عقود ماقبل التشغيل في ولايتك

[mazaya]

السلام عليكم
حبيت نسأل الإخوة المشاركين في هذا القسم ، هل بينهم مشتركون جدد في العقود أم كلهم من الجيل الذهبي ؟
على خاطر عندي 5 سنين وهوما يجيبو بيا الوقت روحي وأرواحي وما مصحتليش لا في لانام ولا في لاداس ولا في الاستخلاف ،
على بالي بلي مقارنة بالجماعة الأخرى لي عنها 10 و15 عام وهي تستنى راني تسما لسع زايدة يعني مش من حقي نهدر مقارنة بيهم
بصح قعدت في خاطري و حبيت نسقسي علاش يقولولي راها مسكرة والغاشي رايح جاي ولي تخرجو بعدي خدموهم ؟
وآخر لقطة قالولي بلي منزيدش نعيي روحي بسبب تعليمة سلال ، ان شاء الله يسلو ربي
هل هذا الشيء في كل الولايات؟
وفي الاخير تحية اجلال واكبار للجيل الذهبي وربي يفتح عليكم بالخدمة لي تناسبكم

[احمد زيد 85]

السلام عليكم الله يوفقكم لما تحبونه وترضونه لبيت العبرة بعدد سنوات العمل لكن العبرةى في الحركة وعدم القنوط

[ريمة5]

عقود ما قبل التشغيل حل مؤقت فقط
اخر دفعة منهم جددو عقودهم هذا الشهر
وماراهمش رايحيين يفتحو في الوظيف العمومي لكن الاقتصادي راهم يفتحو
لكن لاداس راهم يمدو بصح بلمعريفة
ربي يفرج عليك وعلينا

[مهدي بن]

للأسف هذا الأمر في ولايتي كذلك
بالنسبة لاداس راهم يدخلوا بالمعريفة وحتى باش تسمع بلي فتحوا لازمك معريفة
أما لانام حدث ولا حرج
هنا في ولايتي المشكل في مديرية التشغيل للاسف
تجيب الموافقة من عند اللي رايح تخدم عندوا وكي توصلها للمديرية تحبس
حنا بدلولنا المدير قبل 15 يوم واللي راح دخل بزاف وراح
هذا درك ربي يستر

المهم ربي يجيب اللي فيه الخير

[mimi farah]

و الله راني كي ما نتوما عندي ثلاث سنين ملي تخرجت و كل ما نروح لانام مكاش و اللي تخرجو بعدي استدعوهم و كل ما تكون خدمة عيطلهوم و أنا والو بصح ربي يجيب الخير انشاالله المهم الانسان ما ييأس.