداب
واول سنة هاذى ادرس بالمراسلة
الدراسة حسيتها سهلة جدا لكنى اجد صعوبة في حفظ المواد وبالاخص مادة التاريخ
لا اعرف كيف احفظه التواريخ والاحداث به ياسر والله المستعان
اما بالنسبة للرياضيت افهمها جيدا الا حل المعادلات والمتراجحات فقط هذه الصعيبة على
لذا ن كنت تفهم هذه المواد فساعدنى فيها وبارك لله فيك

*رتاج الكعبة* · 2015-01-03, 14:25

اهلا اخي حمزة واش راكي احكيلنا كيف الاحوال مع الدراسة في الجامعة ؟؟
العام اللي فات كنت كل المواضيع اللي تفيدني نحطها فالمعلام ولكن هاد العام سجلت كمترشحة حرة ادعولي بالنجاح
نسال الله لكم التوفيق والنجااح

~~هيام الريحان~~ · 2015-01-04, 14:37

سلام عنك الحق خويا حمزة الدراسة بالمراسة صعيبة انا اول مرة نقرى بالمراسلة واول مرة نقرى الفلسفة صدقوني مالقيتش راسي معاها عدت نشوف في روحي متخلفة بزاففففف
انا نقرى ثانية ثانوي اداب وفلسفة والواقع مرير بديت نمل من لقراية نهز الكراس والشيطان يجي يقلي راهو جا المسلسل لفلاني روحي تتفرجي وساعات نقول لازم نقرى سكارة فالناس يلي شتاوها فيا وقالو الشح فيها حابة نقرى علاجالهم باه نجيب الباك على الاقل ولما لا شهادات جامعية اخرى ربي يوفقنا ان شاء الله
سلام

hadjer hadjora · 2015-01-07, 10:35

اقتباس:

المشاركة الأصلية كتبت بواسطة هيام الريحان

سلام عنك الحق خويا حمزة الدراسة بالمراسة صعيبة انا اول مرة نقرى بالمراسلة واول مرة نقرى الفلسفة صدقوني مالقيتش راسي معاها عدت نشوف في روحي متخلفة بزاففففف
انا نقرى ثانية ثانوي اداب وفلسفة والواقع مرير بديت نمل من لقراية نهز الكراس والشيطان يجي يقلي راهو جا المسلسل لفلاني روحي تتفرجي وساعات نقول لازم نقرى سكارة فالناس يلي شتاوها فيا وقالو الشح فيها حابة نقرى علاجالهم باه نجيب الباك على الاقل ولما لا شهادات جامعية اخرى ربي يوفقنا ان شاء الله
سلام

السلام عليكم

ادا راكي تقراي على جال الناس ما تروحيش بعيد لكن ديري في بالك تقراي لنفسك باش تنجحي و دوقي طعم النجاح

و تفرح و تفرحي اهلك و الدين نجحوا قبلك ما راهم عباقرة ولا خارقون

فقط نضموا وقتهم ودرسوا بكل جدية و ما ضيعوش وقتهم مع المسلسلات ا

المسلسلات ما راهمش رايحين يخلاصوا يخلاص واحد يبداو 10

لكن انت اللي وقتك اللي روح ما راحش يعود

اتعبي الان واجتهدي لكي دوقي طعم الراحة بعد التعب

و ديري مليح في بالك عندك فرصة لا تعوض بقلك عامين 2 و تعقبي الباك

كثير من الناس ما عندهمش هاد الفرصة ادا لا تضيعيها هباءا

وعندك عطلة تاع الصيف طويييييييييييييييييييييييييييييلة و ترتاحي

و اصحاب المسلسلات ما راهم غير ديروا في الدراهم على حساب الناس اللى مشي واعيين

بالتوفيق لكي و للجميع ان شاء الله

~~سعيدة02~~ · 2015-01-10, 11:23

بالتوفيق للجميع

~~هيام الريحان~~ · 2015-01-10, 14:36

اقتباس:

