ماذا تعرفون عن ثكنة عين الترك بوهران؟؟؟؟

[zaki4]

السلام عليكم
لقد جائني أمر بالاستدعاء وقد وجهوني الى عين الترك بوهران
ماذا تعرفون عن ثكنة عين الترك بوهران؟؟؟
وهل ابقى فيها مدة عامين ام ماذا ؟؟؟؟
بارك الله فيكم

[mokhtar28120]

ممكن اخي الولاية

[zaki4]

ولماذا هل تم بعثك هناك

[wali94]

و لا معلومة حول هده الثكنة ?

[houhou92]

المشاركة الأصلية كتبت بواسطة zaki4

السلام عليكم
لقد جائني أمر بالاستدعاء وقد وجهوني الى عين الترك بوهران
ماذا تعرفون عن ثكنة عين الترك بوهران؟؟؟
وهل ابقى فيها مدة عامين ام ماذا ؟؟؟؟
بارك الله فيكم

اولا اجبني عن سؤالي ماذا تقصد انك سبتبقى فيها لمدة عامين هل تريد الدخول كمتعاقد ام تادية الخدمة الوطنية فقط على كل ساجيبك عن سؤالك ,ان كنت في تلك المدرسة وهي مدرسة جيدة وتقع في قلب مدينة عين الترك ولا يوجد تدريب شاق فيها بعكس بعض المدارس لكن الكرفي غير هوا لي يمشي خصوصا اذا كنت احتياطي وام الطبيب تماك مزير بزاف ادا ما كانش عندك العرف ولا دوسي قوي راك مقبول وعلى كل الستاج للاحتياطيين صار 4 اشهر يعني ما تحس بيها غير فاتت وفيها امتيازات بعد 45 يوم تدريب كاين اجازات 48 ساعة و 72 وحتى 36 ساعة والبرمسيو مليح تاني كي طول شهرين تقدر تروح 8 ايام بالتوفيق

[wali94]

يا أخي أنا راح نجوز الحدمة العسكرية فيها ، لوكان تعطينا معلومات حول المعاملة و الظروف و التدريب .... في هده الثكنة

[houhou92]

المشاركة الأصلية كتبت بواسطة wali94

يا أخي أنا راح نجوز الحدمة العسكرية فيها ، لوكان تعطينا معلومات حول المعاملة و الظروف و التدريب .... في هده الثكنة

اعتقد انني اجبت على اسئلتك قتلك التدريب ليس بالشاق ولكن ليس بالسهل جدا واما المعاملة فلا تتوقع في ايام التدريب معاملة حسنة لانها تكون قاسية وبعد ذلك تولي نورمال وتلقى روحك والفت والطبيب قتلك مزير انت توكل على ربي وروح

[wali94]

بارك الله فيك الأخ

[wali94]

أخي هل صحيح أن هذه الثكنة ماترفدش بزاف ? هل الهاتف مسموح ? كيف هي حالة الإقامة فيها ? الميتاسيو ? شكرا أخي و سامحني

[houhou92]

المشاركة الأصلية كتبت بواسطة wali94

أخي هل صحيح أن هذه الثكنة ماترفدش بزاف ? هل الهاتف مسموح ? كيف هي حالة الإقامة فيها ? الميتاسيو ? شكرا أخي و سامحني

اخي في الاحتياطيين تشد 50 عريف اي كابران و50 رقيب اي سارجان والباقي غير مقبولين ومقبلوين لا يمكن تلبيسهم هناك وهادو يروحوا للترونزيت ويبعثلوهم لثكنات اخرى التي تعاني من النقص يعني الفائض لا بد ان يلبس الا في حالات نادرة قد يتم تسريحهم ,الهاتف في ايام التدريب غير مسموح به طبعا لكن تنجم تماسكيه وتعطيهم واحد وتشد عندك الاخر ولكن بعد البرميسيو الاول الهاتف مسموح به الا هاتف الكاميرا واذا كان لديك اعرف تماسكيه حالة الاقامة قبل ما يلبسوكم سيئة نوعا ما هناك قاعة رياضية يتم وضع الاحتياطيين فيها للنوم قبل لبس الكومبا سواءا كانوا مقبولين او لا جميع الاحتياطييين ينامون هناك ولكن بعد ما تلبس يدوكم لشالي افضل من هاديك القاعة وهو مناسب جدا للاقامة الميتاسيو انا بعثولي وبعض صحابي للناحية الاولى تيزي وزو بومرداس الجزائر المدية الجلفة عين الدفلى والنواحي الاخرى كاين بشار تندوف تمنراست ورقلة وكاين الطارف وتبسة وغيرها من الولايات لكن كل خطرا يتبدل الميتاسيو نتا وزهرك ولكان عندك عرف راك ضمنتها والحاجة المليحة تماك السبيكتاكل بعد البرمسيو الاول كاين اجازات قصيرة 48 سا و 36 سا و 72 سا واذا كنت قريب تقدر تروح تويكاندي نورمال بالتوفيق

[wali94]

بارك الله فيك اخي ، أنا نوزن 50 كغ زاعما واش رايك يشدوني ?

[houhou92]

المشاركة الأصلية كتبت بواسطة wali94

بارك الله فيك اخي ، أنا نوزن 50 كغ زاعما واش رايك يشدوني ?

اكيد 50 فما فوق اعمل جهدك تنقص وزنك ممكن ما يقبلوكش اذا كنت تحت 50 انا كنت 55 وقبلوني

[wali94]

المشاركة الأصلية كتبت بواسطة houhou92

اكيد 50 فما فوق اعمل جهدك تنقص وزنك ممكن ما يقبلوكش اذا كنت تحت 50 انا كنت 55 وقبلوني

خويا العزيز أنا راني متطوع او بعتوني لهذه المدرسة او راني حاب يشدوني فيها واش تنصحني نروح مع الأول و لالا مع العلم ان في عمري 20 سنة

[houhou92]

المشاركة الأصلية كتبت بواسطة wali94

خويا العزيز أنا راني متطوع او بعتوني لهذه المدرسة او راني حاب يشدوني فيها واش تنصحني نروح مع الأول و لالا مع العلم ان في عمري 20 سنة

اذا حاب يشدوك تماك روح مع الاوائل وكونك عاقل لانو القبيح يتلعوه بعيد ومرحلة وتفوت حنا فوتنا الستاج 6 اشهر ونص والتاخير في الميتاسيو اما درك صارت اربع شهر روح مع الاوائل واتكل على ربي

[wali94]

بارك الله فيك اخي جزاك الله كل خير.