ممكن مساعدتي الله يكرمكن

[أم أحمد معاذ]

السلام عليكم وحياكن الله اخواتي الحبيبات

عندي كمية كبيرة من الليمون واريد طريقة للاحتفاظ بالعصير والقشور في المجمد وهناك اخت وضعت طريقة لكن بحثت عنها ولم اجدها فممكن تساعدنني الله يكرمكن ياارب

[natacabell]

السلام عليكم ورحمة الله وبركاته
تفضلي هاذ الطريقة هايلا و مجربينها كامل الاخوات (عصير الليمون)
اصبري نزيد نحوسلك على طريقي حفظ مبشور اليمون في المنتدى
https://www.djelfa.info/vb/showthread.php?t=1471703

[ام محمد امير]

يا اختي نعطيلك طريقتي اذا عجباتك ديريها انا ندير عصير القارص نديرو في باطات لاقلاص تاع لفريجيداار ولا مخبية بايط لاكريم صغار نديرهم فيه ونخليهم يجمدو ونفرغهم في ساشيات كي نحب ندير العصير نجبد ونزيد عليهم الماء ولقشور نيبسهم قدام الفورنو ولا فالشمش ونرحيهم ماترحيهمش بودر خليهم شوية خشان ديريهم في بلارة تاع زجاج والكمية ليتحتاجيها ارحيها بودر وغربليها وخبيها على خطرة كون ترحيه كامل راهي تروح ريحتو ونستعملو زاست في بلاصة لفاني ،وثاني البرتقال ندير نفس الشيئ.

[أم أحمد معاذ]

جزاكن الله خيرا أخواتي

[سميرة10]

انا نقولك واش ديري اعصري القارص وديريه في بايط تاع بتيسويس وحطيهم في المجمد اسفة قبل ما تعصري القارص سكرفجيه باش تنحي ليزاس نتاوعو وحطيهم في علبة و اغلقي مليح باش ما تخرش النكهة تاعو

[lilii7179]

نعطيك طريقتي
كرفجي القارص و ديريه في صاشي ثم porte manger و للمجمد ( خاطر ريحتو قاوية بش ما يرجعلكش كلشي ب ريحة القارص)
الباقي اعصريه و حطيه في القوالب الخاصة بالمجمد (مكعبات) les bac a glaçons كي يجمدو نحيهم و حطي في صاشي و خليه في المجمد , كي يكونو مكعبات صغار تقدري تتحكمي في الكمية تجبدي قدر ما تحتاجي,
فس العام الماضي كنت مريضة بيدي ما قدرت لا نكرفج لا نعصر واش درت؟ قشرت القارص و القشور رحيتهم في الروبو و جمدتهم, اللب حطيتو في الميكسور رحيتو و صفيتو , استخلصت العصير و جمدتو ب نفس لطريقة, بقالي كمية قليلة من اللب ( اللي قعد في الصفاية) و انا ما نحب نفرط في حتى حاجة هههههههه هذاك زدتلو الماء و السكر و غليتو شوية و عاودت صفيتو و تحصلت على عصير منعش

[lilii7179]

نعطيك طريقتي
كرفجي القارص و ديريه في صاشي ثم porte manger و للمجمد ( خاطر ريحتو قاوية بش ما يرجعلكش كلشي ب ريحة القارص)
الباقي اعصريه و حطيه في القوالب الخاصة بالمجمد (مكعبات) les bac a glaçons كي يجمدو نحيهم و حطي في صاشي و خليه في المجمد , كي يكونو مكعبات صغار تقدري تتحكمي في الكمية تجبدي قدر ما تحتاجي,
فس العام الماضي كنت مريضة بيدي ما قدرت لا نكرفج لا نعصر واش درت؟ قشرت القارص و القشور رحيتهم في الروبو و جمدتهم, اللب حطيتو في الميكسور رحيتو و صفيتو , استخلصت العصير و جمدتو ب نفس لطريقة, بقالي كمية قليلة من اللب ( اللي قعد في الصفاية) و انا ما نحب نفرط في حتى حاجة هههههههه هذاك زدتلو الماء و السكر و غليتو شوية و عاودت صفيتو و تحصلت على عصير منعش

[himoprence]

يعطيكم الصحة

[baya nour]

salam alaikoum, kama kalou akhawette , kima tekedri taresslihom ou tnechfihom ou thatihoum kamline fi congélateur ki tsshaki le zeste ou houma djamdine teskerefjihoum ou ila shekiti jus khelihon yedicongelaw hadi tarikti mjerbetha wa sahla, takabali salami

[عطرالذهب]

شوفي اختي اغسلي القارص ونشفيه قشري القشرة الفوقانية بقشارة البطاطا بلاماتلحقي للقشرة البيضا
شيحيها فوق الشوفاج وارحيها في المولينات وحطيها في بلارة تبقالك طول لعمر
هذا بالنسبة للمبشور
للعصير اعصري القارص وحطيه في كيسان جوتابل وغطيهم بالفيلم اليمونتيغ وحطيهم في المجمد
كي تحبي تخدمي عصير خلطي كاس جوتابل مع 5 مغا رف سكر ولتر ماء تتحصلي على احلى عصير ليمون بلا مرورية
خدمتو العام اللي فات في هاذ الوقت وخبيتو لرمضان والله العظيم كل ليلة نستمتعو بعصير طازج ولذيييييييذ

[sheherazed]

Ya3tikm saha les filles

[مريم الاميرة]

السلام عليكم اختي
طريفتي هزيتها من قناة سميرة و الله روووووووووووووووعة ديري كيلو قارص تغسليه ة تديريه في لاراب باه تنحي الزاست ما توصليش للقشرة البيضاء باه ما يجيش مر
و مبعد تعصريه و توزني 700 غ سكر تكبي فوقها العصير و تحطي الزاست و تخليه ليلة كاملة مع التحريك المستمر و غدوة من ذاك صفيه الزاست ديريه في بةغت مونجي و سكري مليح و العصير ديريه في دي قوبلي وغطيه و كونجليه صدقيني يجي روووووووووووووعة كي تحبي العصير غير زيدي الما برك راح تتحصلي على احلى عصير ليمون و الزاست يكون معسل يهبل ديريه في الكيكات و لا القاطو
ارجو اني نكون افدتك اختي