مدرسة الدكتوراه.................

[kamal77]

السلام عليكم إخوتي الكرام و أتمنى لكم رمضان كريم....السؤال موجه إلى كل طلبة مدرسة الدكتوراة و إلى الأخت ماريا بالخصوص..
1/بما أن الشفافية كانت موجودة في مسابقة مدرسة الدكتوراة العام الماضي فكيف تفسرون نجاح زوجة أساذ معروف في كلية العلوم الإقتصادية بسطيف مع علمكم أنها أنهت شهادة الليسانس الموسم الماضي و كانت تدرس معي في نفس القسم و صدقوني أن مستواها لم يكن حتى يستحق شهادة الليسانس..
- هذا دليل من مجموعة الأدلة التي أملكها حول غياب معنى الشفافية عند مديرمشروع مدرسة الدكتوراة إدارة الأعمال و التنمية المستدامة الإمبراطور صالحي.
-هنا بمدينتي بسطيف و خاصة عند الذين يعرفون خبايا الكلية جيدا لم تعد تسمى مدرسة الدكتوراة إدارة الأعمال و اتنتمية المستدامة بل أصبحت تسمى مدرسة الدكتوراة إدارة المصالح وتنميتها نظرا لوجود الشفافية ..........و الفاهم يفهم.
*ملاجظة إلى الدكتور( كما يحب تسمية نفسه)االدكتور n12.
أظن أنك و منذ دخولك مدينة سطيف الجميلة و المتقدمة تحصلت على نوع من التقدم والتنمية و تجنبت التخلف و التأخر الذي كنت تعيشه في دوارك الشريعة بولاية تبسة و الملاحظ أنك أصبحت تحسن التكلم و إرشاد الأخرين و أنت مجرد طالب لا غير.... هذا و إن دل على شيء إنما يدل على فضل مدينة سطيف في زرع التقدم و النمو في نفوس المتأخرين.....و كما يفال حلباتك سطيف.
إخوتي الطلبة القاطنين خارج مدينة سطيف(لأن الطلبة السطايفية يعرفون خبايا مدرسة الدكتوراة) أنصحكم بتجنب مدرسة الدكتوراة و التوجه لمسابقة الماجيستير لأن مدير مشروع الماجيستير إسمه حاج صحراوي و ليس الإمبراطور صالحي الذي تقدم بطلب إلغاء مسابقته لهذه السنة لأنه تعرض للضغوطات من أجل إنجاح أصحاب الرشوة و المعريفة.
أظن أن لسيناريو الأستاذ صالحي بطلبه الإلغاء باين باش الناس ما يمسحوش فيه الموس و هو إيدير في خدمتو.

[nasserdouz]

يا سي كمال نقلك حاجة:
اللي غاروا منا يديروا كيفنا
راهي قتلاتك الغيرة وقلبك راح يتفلق من الحسد والغيرة
الحمد لله ربي كريم وناب علينا ونجحنا ورانا على الطريق ان شاء الله سائرون
والطالبة اللي راك تتحدث عليها وتقول زوجة استاذ معروف راهي انسانة مجتهدة وتقرا مليح وزهرها خير من زهرك على خاطر ربي يمد على قد القلوب وانت قلبك اكحل وماكش راح تنجح لا السنة ولا غير السنة
بيض قلبك يا سي كمال وروح تقرا على روحك خيرلك من الحسد والغيرة اللي قاتلتك
وفي الاخير تحيا البروفيسور صالح صالحي وخمسة في عينين الحساد
واللي غاروا منا يديروا كيفنا
والحمد لله حنا في تبسة متحلبين عليكم وخاصة انت يا سي كمال
درجة درجة لابغيت تربح عندك غير طيح، تحكم غير الريح، الشدة في الله والعاطي ربي.
واللي غارومنا يديروا كيفنا يا سي كمال.

[nasserdouz]

ايا وهاذي 10000 في خاطر ناس تبسة وناس الشريعة وناس الجلفة وسي عبدالقادر وناس بحيرة لرنب وناس قساس وناس العقلة.
واللي غاروا منا يديروا كيفنا.

[mostafa27250]

ماتكحلش قلبك غليه ياسي الناصر أنت إنسان عاقل
خونا رمضان أثر فيه

[nasserdouz]

صحيت خويا مصطفى

[nadia1985]

عذرا يا ولد12 .. نحن في منتدى محترم و ليس في بار باش يحلالك التبراح. لكن الله غالب باين عليك من les bares ما تخرجش...

[nadia1985]

كما ان كلامك لا يشرف أبدا طالب دكتوراة...بهدلت بالمدرسة.

[sally.213]

صح انتم صائمون. ربي يهديكم و يغفرلكم في رمضان هذا.دخلت من أجل البحث عن دروس في اقتصاد التنمية و لكن صدمت ؟
He that seek other to beguile is over taken in his wile.

[nasserdouz]

نقلك حاجة وحدة يا الاخت نادية: ربي يهديك وينجحك في مدرسة الدكتوراه باه ما تتقلقيش العام الجاي وتزيدي تهبلي
انا نظن انو كي نقول كلام يتحسب عليا وما يتحسبش على طلبة الدكتوراه
ونقلك حنا ناس نورمال نقراو ونزهاو في الحلال يا اختي وماش معناها اني كي ننجح في مدرسة الدكتوراه راح نولي شايب ومنهدرش وما نضحكش، القرايا قرايا والدنيا دنيا.
وهاذي 1000 في خاطر ناس تبسة.

[nadia1985]

merci bien ma soeur saly mais il coprends pas avec cette langue

[nasserdouz]

ربي يبيض قلوبكم

[فخر اولاد شيبوط]

المشاركة الأصلية كتبت بواسطة nasserdouz

والطالبة اللي راك تتحدث عليها وتقول زوجة استاذ معروف راهي انسانة مجتهدة وتقرا مليح وزهرها خير من زهرك على خاطر ربي يمد على قد القلوب وانت قلبك اكحل وماكش راح تنجح لا السنة ولا غير السنة
بيض قلبك وروح تقرا على روحك خيرلك من الحسد والغيرة
.

عندك الحق 100/100 القلب هو سر نجاح كل العباد الواحد يزين نيتو و يتوكل على ربي و هاذيكهي اذا نجح راو نجح و حتى اذا ما نجحش راح توليلو نورمال يزعف شوية و مبعد يجدد النشاط و العزيمة لعام اخر مش يقعد يقرعج على اللي ربح و يحسدووو : من راقب الناس مات هماااااااااااااااااااااااااا

المشاركة الأصلية كتبت بواسطة nadia1985

عذرا يا ولد12 .. نحن في منتدى محترم و ليس في بار باش يحلالك التبراح. لكن الله غالب باين عليك من les bares ما تخرجش...

حرام عليك ترميه قدام العباد راكي قلتي كلام كيبر لوكان انا عمري ما نقبلو لكن هو كان محترمك في الرد......ربي يهدي الجميع