المشاركة الأصلية كتبت بواسطة hadjer hadjora

السلام عليكم

ادا راكي تقراي على جال الناس ما تروحيش بعيد لكن ديري في بالك تقراي لنفسك باش تنجحي و دوقي طعم النجاح

و تفرح و تفرحي اهلك و الدين نجحوا قبلك ما راهم عباقرة ولا خارقون

فقط نضموا وقتهم ودرسوا بكل جدية و ما ضيعوش وقتهم مع المسلسلات ا

المسلسلات ما راهمش رايحين يخلاصوا يخلاص واحد يبداو 10

لكن انت اللي وقتك اللي روح ما راحش يعود

اتعبي الان واجتهدي لكي دوقي طعم الراحة بعد التعب

و ديري مليح في بالك عندك فرصة لا تعوض بقلك عامين 2 و تعقبي الباك

كثير من الناس ما عندهمش هاد الفرصة ادا لا تضيعيها هباءا

وعندك عطلة تاع الصيف طويييييييييييييييييييييييييييييلة و ترتاحي

و اصحاب المسلسلات ما راهم غير ديروا في الدراهم على حساب الناس اللى مشي واعيين

بالتوفيق لكي و للجميع ان شاء الله

مشكورة حبيبتي والله كلامك فيقني ربي يجازيك ان شاء الله

RACHID 07 · 2015-01-13, 20:29

السلام عليكم اخوتي اخواتي
انا ايضا اول مرة نقرا بالمراسلة سنة ثانية ثانوي اداب وفلسفة واول مرة نقرى الفلسفة
انا من المفروض ادرس بواسطة القرص المضغوط لاكن والله لم يعطوني الدروس لا بالقرص لا كتب طلبت القرص لاني سددت التكاليف ومسجل عادي لاكن قالو ان الاقراص غير متوفرة لحد الساعة لم اتحصل على الدروس ودخلت للمعلام بصراحة لم اجد مايفيد كيف سادرس بدون دروس لا اعرف والله راني نبحث في المنتديات ونحاول نشوف دروس الي نلقاها ان شاء الله مايروحش تعبنا في الباطل فقط

~~هيام الريحان~~ · 2015-01-14, 09:19

اقتباس:

المشاركة الأصلية كتبت بواسطة rachid 07

السلام عليكم اخوتي اخواتي
انا ايضا اول مرة نقرا بالمراسلة سنة ثانية ثانوي اداب وفلسفة واول مرة نقرى الفلسفة
انا من المفروض ادرس بواسطة القرص المضغوط لاكن والله لم يعطوني الدروس لا بالقرص لا كتب طلبت القرص لاني سددت التكاليف ومسجل عادي لاكن قالو ان الاقراص غير متوفرة لحد الساعة لم اتحصل على الدروس ودخلت للمعلام بصراحة لم اجد مايفيد كيف سادرس بدون دروس لا اعرف والله راني نبحث في المنتديات ونحاول نشوف دروس الي نلقاها ان شاء الله مايروحش تعبنا في الباطل فقط

ان شاء الله خويا رشيد بصح كي تدخل في المعلام راك تلقى دروس في كل مادة مثلا اضغط على الفلسفة يجيوك الارسالات كاين دروس يخرجو عادي وكاين دروس مايمشيوش

abdou89alg · 2015-01-19, 11:50

هل صحيح ان الكتب الخاصة بالمراسلة للسنة الثالثة ثانوي اداب و فلسفة ندوها معانا كي نروحو للامتحان في شهر ماي؟؟

RACHID 07 · 2015-01-19, 23:47

شكرا ربي يحفظك اختي هيام الريحان راني ندخل للمعلام لاكن نضن مش كل الدروس موجودة هي بعض الدروس فقط ويصعب فهمها
ربي يوفقنا ان شاء الله وينجح الجميع يارب