انا في ورطة ياجماعة ادخلوا بسرعة

[chams 123]

انا مخدمتش في الفرض تع الرياضيات واكبر علامة في القسم تعنا هي 14 والاستاذة تعنا صححت الاوراق

لنصف القسم فقط اما الباقي ماعطاتلوش علامتو وانا عائلتي تقلي بلي راني حندي11من20 وانا كون ندي

هك بابا يققتلني وبمعنى اخر يريشني الله يخليكم ساعدوني اعطوني حل

[staifia]

ملا وجدي روحك للترياش هههههههههان شاء الله تدي كتر من 11
بصح علاش يريشك. يخي مش نهاية العالم مش مليح اللي يزير ولادو بزاف كاينلي يضربوهم سبحان الله

[djareche]

قولي لـ باباك بلي أكبر علامة القسم هي 14 باش يعرف

قبل ما يبدأ في تسخيــــــــن الماء باش اريشك، وأنا نظن راهوا مريشك في كل الحالات(هههههههه).

[يسرى 2000]

شحال واعرة صراتلي دارولي العرس فالدار ديت 14 فالعلوم وانا علمية وهي مادة اساسية مرقدتش ليل كومبلي من المعايرات والتبهدايل وواش منالتبهدايل ما عندي ما نقول وهذا لاني كنت اعلى علامة في القسم دوكان ماشي انا لي ديتها يصرا كثرمن هدا ربي معاك اختي ما تخافيش ان شاء الله تدي مليح

[chams 123]

يعن نتوما تمكروا فيا انا حنهبل ونتوما تتمسخروا بيا

[staifia]

والله ما نتمسخروا صح ههههههههههه
بصح وش رايحة ديري الخطرة الجاية قلو نجيب مليح وقلو كامل مداوش علامات مليحة

[youcefas07]

ربي يصبركم وربي يرزقك علامة ممتازة

[جوهرة الإيمان31]

انا على حساب رأيي اجتهدي في الفرض الجاي و حاولي تجيبي نقطة مليحة ربما عند رؤيتو للعلامة الثانية ما يعاقبكش

[ندوشةة]

ههههههههههه ماتقوليلوش على النقطة و خلالاص ههه

[rayane1999]

خب النقطة حتى الفرض 2 و دي مليح في 2 وخلاص وكي يسقسيك قوليلو الاستادة رح تمدنا النقطة تع الفرض الاول والثاني مع بعظاها

[rayane1999]

وادعي هدا الدعاء للنجاح في الفرض 2اختباراتي - متجدد - - منتديات الجلفة لكل الجزائريين و العرب

[rayane1999]

هدا هو الدعاءدعــــــــاء النجـــــــاح [الأرشيف] - منتديات خنشلة التعليمية

[rayane1999]

ورديلي بالخبر

[rayane1999]

السنة ثالثة متوسط

[ibtihal z]

سلام اختى عادى عوضيها فى مادة اخرى ومتقليلهمش عى النقطة اللى ديتيها والمرة الجاية حاولى تدى فيها اكبر معدل انشاء الله ربى ينجحك