ابنتي تعاني من الحمى والاسهال ساعدوني

[جوهرة الغرب.]

السلام عليكم
الله يخليكم بنتي عندها 7 اشهر والبارح كان راسها سخون وعندها اسهال كي درتلها شميعات زاد عندها الاسهال وكي عطيتها السيرو افريلغان ولات تتقيا مافهمتش اسكو هذه هي اعراض ظهور الاسنان وواش لازم نديرلها ؟؟؟ راني غي مع السربية نحطهالها على راسها باه تلقى خاطرها حبيبتي البارح قاع مرقدتش ....ارجو المساعدة انا ام جديدة

[Simassim]

جوهرة يمكن. السنين عندها حاولي تخفظيلها الحرارة اعطيها البراسيتامول ونفخي التقاشر بالخل ولبسيهملها ومتلبيسلهاش بزاف القش خليها غي البودي وسروال خفيف حتى تهود الحرارة
ادا مانزلتش مديلها advil او نص ملعقة صغيرة زيت سانوج
ادا كانت لثة منتفخة بزاف تكون من السنين واذا ماكنتش منتفخة ديها لطبيب ادا طولت الحرارة احسن يمكن يكون بوحمرون او بؤ شوكة او ممكن ودنيها. الطبيب هو يقدر يعرف
ربي يشافيها ويعافيها يارب

[fadi02]

اديها للطبيب واش راكي تسناي هده ليامات كامل الدراري راهم مراض

[kikimnarim2]

لازم يشوفها طبيب

[ام مهدي 03]

اختى اسرعى بيها للطبيب قادرة تنشفلك. هكدا صرات لبنتى العام لى فات فى 24 ساعة قريب نشفت وكى ديتها للطبيبة بعثتنى مباشرة للسبيطار كى ديتها دارولها السيروم تعرفى قالولى لكان زدتى طولت ساعة راهم حبسو كلاويها. ربى الى ستر مستحيل ننسى هديك الضربة قعدت بيها 4 ايام وهى غير بالسيروم وهدا كامل من تنبات السنين .جبت 2 اولاد قبلها وما داروش هكدا
اطهلاى فى بنتك

[(( هبة الرحمن ))]

السلام عليكم
في هذه السن لن يكفيك الطبيب وراح تملي لأن البنت في مرحلة حمى ومرض بحكم الأسنان ...شوفي أختي هذه خطوات اتبعيها وبإذن الله راح تنفعك
غلي الماء واعطيها تشرب باستمرار ( ماشي الماء المعدني ....غلي وحدك فالدار )

لإيقاف الإسهال أنصحك بالامتناع عن إعطائها الحليب ليومين والياغورت ( قد ما يروح الاسهال ) لأن الحليب يزيد منه
مكان الحليب غلي الأرز ارضعيها ماء الأرز + وكليها ثاني منه.....ما توكليها والوا من غير الأرز ( كي شغل تغسليلها كرشها )
الحمى
ديري تحميلات وحدة بصفة عادية
واحدة احكميها و ادهني لها صدرها ...صدقيني والله لن تندمي راح ذوب في صدرها من الحرارة
خذي جوارب ابنتك بلليهم جيدا بالخل ( ما تكونش مجروحة من رجلها ....لبسيلها الجوارب راح الحمى تنزل على الفور

إياك والكمادات الباردة ( تخلع البنت كي تكون فيها الحمى ) عليك بكمادات على الرأس تكون تقريبا دافئة

جربي اليوم واش قلتلك إذا منا الغدوة ما ريحتش اديها للطبيب

ماترقديش فالليل راقبيها باستمرار واستعملي التارمومتر وقيسي درجة الحرارة ..
ربي يشفيها

[رَكان]

المشاركة الأصلية كتبت بواسطة ღجوهرة الغرب ღ

السلام عليكم
الله يخليكم بنتي عندها 7 اشهر والبارح كان راسها سخون وعندها اسهال كي درتلها شميعات زاد عندها الاسهال وكي عطيتها السيرو افريلغان ولات تتقيا مافهمتش اسكو هذه هي اعراض ظهور الاسنان وواش لازم نديرلها ؟؟؟ راني غي مع السربية نحطهالها على راسها باه تلقى خاطرها حبيبتي البارح قاع مرقدتش ....ارجو المساعدة انا ام جديدة

قبل الحديث عن أي شيء أسألك ايتها السيدة ..
هل عندك thermométre فالدار ؟
إن لم يكن عندك فسارعي لأقرب صيدلي واقتني 2
واحد خبيه في أضمن مكان والآخر ضعيه بجنب ابنتك ...
الحمى كارثة ..وعواقبها وخيمة لاأراك الله ...يجب أن تراقبي حرارة ابنتك بصفة دورية ...واحذري أن تتحسسي حرارتها بيدك مثلما تفعل الكثير من النساء ...
غيره أعتقد أن الأمهات المجربات سيفدنك بما يتوجب فعله مع حالة الإسهال وربي يشافي ..

[salii24]

الطبيب ما تستنايش

[ام نهوله]

بما انني خرجت من هذه المعاناه لتوي انصحك باخذها للطبيب المختص في الاطفال بالاكي تستهزاي