ادخلو سحقيتكم

[ouissamak]

سلامو لبنات واش راكم
تعيشو شريت هادي وماعرفتش واش نديرها
درت بيها طارت فواكه ماجاتش قاع بنينة
واش نقدر ندير بيها

[ouissamak]

حتى واحد ما قدر يجاوب ؟؟؟؟؟

[kahinab]

أختي صح هذي ماتجيش بنينة وحدها . شريتها مرة . ديريها في الكعكات . جينواز و أنصحك تزيديلها ملعقة مايزينة لأنها سائلة .

[ouissamak]

ايه تجي سائلة وماشي بنينة قلت بالاك الاخوات يعاونونا ويعطونا طريقة كا شما نزيدولها بالاك تتسقم

[ام تقي وهبة]

اختي هادي كريمة تحضيرها بخلط محتوى الكيس مع نصف لتر من الحليب البارد وتحطيها علي النار مع التحريك المستمر حتى تثقال وطفي عليها
تقدري تحشي بيها تارتولات أو كيك أو تعملي تحلية وتجي بنينة وفيها عدة أذواق
نتمنى نكون افدتك

[اﻻء الرحمن]

هادي كريم ديسير تزيديلها الحليب والسكر وتحطيها على النار حتى تثقال وزينيها كيما تحبي

[روضة 88]

وسام ادخلي لمواضيع نينفرات لي بعنوان menu لشهر رمضان تلقايها مدايرة بيهم 2 تحليات وحدة بالشيكولا ووحدة بالفراولة

[ouissamak]

تعيشو على الردود اني درتها ان شاء الله تخرج مليحنة

[لارا لولو]

تقدري ديريها في مكان الكريمة اللتي تجئ في تارتلات او شو

[ouissamak]

المشاركة الأصلية كتبت بواسطة روضة 88

وسام ادخلي لمواضيع نينفرات لي بعنوان menu لشهر رمضان تلقايها مدايرة بيهم 2 تحليات وحدة بالشيكولا ووحدة بالفراولة

يعطيك الصحة حبيبة دوك نحوس عليها

[wardaz]

كريم باتيسيار
بصح ماشي بنينة, نفضل نخدمها وحدي

[maryouma46]

اختي هاداك الكيس تخلطيه مع الحليب الكمية طبعا مذكورة ف الكيس والنشاء وتزيدلها السكر انتي ودوقك حسب الحلاوة لي تحبيها جربناها كتحلية وحدها ف رمضان مجربتهاش في حوايج اخرى

[امال 13]

اختي هاد يك الكريمة باش تجيك بنينة خلطيها مع الحليب وضيفلها السكر حسب الدوق و2ملاعق مايزينة متعمريهمش مليح وحطيها على النار مع التحريك المستمر كي تشوفيها تقالت نحيها وزيدلها مغرف مارغرين وخلطيها مليح غطيها ودخليها لثلاجة تبرد كي تشوفيها بردت مليح خرجيها ضيفلها 3الى 4 ملاعق شانتي وضربيها مليح بالباتور راح تولي عندك كريمة رائعة تستعمليها كتحلية او لطارط ملاحظة تقدري تزيدي معها لافانى

[ouissamak]

المشاركة الأصلية كتبت بواسطة امال 13

اختي هاد يك الكريمة باش تجيك بنينة خلطيها مع الحليب وضيفلها السكر حسب الدوق و2ملاعق مايزينة متعمريهمش مليح وحطيها على النار مع التحريك المستمر كي تشوفيها تقالت نحيها وزيدلها مغرف مارغرين وخلطيها مليح غطيها ودخليها لثلاجة تبرد كي تشوفيها بردت مليح خرجيها ضيفلها 3الى 4 ملاعق شانتي وضربيها مليح بالباتور راح تولي عندك كريمة رائعة تستعمليها كتحلية او لطارط ملاحظة تقدري تزيدي معها لافانى

شكرا اختي على الوصفة راح نجربها ان شاء الله بالاك مع الشونتيي تجي خفيفة وبنينة