تطبيقي لديول الاخت الصوامعية و كريمة الجبن للاخت ام محمد تاج

[رجاها 22]

السلام عليكم اليوم طبقت ديول الاخت الصوامعية مدرتلهم اللحظة فقط مكانتش متوفرة عندي
لكن منجحوليش 100/100 و عدبوني ههه
حتى وليت ندهنهم في المقلاة بشوية زيت و منخليهمش يطيبو مليح و نحيهم
لانهم كانو يتكسرولي لما ننزعهم منعرف وين المشكل كانوا يجوني يابسين لدلك مخليتهمش يطيبو مليح مليح و كنت ندهنهم بشوية تع الزيت في المقلاة
وهكدا خرجولي ملاح وطريين

المقادير:

- 2 كيسان سميد متوسط.
- 1 كاس فرينة.
- مغرف كبيرة لحظة.
- 3 مغارف كبار زيت.
- مغرف صغيرة ملح.
- 3 كيسان ماء وشوية حسب كثافة العجينة.

طريقة التحضير:

في صحن عريض نحط كامل المقادير مع بعض نخلطهم بالفوي مليح مليح نخلو العجينة نتاعنا تريح حوالي ساعة او أكثر بمعنى قد ما تريح جي مليحة ثم نطيبوها كيما تعرفو كامل فالمقلة بالبانسوعلى البخار أو على النار مباشرة






وطيقت ايضا كريمة الجبن للاخت ام محمد تاج
جاتني مليحة لكن جاوني فيها شوي حبيبات صغار لكن ماثروش على الدوق
ان شاء الله نعاودها و تنجحلي خير من هكدا

كريمة الجبن:
زوج كيسات تاي حليب نكسر عليهم بيضة ورشة ملح ورشة فلفل اسود وزوج مغرف كبار فرينة ونحطهم على النار حتان يخثارو مليح ونحيها وهي سخونة نزيدلها خمس فرماجات ونخبط بالباتور



درت بيهم البوراك
و جا دوقهم مليح و عجبنا
خلطت الكريمة مع اللحم المرحي


درتهم داخل الديول و قليتهم


هدا الكاس تاعي منستغناش عليه هههه نشرب بيه كلش غير هو

وتمضي ايامي رجاها

[فهيمة 7]

[tong2]

الله يبارك ماشاء الله عليـــــك

تطـــبيق جد ممتاز

[idron0]

بارك الله فيك اختي

[..بسمة أمل ..]

روعة يعطيك الصحة

[amina nourhanne]

الله يبارك ختي جاوك روعة

[أنواار الإيماان]

بارك الله فيك اختي مشكورة والشكر موصول لصاحبات الوصفات

[رجاها 22]

السلام عليكم

[maryouma46]

لا توجد الصور