انشغال

[زهرة الاركيد]

سلام عليكم انا لدي انشغال نتمني تتعاونوني باراكم انا تعين جديد كمتصرف اقليمي ولك ن المشكلة فاتت 6 اشهر ومزال ما لقيت واش نخدم وانا مرانيش حابة ندير المشاكل لروحي لانو الجميع انا فيتتهم في المستوي نتاعهم اقل مني لذالك واش نعمل كفاش تصرف انا رانيحابةنخذم

[sabine 1988]

اولا هنيئا لك المنصب
لازم تستفسري من رئيسك المباشر في العمل او المدير عن طبيعة العمل نتاعك وماتستفسري من حتى واحد اقل منك في المستوى لانهم اما ما يقدروش يفيدوك لجهلهم او حسدا منهم و ما يقوله مديرك هو الاساس وحاولي تتعلمي العمل و فنونه خاصة ممن لهم نفس منصبك او اعلى منه بذكاء لانهم مش راح يمدولك كل واش تحوسي الا باستعمال قليل من الحيلة منك

[ishak16]

الناس راهي تحوس على الخدمة بالريق الناشف احمدي ربي اختاه

[albert walid]

راكي مليحه اختي وزيد
راكي عاد في مرحلة تربص مزال مفات العام حتى تترسمي ديركت خليك مليحه هاكاك ومديريش المشاكل قد ماترتبي بمكانك
اصلا الجزائر قليل الى راه يخدم متصرف اقليمي اي بالبلدية ؟

[احمد زيد 85]

اختي الله يوفقك كما قال الاخ لاتسألي من هو اقل منك فانت في مرحلة تربص ومن الطبيعي لاتفهمي العمل .

[الياس محمد]

لا توجد خدمة واضحة للمتصرف الاقليمي انما هو اعملي ما يطلب منك في الوقت الحاضر ودون رفض أي عمل وان لم يطلب منك شيء يكفي الحضور اليومي حتى تترسمي ومن بعد يأتي الراحة والرقاد والشهرية طالعة والله يجيب الخير