اين اجد شومبينيو تاع الحب في سطيف لي دارتو الهام حساء

[مسعودي خولة]

السلام عليكم حبيباتي اليوم عنديعرضة للعشاء ونحوس ندير حساء الفطر الفاخر لالهام لكن مالقيتش الفطر كيما تاعها و انا مانحبش نغير في الوصفة قالت اني نلقاوه في سوق 1014 بالصح ماعرفتش وين لي شراتو ولا عمبالها وين يتباع تقولي وربي يجازيها الف خير في هذه الجمعة مع العلم اني ساكنة في سطيف

[lahna moka]

أختي تقدري تعوضيه بالفطر المعلب يجي كامل

[إلهام07]

صباح الخير أختي
ضحكتيني على الصباح مالا سخفتك ؟
حبيبتي تقدري تعوضيه بالفطر المعلب بصح أشري نوعية مليحة
اما إذا مصممة تشري الفطر الطازج راهو في مارشي 1014 منين يبيعو الخضر شوفي هذا هو المخطط كيفاش توصلي للطابلة اللي تبيع هذو الحوايج الغاليين :
فطر طازج ، فلفل الملون ، تشوينة ، طومات سوغيز ..........ويبيع أيضا حشاوش : كرافش ودبشة ومعدنوش ..........

[ام الهضاب]

يا اللهلوبة واحدك هههههه طباخة ماهرة و مهندسة جيدة و يا درا كاش مواهب اخرىىىىى هههههه ربي يشفيك و يحفظك لعائلتك آمييييييين

[MERIEMMERIEM]

Meme balak talgay fi marchi couvert wala marchi li fi chimino

[مسعودي خولة]

المشاركة الأصلية كتبت بواسطة إلهام07

صباح الخير أختي
ضحكتيني على الصباح :d مالا سخفتك :d:d:d:d؟
حبيبتي تقدري تعوضيه بالفطر المعلب بصح أشري نوعية مليحة
اما إذا مصممة تشري الفطر الطازج راهو في مارشي 1014 منين يبيعو الخضر شوفي هذا هو المخطط كيفاش توصلي للطابلة اللي تبيع هذو الحوايج الغاليين :
فطر طازج ، فلفل الملون ، تشوينة ، طومات سوغيز ..........ويبيع أيضا حشاوش : كرافش ودبشة ومعدنوش ..........

ربي يجازيك ان شاء الله هذا وين لقيت الرد تاعك خلاص عرفت البلاصة نشريه ان شاء الله بالصح راكي طولت الغيبة بزاف راني نستنى في وصفة حساء الشوفلور شوفلورة تاعي مسكينة قريب تقولي وكتا طيبيني وانا نقولها اصبري حتى تعطيني الهام الوصفة ههههههه ربي يرجعك لينا بخير